Atli Ævar skoraði þrjú mörk í tapi Guif

Atli Ævar Ingófsson skoraði þrjú mörk fyrir Guif frá Eskilstuna sem tapaði með einu marki, 31-30, á útivelli gegn Drott í sænsku úrvalsdeildinni í handbolta í kvöld.

Drott var sex mörkum yfir í hálfleik, 22-16, og hafði á endanum nauman sigur þrátt fyrir fína endurkomu Giuf-manna í seinni hálfleik.

Lærisveinar Kristjáns Andréssonar eru í fjórða sæti sænsku deildarinnar með 20 stig eftir 17 leiki. Drott er í sjöunda sæti með 17 stig eftir sigurinn í kvöld.