Mótettukórinn býður til veislu í tilefni gullverðlauna Kolbeinn Tumi Daðason skrifar 25. september 2014 10:16 Óhætt er að segja að ferð Mótettukórsins til Spánar hafi verið til fjár. Mótettukór Hallgrímskirkju vann til þrennra gullverðlauna og Grand prix verðlauna Spáni í síðustu viku eins og Vísir greindi frá. Kórinn tók þátt í alþjóðlegu kórakeppninni Cancó Mediterrania, sem haldin er í september á hverju ári í Lloret de Mar hjá Barcelona á Spáni. Í tilefni góðs árangurs ætlar kórinn að bjóða til ókeypis tónleika í Hallgrímskirkju á sunnudaginn klukkan 17 á meðan húsrúm leyfir. Tuttugu og tveir kórar með um átta hundruð kórsöngvurum voru skráðir til keppni á Spáni en keppt var í þremur aldursflokkum og fimm efnisflokkum. Mótettukórinn keppti í flokkunum „trúarleg tónlist“ og „þjóðleg tónlist”, auk þess sem kórinn keppti um besta flutninginn á tónverki eftir Pablo Casals, en keppnin er kennd við þennan heimsfræga sellista og þjóðhetju í Katalóníu. Mótettukórinn söng keppnisdagskrána í höfuðkirkju Lloret de Mar miðvikudaginn 17. september að viðstöddum áheyrendum og fimm manna dómnefnd. Auk þess söng kórinn á tónleikum í Dómkirkjunni í Barcelona, Tibidabo Sacrat Cor kirkjunni í Barcelona og Santa Susanna kirkjunni í Girona. Á öllum tónleikunum hlaut kórinn frábærar undirtektir áheyrenda að því er segir í tilkynningu frá kórnum. Laugardaginn 20. september voru úrslit keppninnar tilkynnt á útisviði við ráðhús Lloret de Mar. Þar kom í ljós að Mótettukórinn hafði orðið hlutskarpastur í öllum þremur flokkunum sem hann keppti í. Hörður Áskelsson, stjórnandi kórsins, tók við þrennum gullverðlaunum og að auki sérstökum Grand prix heiðursverðlaunum fyrir besta kór keppninnar. Í ljós kom að kórinn hafði fengið nánast fullt hús stiga allra dómnefndarmanna. Að lokinni verðlaunaafhendingu brutust út mikil fagnaðarlæti meðal viðstaddra. Sunnudaginn 28. september býður Mótettukórinn löndum sínum að fagna með sér í Hallgrímskirkju. Kórinn flytur þar efnisskrá sína í Spánarferðinni, þar með talin öll verkin sem sungin voru í keppninni. Tónleikarnir hefjast klukkan 17.00 og er ókeypis aðgangur meðan húsrúm leyfir. Menning Mest lesið Brad Pitt stoppaði í hamborgara í Dalakofanum Lífið Hefur gefið út tvö hundruð lög á fimm mánuðum Lífið „Þjóðarmorðið í Palestínu hefur sameinað þær“ Lífið Byrjaði í smábrotum en vatt svo upp á sig Lífið Alain Delon látinn Lífið Heitustu hinsegin pör landsins Lífið Hrútaþukl á Íslandsmeistaramóti í hrútadómum Lífið Dóttir Snæfríðar og Högna komin með nafn Lífið „Þetta er enginn helvítis félagskvíði, það bara þolir mig enginn“ Áskorun Krakkatían: Teiknimyndir, mjólkurvörur og tölvuleikir Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Mótettukór Hallgrímskirkju vann til þrennra gullverðlauna og Grand prix verðlauna Spáni í síðustu viku eins og Vísir greindi frá. Kórinn tók þátt í alþjóðlegu kórakeppninni Cancó Mediterrania, sem haldin er í september á hverju ári í Lloret de Mar hjá Barcelona á Spáni. Í tilefni góðs árangurs ætlar kórinn að bjóða til ókeypis tónleika í Hallgrímskirkju á sunnudaginn klukkan 17 á meðan húsrúm leyfir. Tuttugu og tveir kórar með um átta hundruð kórsöngvurum voru skráðir til keppni á Spáni en keppt var í þremur aldursflokkum og fimm efnisflokkum. Mótettukórinn keppti í flokkunum „trúarleg tónlist“ og „þjóðleg tónlist”, auk þess sem kórinn keppti um besta flutninginn á tónverki eftir Pablo Casals, en keppnin er kennd við þennan heimsfræga sellista og þjóðhetju í Katalóníu. Mótettukórinn söng keppnisdagskrána í höfuðkirkju Lloret de Mar miðvikudaginn 17. september að viðstöddum áheyrendum og fimm manna dómnefnd. Auk þess söng kórinn á tónleikum í Dómkirkjunni í Barcelona, Tibidabo Sacrat Cor kirkjunni í Barcelona og Santa Susanna kirkjunni í Girona. Á öllum tónleikunum hlaut kórinn frábærar undirtektir áheyrenda að því er segir í tilkynningu frá kórnum. Laugardaginn 20. september voru úrslit keppninnar tilkynnt á útisviði við ráðhús Lloret de Mar. Þar kom í ljós að Mótettukórinn hafði orðið hlutskarpastur í öllum þremur flokkunum sem hann keppti í. Hörður Áskelsson, stjórnandi kórsins, tók við þrennum gullverðlaunum og að auki sérstökum Grand prix heiðursverðlaunum fyrir besta kór keppninnar. Í ljós kom að kórinn hafði fengið nánast fullt hús stiga allra dómnefndarmanna. Að lokinni verðlaunaafhendingu brutust út mikil fagnaðarlæti meðal viðstaddra. Sunnudaginn 28. september býður Mótettukórinn löndum sínum að fagna með sér í Hallgrímskirkju. Kórinn flytur þar efnisskrá sína í Spánarferðinni, þar með talin öll verkin sem sungin voru í keppninni. Tónleikarnir hefjast klukkan 17.00 og er ókeypis aðgangur meðan húsrúm leyfir.
Menning Mest lesið Brad Pitt stoppaði í hamborgara í Dalakofanum Lífið Hefur gefið út tvö hundruð lög á fimm mánuðum Lífið „Þjóðarmorðið í Palestínu hefur sameinað þær“ Lífið Byrjaði í smábrotum en vatt svo upp á sig Lífið Alain Delon látinn Lífið Heitustu hinsegin pör landsins Lífið Hrútaþukl á Íslandsmeistaramóti í hrútadómum Lífið Dóttir Snæfríðar og Högna komin með nafn Lífið „Þetta er enginn helvítis félagskvíði, það bara þolir mig enginn“ Áskorun Krakkatían: Teiknimyndir, mjólkurvörur og tölvuleikir Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira