Fjöldi Sjálfstæðismanna í Mosfellsbæ hafa skorað á Bjarna Benediktsson, formann flokksins, að gera það að tillögu sinni að Ragnheiður Ríkharðsdóttir, formaður þingflokks Sjálfstæðismanna, taki við embætti innanríkisráðherra.
„Ragnheiður hefur gríðarlega reynslu af stjórnsýslunni og ýmsum verkefnum er undir ráðuneytið heyra. Ragnheiður hefur setið á þingi frá 2007 og hefur ávallt sýnt mikla forystuhæfileika og heiðarleika í störfum sínum. Hún hefur margvíslega reynslu og þekkingu eftir bæjarstjóratíð sína í Mosfellsbæ og störf sín sem kennari og skólastjóri þar og í Kópavogi. Hún hefur auk þess gríðarlega reynslu af stjórnarstörfum, m.a. hefur hún setið í stjórn Slökkviliðs höfuðborgarsvæðisins, Sambands íslenskra sveitarfélaga, í verkefnisstjórn um nýskipan lögreglumála og fleira.
Við teljum eðlilegt að Ragnheiður verði fyrsti kostur við val á ráðherra innanríkismála,“ segir í tilkynningunni.
Bæjarfulltrúar, varabæjarfulltrúar og nefndarmenn Sjálfstæðisflokksins, ásamt formanni Sjálfstæðisfélagsins og formanni fulltúaráðs sjálfstæðisfélaga Mosfellsbæjar skrifa undir áskorunina.
Undir áskorunina skrifa:
Haraldur Sverrisson, bæjarstjóri
Bryndís Haraldsdóttir, forseti bæjarstjórnar,
Hafsteinn Pálsson, bæjarfulltrúi,
Kolbrún Þorsteinsdóttir, bæjarfulltrúi,
Eva Magnúsdóttir, varabæjarfulltrúi,
Rúnar Bragi Guðlaugsson, varabæjarfulltrúi,
Karen Anna Sævarsdóttir, varabæjarfulltrúi,
Sigurður Borgar Guðmundsson, varabæjarfulltrúi,
Sturla Sær Erlendsson, varabæjarfulltrúi,
Hreiðar Stefánsson, formaður menningarmálanefndar,
Örn Jónasson, formaður umhverfisnefndar,
Dóra Lind Pálmarsdóttir, nefndarmaður í skipulagsnefnd,
Ólöf A. Þórðardóttir, formaður þróunar- og ferðamálanefndar,
Fjalar Freyr Einarsson nefndarmaður í fjölskyldunefnd,
Gréta Salóme Stefánsdóttir, varamaður í menningarmálanefnd,
Svala Árnadóttir, nefndarmaður í menningarmálanefnd,
Herdís Sigurjónsdóttir, fyrrverandi bæjarfulltrúi,
Elísabet Sigurveig Ólafsdóttir, formaður fulltrúaráðs sjálfstæðisfélaganna í Mosfellsbæ,
Guðjón Magnússon, formaður Sjálfstæðisfélagsins í Mosfellsbæ.
Sjálfstæðismenn í Mosfellsbæ vilja Ragnheiði sem ráðherra

Tengdar fréttir

Vilja ekki hæfustu konuna eða hæfasta Sunnlendinginn
Heimdallur telur að velja eigi hæfasta einstaklinginn í embætti innanríkisráðherra, en ekki hæfasta Sunnlendinginn eða hæfustu konuna.

Pétur Blöndal sækist eftir ráðherrastóli
Pétur ræddi við Bjarna Benediktsson, formann Sjálfstæðisflokksins, um málið á laugardaginn

Sjálfstæðismenn í Reykjavík vilja ráðherra úr höfuðborginni
Stjórn Varðar – Fulltrúaráðs sjálfstæðisfélaganna í Reykjavík skorar á Bjarna Benediktsson formann Sjálfstæðisflokksins að tilnefna einn af þingmönnum Reykjavíkurkjördæmanna tveggja til að gegna embætti innanríkisráðherra.

Vilja að Bjarni skipi konu í ráðherraembætti
Stjórn Landssambands sjálfstæðiskvenna minnir Bjarna Benediktsson „á mikilvægi þess að gæta að kynjahlutföllum í ríkisstjórn“.

Vilja Unni Brá sem innanríkisráðherra
Bæjarfulltrúar Sjálfstæðisflokksins í Vestmannaeyjum skora á Bjarna Benediktsson að skipa Unni Brá Konráðsdóttur sem innanríkisráðherra.