Íslenski dansflokkurinn til Ítalíu

Í kvöld sýnir Íslenski dansflokkurinn í Bolzano á Ítalíu. Boðið verður upp á þrjú ólík verk sem öll hafa slegið í gegn hjá áhorfendum og gagnrýnendum.

Verkin eru Svanurinn eftir Láru Stefánsdóttur sem nýlega lét af störfum sem listrænn stjórnandi flokksins, Farangur eftir Valgerði Rúnarsdóttur sem frumsýnt var í febrúar síðastliðinn og verkið Grosstadtsafari eftir Norðmanninn Jo Strömgren sem samið hefur nokkur verk fyrir flokkinn á undanförnum árum.