Setur spurningamerki við ráðningu nýs lögreglustjóra

Árni Páll Árnason, formaður Samfylkingarinnar, hefur lagt fram fyrirspurn á Alþingi til Hönnu Birnu Kristjánsdóttur, innanríkisráðherra, vegna skipunar í embætti lögreglustjórans á höfuðborgarsvæðinu.

Árni Páll spyr innanríkisráðherra hvaða rök hafi legið að baki því að beita bráðabirgðaákvæði í lögum við skipan í embættið og hvers vegna það hafi ekki verið auglýst laust til umsóknar.

Nýr lögreglustjóri á höfuðborgarsvæðinu er Sigríður Björk Guðjónsdóttir en hún tók við embættinu þann 1. september af Stefáni Eiríkssyni sem sagði upp störfum fyrr á árinu. Hann hafði gegnt embættinu frá árinu 2006.