Hér má sjá flugumferðina klukkan 18:30 í dag og bannsvæðið.
Vegna eldgossins í Dyngjujökli hefur viðvörunarkóða fyrir flug verið breitt í rautt og er öll umferð blindflugss bönnuð yfir suðaustanverðu Íslandi, þá helst yfir Vatnajökli. Eins og sést á meðfylgjandi mynd eru flugfélög nú þegar farin að sveigja frá svæðinu sem bannað er að fljúga yfir. Má sjá hvernig farþegaþotur á leið sinni frá Evrópu til Ameríku taka nú á sig krók ýmist austur eða vestur fyrir flugbannssvæðið.
Flugmenn á svæðinu fá upplýsingar frá flugturninum í Reykjavík, þar sem kemur að þeir þurfi að breyta flugleið sinni.
Friðþór Eydal, talsmaður Isavia, segir að þar sé vel fylgst vel með gangi máli. „Við erum með sérstaka eldgosavakt í gangi. Við höfum samráð við fræðimenn og aðila sem fræða okkur um stöðu mála. Það sem skiptir kannski helstu máli núna er að það er ekkert komið upp á yfirborðið og við vitum ekki hvort það sé gos í gangi,“ útskýrir hann og heldur áfram:
„Þetta er fyrst og fremst varúðarráðstafanir sem gripið hefur verið til. Það er engin aska í loftinu eða neitt þannig.“
mynd/flightradar24.comHér sést hvernig Airbus vél flugfélagins Air Transat, sem var á leið til Vancouver í Kanada stefndi á Vatnajökul en tók sveig í átt að Eyjafjallajökli á leið sinni norðvestur yfir landið.
mynd/flightradar24.comVél British Airways, sem einnig var á leið til Vancouver, sveigði austur fyrir landið í átt að Glettingi, en rétti sig síðan af í sömu flugstefnu norðuvestur yfir Ísland.
mynd/flightradar24.comVél Virgin Atlantic sveigði til austurs og tók svo aftur stefnu til norðvesturs og flaug yfir Melrakkasléttu.
Stórt svæði yfir suðaustanverðu landinu er lokað fyrir flugumferð, samkvæmt upplýsingum frá Veðurstofu og Samhæfingamiðstöðinni. Ákvörðun um þessa lokun er endurmetin á tveggja klukkutíma fresti.
Ekki hefur verið lokað fyrir flug til og frá landinu. Talið er að lítið gos sé hafið undir Dyngjujökli að því er kemur fram í tilkynningu frá Almannavörnum.
Undirbúningar er hafinn að því að opna fjöldahjálparstöðvar á Húsavík, Kópaskeri og í grunnskólanum í Reykjahlíð á Mývatni komi til þess að byggðirnar í Kelduhverfi, Núpasveit og Öxarfirði verði rýmdar.
"Þetta er high-risk svæði þannig að það er algjör slóðaháttur að yfirvöld hafi ekki tekið sig saman í andlitinu og komið þessu í lag,“ segir Erlendur Garðarsson.
Sigmundur Davíð Gunnlaugsson, Bjarni Benediktsson, Hanna Birna Kristjánsdóttir og Haraldur Jóhannesson funda nú í Samhæfingarmiðstöðinni í Skógarhlíð ásamt fleirum vegna gossins í Dyngjujökli.
