Fjórum sinnum fimm konur í dansleiðangri Friðrika Benónýsdóttir skrifar 8. mars 2014 12:00 Eydís Rós Vilmundardóttir dansar í verki Steinunnar Ketilsdóttur við óbóverkið Round eftir Þuríði Jónsdóttur. Eydís Franzdóttir leikur á óbóið. Mynd: Hulda Sif Ég vil eiginlega kalla þetta dansleiðangur,“ segir Elín Gunnlaugsdóttir tónskáld, forsvarskona Kvennasólós, sem verður í Norræna húsinu á morgun. „Þetta er allt lifandi flutningur sem er dálítið óvanalegt í dansi. Annað sem er óvanalegt er að það eru konur í öllum störfum í sýningunni, nema hvað ljósamaðurinn er karlmaður. Ég leitaði og leitaði en fann enga konu sem er ljósamaður á lausu.“ Spurð hvernig þessi hugmynd hafi komið til segir Elín að þær Eydís Franzdóttir hafi fyrir fimm árum staðið fyrir tónleikunum Konur og kammermúsík sem hafi tekist mjög vel og þær hafi langað að þróa hugmyndina áfram. „Ég hafði samband við Láru Stefánsdóttur, sem ég hafði líka unnið með áður, og hún benti mér á að hafa samband við dansbraut Listaháskólans. Þau tóku mér vel og Sveinbjörg Þórhallsdóttir, yfirmaður dansbrautarinnar, hefur síðan unnið þetta með mér enda eru allir dansararnir af dansbraut Listaháskólans.“ Kvennasóló er sem sagt danssýning þar sem tuttugu konur úr tónlistar- og dansgeiranum leiða saman hesta sína. Um er að ræða fimm danshöfunda, fimm dansara, fimm tónskáld og fimm hljóðfæraleikara og fer sýningin fram undir merki 15:15 tónleikasyrpunnar í Norræna húsinu. Verkin sem flutt verða eru einleiksverk og verður frumsýndur sólódans við hvert þeirra. Sýningin hefst í sal hússins og síðan verða áhorfendur leiddir frá einu verki til annars í gegnum húsið, en ferðalagið endar svo á upphafsstaðnum. Sýningin er haldin í tilefni af 8. mars, alþjóðlegum baráttudegi kvenna, og er markmiðið með henni að fagna tjáningarfrelsinu og því sem áunnist hefur í baráttu kvenna fyrir jafnrétti. Tónleikarnir hefjast eins og áður segir klukkan 15.15 á morgun og fara fram í Norræna húsinu. Menning Mest lesið Brad Pitt stoppaði í hamborgara í Dalakofanum Lífið Frægir kynnar á ráðstefnu Demókrata Lífið Litla Melabúðin slær í gegn hjá Vesturbæingum Lífið „Þjóðarmorðið í Palestínu hefur sameinað þær“ Lífið „Þetta er enginn helvítis félagskvíði, það bara þolir mig enginn“ Áskorun Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Hefur gefið út tvö hundruð lög á fimm mánuðum Lífið Sjáðu myndirnar frá Ungfrú Ísland Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Ég vil eiginlega kalla þetta dansleiðangur,“ segir Elín Gunnlaugsdóttir tónskáld, forsvarskona Kvennasólós, sem verður í Norræna húsinu á morgun. „Þetta er allt lifandi flutningur sem er dálítið óvanalegt í dansi. Annað sem er óvanalegt er að það eru konur í öllum störfum í sýningunni, nema hvað ljósamaðurinn er karlmaður. Ég leitaði og leitaði en fann enga konu sem er ljósamaður á lausu.“ Spurð hvernig þessi hugmynd hafi komið til segir Elín að þær Eydís Franzdóttir hafi fyrir fimm árum staðið fyrir tónleikunum Konur og kammermúsík sem hafi tekist mjög vel og þær hafi langað að þróa hugmyndina áfram. „Ég hafði samband við Láru Stefánsdóttur, sem ég hafði líka unnið með áður, og hún benti mér á að hafa samband við dansbraut Listaháskólans. Þau tóku mér vel og Sveinbjörg Þórhallsdóttir, yfirmaður dansbrautarinnar, hefur síðan unnið þetta með mér enda eru allir dansararnir af dansbraut Listaháskólans.“ Kvennasóló er sem sagt danssýning þar sem tuttugu konur úr tónlistar- og dansgeiranum leiða saman hesta sína. Um er að ræða fimm danshöfunda, fimm dansara, fimm tónskáld og fimm hljóðfæraleikara og fer sýningin fram undir merki 15:15 tónleikasyrpunnar í Norræna húsinu. Verkin sem flutt verða eru einleiksverk og verður frumsýndur sólódans við hvert þeirra. Sýningin hefst í sal hússins og síðan verða áhorfendur leiddir frá einu verki til annars í gegnum húsið, en ferðalagið endar svo á upphafsstaðnum. Sýningin er haldin í tilefni af 8. mars, alþjóðlegum baráttudegi kvenna, og er markmiðið með henni að fagna tjáningarfrelsinu og því sem áunnist hefur í baráttu kvenna fyrir jafnrétti. Tónleikarnir hefjast eins og áður segir klukkan 15.15 á morgun og fara fram í Norræna húsinu.
Menning Mest lesið Brad Pitt stoppaði í hamborgara í Dalakofanum Lífið Frægir kynnar á ráðstefnu Demókrata Lífið Litla Melabúðin slær í gegn hjá Vesturbæingum Lífið „Þjóðarmorðið í Palestínu hefur sameinað þær“ Lífið „Þetta er enginn helvítis félagskvíði, það bara þolir mig enginn“ Áskorun Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Hefur gefið út tvö hundruð lög á fimm mánuðum Lífið Sjáðu myndirnar frá Ungfrú Ísland Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira