Mataræðið skilar manni langt Gunnþóra Gunnarsdóttir skrifar 8. apríl 2014 11:00 „Ég lenti í því fyrst að fá álagsmeiðsl, fór í smá vítahring á nokkrum mánuðum og leitaði þá til næringarfræðings,“ segir hún. Fréttablaðið/Valli Ragna Ingólfsdóttir, margfaldur Íslandsmeistari og atvinnumaður í badminton, er að næra sig þegar ég hringi í hana. Þó ég hafi samviskubit yfir að spilla matfriðnum bið ég hana að segja mér í örfáum orðum frá erindi sínu: Breytt mataræði – sem leið til árangurs í íþróttum, sem hún heldur á málþingi Náttúrulækningafélagsins í kvöld á Hotel Natura. Get heldur ekki stillt mig um að spyrja hvað hún sé að borða. „Ég er með grænmetissalat,“ upplýsir hún glaðlega. „Þegar ég byrjaði að æfa sem atvinnumaður borðaði ég yfir höfuð hollt, en ef maður er að æfa mikið verður maður að vera með nánast fullkomið mataræði svo að líkaminn vinni rétt, maður haldi sér frá meiðslum og sé alltaf 100% tilbúinn á æfingar. Ég lenti því í því fyrst að fá álagsmeiðsli, fór í smá vítahring á nokkrum mánuðum og leitaði þá til næringarfræðings.“ Hverjar voru helstu breytingarnar sem þú gerðir? „Ég fór að borða mest lífrænt, mikið af grænmeti og ávöxtum, engar unnar kjötvörur, ekkert hvítt hveiti, engan hvítan sykur. Borða trefjaríkt fæði, fisk og ekki mikið kjöt. Tók þetta mjög alvarlega í eitt ár, slakaði svo kannski aðeins á, fann jafnvægið og hvað hentaði mér. En ég get sagt að upp frá þessu hafi ég borðað hollt og tel það hafa hjálpað mér mikið á ferlinum.“ Ragna vakti athygli fyrir framgöngu sína á Ólympíuleikunum í London. Litlu mátti muna að hún gæti ekki tekið þátt því ári fyrir leikana sleit hún krossband og var ráðlagt að gangast undir skurðaðgerð og leggja Ólympíudrauminn á hilluna. Því hafnaði hún og náði markmiðum sínum. „Ég fór ekki í aðgerð heldur ákvað að styrkja bara vöðvana og spila með spelku. Svo var margt sem hafði áhrif eins og andleg líðan og styrktaræfingar. Þá skiptir miklu máli að næra sig þannig að manni líði vel og geti æft rétt. Þannig að mataræðið skilar manni langt.“ Málþingið á Hótel Natura hefst klukkan 19.30 í kvöld.Aðrir frummælendur eru:Axel Sigurðsson hjartalæknir kallar erindi sitt Má varast hjarta- og æðasjúkdóma með mataræði?Sif Garðarsdóttir, heilsumarkþjálfi frá IIN, fjallar um Réttu leiðina.Tryggvi Þorgeirsson, læknir og lýðheilsufræðingur, fjallar um Mátt skynseminnar í matarvaliFundarstjóri máþingsins verður Geir Gunnar Markússon, næringarfræðingur á Heilsustofnun NLFÍ í Hveragerði. Menning Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Brad Pitt stoppaði í hamborgara í Dalakofanum Lífið Hefur gefið út tvö hundruð lög á fimm mánuðum Lífið Dóttir Snæfríðar og Högna komin með nafn Lífið „Þjóðarmorðið í Palestínu hefur sameinað þær“ Lífið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Ragna Ingólfsdóttir, margfaldur Íslandsmeistari og atvinnumaður í badminton, er að næra sig þegar ég hringi í hana. Þó ég hafi samviskubit yfir að spilla matfriðnum bið ég hana að segja mér í örfáum orðum frá erindi sínu: Breytt mataræði – sem leið til árangurs í íþróttum, sem hún heldur á málþingi Náttúrulækningafélagsins í kvöld á Hotel Natura. Get heldur ekki stillt mig um að spyrja hvað hún sé að borða. „Ég er með grænmetissalat,“ upplýsir hún glaðlega. „Þegar ég byrjaði að æfa sem atvinnumaður borðaði ég yfir höfuð hollt, en ef maður er að æfa mikið verður maður að vera með nánast fullkomið mataræði svo að líkaminn vinni rétt, maður haldi sér frá meiðslum og sé alltaf 100% tilbúinn á æfingar. Ég lenti því í því fyrst að fá álagsmeiðsli, fór í smá vítahring á nokkrum mánuðum og leitaði þá til næringarfræðings.“ Hverjar voru helstu breytingarnar sem þú gerðir? „Ég fór að borða mest lífrænt, mikið af grænmeti og ávöxtum, engar unnar kjötvörur, ekkert hvítt hveiti, engan hvítan sykur. Borða trefjaríkt fæði, fisk og ekki mikið kjöt. Tók þetta mjög alvarlega í eitt ár, slakaði svo kannski aðeins á, fann jafnvægið og hvað hentaði mér. En ég get sagt að upp frá þessu hafi ég borðað hollt og tel það hafa hjálpað mér mikið á ferlinum.“ Ragna vakti athygli fyrir framgöngu sína á Ólympíuleikunum í London. Litlu mátti muna að hún gæti ekki tekið þátt því ári fyrir leikana sleit hún krossband og var ráðlagt að gangast undir skurðaðgerð og leggja Ólympíudrauminn á hilluna. Því hafnaði hún og náði markmiðum sínum. „Ég fór ekki í aðgerð heldur ákvað að styrkja bara vöðvana og spila með spelku. Svo var margt sem hafði áhrif eins og andleg líðan og styrktaræfingar. Þá skiptir miklu máli að næra sig þannig að manni líði vel og geti æft rétt. Þannig að mataræðið skilar manni langt.“ Málþingið á Hótel Natura hefst klukkan 19.30 í kvöld.Aðrir frummælendur eru:Axel Sigurðsson hjartalæknir kallar erindi sitt Má varast hjarta- og æðasjúkdóma með mataræði?Sif Garðarsdóttir, heilsumarkþjálfi frá IIN, fjallar um Réttu leiðina.Tryggvi Þorgeirsson, læknir og lýðheilsufræðingur, fjallar um Mátt skynseminnar í matarvaliFundarstjóri máþingsins verður Geir Gunnar Markússon, næringarfræðingur á Heilsustofnun NLFÍ í Hveragerði.
Menning Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Brad Pitt stoppaði í hamborgara í Dalakofanum Lífið Hefur gefið út tvö hundruð lög á fimm mánuðum Lífið Dóttir Snæfríðar og Högna komin með nafn Lífið „Þjóðarmorðið í Palestínu hefur sameinað þær“ Lífið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira