Verk Georgs Guðna voru ein kveikjan Friðrika Benónýsdóttir skrifar 9. maí 2014 12:30 "Ég byrjaði í abstraktinu 27 ára úti í bílskúr,“ segir Ragnar sem fram að því hafði aðallega unnið með hljóð. Vísir/GVA Þetta eru allt ný málverk og áhrifavaldarnir eru kúbismi, íkonar og skúlptúrar frumbyggja,“ segir Ragnar Þórisson myndlistarmaður, sem í dag opnar sína þriðju einkasýningu í Tveimur hröfnum við Baldursgötu. Ragnar byrjaði feril sinn sem abstraktmálari en fór brátt að einbeita sér að myndum sem sýna manneskjuna í ýmsum tilbrigðum. „Maður þekkir manneskjuna betur og getur betur tengt við hana,“ segir hann en mótmælir hástöfum þegar spurt er hvort myndirnar segi einhverjar sögur. „Ég forðast það að segja sögur. Þess vegna kemur kúbisminn inn, ég dreg upp mynd af broti af manneskjunni á mismunandi tímum. Þannig snýst hún til og afformast eða afmyndast.“ Ragnar byrjaði tiltölulega seint að mála, er fæddur 1977 og útskrifaðist frá Listaháskóla Íslands 2010. Hvað kom til að hann fór að leggja myndlistina fyrir sig? „Ég byrjaði í abstraktinu 27 ára úti í bílskúr,“ segir hann hlæjandi. „Fram að því hafði ég aðallega verið að vinna með hljóð. Það sem ýtti mér út í málverkið voru áhrif frá Georg Guðna. Ég hafði tengt við ambíant-tónlist, sem er nokkurs konar landslagstónlist, og þegar ég sá að Georg Guðni gat komið sömu stemningu til skila í málverkunum varð það ein kveikjan að því að ég fór að mála sjálfur.“ Verk Ragnars hafa vakið mikla athygli og jákvæða gagnrýni og síðastliðið haust hlaut hann styrk úr Styrktarsjóði Svavars Guðnasonar og Ástu Eiríksdóttur, sem hann segir að hafi skipt sig miklu máli. „Það kom sér vel að fá þennan styrk,“ segir hann, „en það er þó fyrst og fremst mikill heiður og mér þótti vænt um það.“ Sýningin í Tveimur hröfnum verður opnuð klukkan 17 í dag og verður opin til 31. maí. Menning Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Brad Pitt stoppaði í hamborgara í Dalakofanum Lífið Hefur gefið út tvö hundruð lög á fimm mánuðum Lífið Dóttir Snæfríðar og Högna komin með nafn Lífið „Þjóðarmorðið í Palestínu hefur sameinað þær“ Lífið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Þetta eru allt ný málverk og áhrifavaldarnir eru kúbismi, íkonar og skúlptúrar frumbyggja,“ segir Ragnar Þórisson myndlistarmaður, sem í dag opnar sína þriðju einkasýningu í Tveimur hröfnum við Baldursgötu. Ragnar byrjaði feril sinn sem abstraktmálari en fór brátt að einbeita sér að myndum sem sýna manneskjuna í ýmsum tilbrigðum. „Maður þekkir manneskjuna betur og getur betur tengt við hana,“ segir hann en mótmælir hástöfum þegar spurt er hvort myndirnar segi einhverjar sögur. „Ég forðast það að segja sögur. Þess vegna kemur kúbisminn inn, ég dreg upp mynd af broti af manneskjunni á mismunandi tímum. Þannig snýst hún til og afformast eða afmyndast.“ Ragnar byrjaði tiltölulega seint að mála, er fæddur 1977 og útskrifaðist frá Listaháskóla Íslands 2010. Hvað kom til að hann fór að leggja myndlistina fyrir sig? „Ég byrjaði í abstraktinu 27 ára úti í bílskúr,“ segir hann hlæjandi. „Fram að því hafði ég aðallega verið að vinna með hljóð. Það sem ýtti mér út í málverkið voru áhrif frá Georg Guðna. Ég hafði tengt við ambíant-tónlist, sem er nokkurs konar landslagstónlist, og þegar ég sá að Georg Guðni gat komið sömu stemningu til skila í málverkunum varð það ein kveikjan að því að ég fór að mála sjálfur.“ Verk Ragnars hafa vakið mikla athygli og jákvæða gagnrýni og síðastliðið haust hlaut hann styrk úr Styrktarsjóði Svavars Guðnasonar og Ástu Eiríksdóttur, sem hann segir að hafi skipt sig miklu máli. „Það kom sér vel að fá þennan styrk,“ segir hann, „en það er þó fyrst og fremst mikill heiður og mér þótti vænt um það.“ Sýningin í Tveimur hröfnum verður opnuð klukkan 17 í dag og verður opin til 31. maí.
Menning Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Brad Pitt stoppaði í hamborgara í Dalakofanum Lífið Hefur gefið út tvö hundruð lög á fimm mánuðum Lífið Dóttir Snæfríðar og Högna komin með nafn Lífið „Þjóðarmorðið í Palestínu hefur sameinað þær“ Lífið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira