Áfram halda menn að flýja úr Safamýrinni eftir að liðið féll úr Pepsi-deild karla í knattspyrnu.
Ásgeir Marteinsson, miðjumaðurinn efnilegi sem kom frá HK síðasta haust, er nú búinn að segja upp samningi sínum við Fram, en þetta kemur fram á 433.is.
Þessi tvítugi miðjumaður, sem kosinn var efnilegasti leikmaður 2. deildar í fyrra, spilaði þrettán leiki fyrir Fram í Pepsi-deildinni í sumar og skoraði þrjú mörk.
Ásgeir er sá ellefti sem yfirgefur Fram eftir tímabilið og er því heilt byrjunarlið farið auk þjálfarans Bjarna Guðjónssonar sem tók við KR.
Tólfti maðurinn er svo að reyna að losna, en eins og kom fram á Vísi í gær er Aron Bjarnason í verkfalli því hann vill komast til ÍBV.
Þessir eru farnir frá Fram síðan tímabilið endaði:
Hörður Fannar Björgvinsson í KR
Ósvald Jarl Traustason í Breiðablik
Arnþór Ari Atlason í Breiðablik
Guðmundur Magnússon án liðs
Jóhannes Karl Guðjónsson í Fylki
Viktor Bjarki Arnarsson án liðs
Aron Þórður Albertsson án liðs
Hafsteinn Briem án liðs
Benedikt Októ Bjarnason í ÍBV
Haukur Baldvinsson í Víking
Ásgeir Marteinsson án liðs
Flóttinn mikli frá Fram: Heilt byrjunarlið farið
Tengdar fréttir
Flóttinn mikli frá Fram: Leikmaður farinn í verkfall
Tíu leikmenn hafa yfirgefið herbúðir Fram síðan liðið féll úr Pepsi-deildinni og ellefti leikmaðurinn er nú að reyna að losna.
Formaður Fram: Aron á að mæta á æfingar
Sverrir Einarsson, formaður knattspyrnudeildar Fram, er ekki par sáttur við að samningsbundinn leikmaður félagsins sé farinn í verkfall.
