Neyðarlínan biðlar til almennings að hreinsa vel frá niðurföllum svo að rigningarvatn komist örugglega niður. Slökkvilið höfuðborgarsvæðisins hefur ekki undan að sinna útköllum vegna vatnsleka í íbúðarhúsum um þessar mundir.
Mikil rigning hefur verið víða um land í nótt og í morgun. Neyðarlínan vekur einnig athygli á að ekkert ferðaveður er undir fjöllum, þá sérstaklega fyrir húsbíla og bíla með eftirvagna.
Er veðrið að ónáða þig? Láttu okkur vita eða sendu okkur mynd á ritstjorn@visir.is.
