Veðurstofan vanmat stærð jarðskjálfta fyrstu dagana í skjálftahrinunni í Bárðarbungu. Þetta var leiðrétt í gær og er nú ljóst að hrinan er enn öflugri en áður var talið.
„Við vorum í raun að vanmeta stærðir eða glugginn sem við skoðuðum þá í var of stuttu,“ segir Kristín Vogfjörð, jarðskjálftafræðingur og rannsóknarstjóri Veðurstofu Íslands, í samtali við fréttastofu 365.
„Orkan sem skjálftarnir voru að senda út var ekki í þessum glugga sem við vorum að nota. Þegar við fórum að skoða þetta betur þá stækkuðu þeir. Það virkar því eins og þeir hafi skyndilega stækkað en í raun og veru hafa skjálftar undanfarna daga verið aðeins vanmetnir.“
Mörgum brá undir hádegi í gær þegar sást á vef Veðurstofunnar að skjálftum af stærðinni milli þrjú og fjögur stig fór skyndilega að fjölga en áður höfðu stærstu skjálftarnir yfirleitt verið á bilinu tvö til þrjú stig.
Ástæða er ekki sú að aukinn kraftur væri að færast í hrinuna heldur var verið að leiðrétta mælakerfið.
Þess er skemmst að minnast að sterkasti skjálftinn í byrjun vikunnar var fyrst sagður 3,8 stig aðfararnótt mánudag. Þegar búið var að endurmeta stærðina hálfum sólarhring síðar var hann sagður vera 4,5 stig.
Skjálftar í Bárðarbungu kerfisbundið vanmetnir
Tengdar fréttir
Verður fimm stiga skjálfti rásmerki Bárðarbungu?
Kröftugur jarðskjálfti í Bárðarbungu um 5 á Richter var það sem hleypti af Gjálpargosinu í Vatnajökli árð 1996.
Skjálftinn var 4,5 stig
Sérfræðingar Veðurstofunnar hafa endurmetið stærð stóra skjálftans sem varð í Bárðarbungu í nótt.
Stærsti skjálftinn til þessa
Jarðskjálfti upp á að minnsta kosti 3,8 stig varð í grennd við Kistufell í norð-vestanverðum Vatnajökli í nótt og er þetta sterkasti skjálftinn sem mælst hefur í hrinunni, sem hófst um helgina. Hann fannst meðal annars á Akureyri.
Ekkert lát á skjálftavirkni - sá stærsti tæp fjögur stig
Ekkert lát er á skjálftavirkni í norðanverðum Vatnajökli, þar sem á þriðja hundrað skjálfta mældust í nótt, þar af tveir upp á þrjú stig eða meira. Sá fyrri reið yfir klukkan hálf tólf í gærkvöldi og mældist hann 3,8 stig. Sá síðari kom klukkan kortér yfir tvö og mældist 3,0 stig. Álíka stór skjálfti varð þar síðdegis í gær. Enn sjást þó engar vísbendingar um að kvikan sé að leita upp á yfirborðið en hún leitar áfram lárétt eftir berggöngum til norðausturs.
Næstum 3000 skjálftar á þremur dögum
Skjálftarnir hafa færst til norðurs og austurs að undanförnu. Flestir skjálftarnir hafa til þessa átt upptök sín á um 5 til 10 kílómetra dýpi og engar vísbendingar eru um að þeir séu að færast ofar.
Skjálfti upp á 4,0 stig
Tveir nokkuð stórir jarðskjálftar urðu nærri Bárðarbungu fyrir hádegi í dag.
Mjög öflugur atburður, kvikan færi hratt upp
Atburðarásin í Bárðarbungu nú er margfalt öflugri en sú sem varð í aðdraganda Gjálpargossins árið 1996.
Sterkasti skjálftinn það sem af er var í nótt
Fjögur hundruð skjálftar við Bárðarbungu. Skjálfti uppá 4,7-4,8 stig. Skjálftavirkni við Bárðarbungu og Dyngjujökul er enn mikil. Þó dró nokkuð úr henni upp úr klukkan tvö í nótt.
Skjálftarnir við Bárðarbungu á tíu sekúndum
Það er forritarinn og hönnuðurinn Aitor García Rey sem tók myndbandið saman.
Telur goslíkur aukast eftir því sem hrinan dregst á langinn
Líkur á eldgosi aukast eftir því sem atburðarásin í Bárðarbungu dregst á langinn, að mati Magnúsar Tuma Guðmundssonar prófessors.
