Hættustigi almannavarna lýst yfir vegna jarðhræringa

Í tilkynningu frá almannavarnadeild ríkislögreglustjóra segir að um sé að ræða öryggisráðstöfun þar sem ekki sé hægt að útiloka að jarðskjálftavirknin undir Bárðarbungu geti leitt til eldgoss með stuttum fyrirvara. Þó er tekið fram að enn eru engin merki um gos og reynsla úr fyrri jarðhræringum sýnir að þær geta staðið lengi yfir áður og ef kemur til goss.
Hefur lögreglan á Húsavík og Seyðisfirði nú þegar lokað leiðum inn á svæðið og vinnur að því að ná til þeirra ferðamanna sem eru á hálendinu norðan Dyngjujökuls í því skyni að þeir yfirgefi svæðið.
Hættustig almannavarna er skilgreint svo: „Ef hættumat leiðir í ljós að hætta fer vaxandi verður að grípa til tafarlausra ráðstafana til að tryggja sem best öryggi þeirra sem á svæðinu búa/dvelja. Slíkt er gert með því að efla viðbúnað neyðar- og öryggisþjónustunnar á viðkomandi svæði, ásamt því að grípa til fyrirbyggjandi aðgerða s.s. rýmingar, brottflutnings eða lokunar svæða. Einnig eru leiðbeiningar og viðvaranir einkennandi fyrir þetta stig.”
Tengdar fréttir

Virknin gengur áfram í bylgjum
Skjálftavirkni í kringum Bárðarbungu er enn mikil en þetta kemur fram í tilkynningu frá Veðurstofu Íslands.

Almannavarnardeild fundar og fer yfir ný gögn
"Það verður farið yfir öll ný gögn sem hafa borist undanfarinn sólarhring,“ segir Víðir Reynisson, deildarstjóri Almannavarnardeildar Ríkislögreglustjóra, í samtali við fréttastofu.

Viðbúnaðarstig áfram appelsínugult
Ákveðið hefur verið að breyta ekki viðvörunarstigi fyrirflugmálayfirvöld vegna jarðhræringanna í og við Bárðarbungu.

Nokkurra klukkustunda fyrirvari yrði á eldgosi
„Það eru nú lítil merki um að það sé að draga úr þessu,“ segir Magnús Tumi Guðmundsson prófessor í jarðeðlisfræði.

Vefmyndavél komið fyrir á Vaðöldu
Míla hefur sett upp vefmyndavél á Vaðöldu til að fylgjast með þróun mála við Bárðarbungu.

Bárðarbunga gæti valdið hamförum við Dettifoss
Almannavarnir lýstu í dag yfir óvissustigi vegna jarðskjálftahrinu sem staðið hefur yfir í Bárðarbungu frá því í nótt. Kvika er talin vera á hreyfingu í eldstöðinni.

Kortlagði skjálftana í Bárðarbungu í þrívídd
Bæring Gunnar Steinþórsson hefur sett upp vefsíðu sem sýnir virknina í Bárðarbungu í þrívídd.

Enn mikil skjálftavirkni undir Bárðarbungu
Heldur dró úr skjálftavirkni undir Bárðarbungu upp úr miðnætti en svo jókst hún aftur um fjögur leytið í nótt og varð brátt álíka og í fyrrinótt, þegar vel á þriðja hundrað skjálftar mældust frá miðnætti til klukkan sex í gærmorgun.

Brýrnar gætu sópast burt og Dettifoss sorfist niður
Hrinan í Bárðarbungu er mjög öflug og full ástæða til að gera ráð fyrir eldgosi, að mati sérfræðings Veðurstofu Íslands. Viðvörun gagnvart alþjóðaflugi var í dag sett á næstefsta stig.

TF-SIF væntanleg síðdegis
Frá Sikiley til Íslands með viðkomu á Bretlandi.

Skoða hvort hækka þurfi viðbúnaðarstig
„Þessi atburður er orðinn mjög langur og mikið af skjálftum,“ segir Víðir Reynisson hjá almannavörnum.

Skjálftarnir við Bárðarbungu á tíu sekúndum
Það er forritarinn og hönnuðurinn Aitor García Rey sem tók myndbandið saman.