Shakespeare's Globe Theatre sýnir í Hörpu Friðrika Benónýsdóttir skrifar 10. júlí 2014 12:30 Tveir leikarar leika Hamlet til skiptis og sama gildir um önnur hlutverk í sýningunni. Mynd/Helena Miscioscia Leikflokkur Globe-leikhússins í London er á tveggja ára ferðalagi um heiminn með sýningu á Hamlet og ætlunin er að heimsækja hvert einasta land á jarðarkringlunni. Röðin kemur að Íslandi þann 23. júlí og verður Hamlet sýndur einu sinni í Hörpu áður en ferð hópsins heldur áfram. Lagt var upp í ferðina þann 23. apríl síðastliðinn, þegar 450 ár voru liðin frá fæðingu skáldjöfursins Williams Shakespeare. Leikferðin er sú viðamesta sem farin hefur verið á vegum Shakespeare's Globe og á heimasíðu leikhússins er haft eftir Dominic Dromgoole, öðrum leikstjóra sýningarinnar, að slík ferð eigi sér engin fordæmi í veraldarsögunni. Löndin sem heimsótt hafa verið á þessum þremur mánuðum síðan lagt var af stað eru orðin tuttugu og fimm og héðan fer hópurinn vestur um haf. Tólf leikarar taka þátt í sýningunni og skiptast á um að leika hlutverkin. Tveir leikarar leika Hamlet til skiptis og sömu sögu er að segja af öðrum hlutverkum. Sýningin er byggð á tveimur uppfærslum leikhússins á Hamlet þannig að leikstjórarnir eru tveir, Dominic Dromgoole og Bill Buckhurst, leikmyndin er eftir Jonathan Fensom og Bill Barclay og Laura Forrest-Hay semja tónlistina. Sýningar Globe eru upplagðar fyrir ferðalög þar sem unnið er með það fyrir augum að hafa sýningarnar í anda þess sem leikhópur Shakespeare‘s sjálfs er talinn hafa gert; einföld leikmynd, stórkostlegir búningar og mikil áhersla á leik og tónlist. Um ástæðu ferðalagsins segir leikstjórinn Dominic Dromgoole, sem jafnframt er listrænn stjórnandi Globe-leikhússins, á heimasíðu Globe: „Ferðalög og löngunin til að miðla sögum til nýrra áhorfenda voru alltaf stór hluti af verkum Shakespeares. Við erum alsæl yfir að geta viðhaldið þeirri hefð og þróað hana enn lengra.“ Sýningin í Hörpu verður í Eldborgarsalnum þann 23. júlí klukkan 19.30 og er miðasalan hafin á heimasíðu Hörpu. Hægt er að fylgjast með ferðalagi leikhópsins á heimasíðu Globe, shakespearesglobe.com. Menning Mest lesið Myndaveisla: Húrrandi fjör í stórafmæli Húrra Lífið Frestar öllum tónleikum vegna hrakandi heilsu Lífið Flugmenn keyptu einbýli Rikka Daða á undirverði Lífið James Earl Jones er látinn Lífið Skvísupartý í skartgripaverslun Lífið Sturla Atlas og Kolfinna flytja inn saman Lífið Þungun stefni lífi Gomez í hættu Lífið Aldrei haft jafn þykkt hár Lífið samstarf Selur tvær íbúðir á sama tíma Lífið Selur íbúð með palli en engum berjarunna Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Leikflokkur Globe-leikhússins í London er á tveggja ára ferðalagi um heiminn með sýningu á Hamlet og ætlunin er að heimsækja hvert einasta land á jarðarkringlunni. Röðin kemur að Íslandi þann 23. júlí og verður Hamlet sýndur einu sinni í Hörpu áður en ferð hópsins heldur áfram. Lagt var upp í ferðina þann 23. apríl síðastliðinn, þegar 450 ár voru liðin frá fæðingu skáldjöfursins Williams Shakespeare. Leikferðin er sú viðamesta sem farin hefur verið á vegum Shakespeare's Globe og á heimasíðu leikhússins er haft eftir Dominic Dromgoole, öðrum leikstjóra sýningarinnar, að slík ferð eigi sér engin fordæmi í veraldarsögunni. Löndin sem heimsótt hafa verið á þessum þremur mánuðum síðan lagt var af stað eru orðin tuttugu og fimm og héðan fer hópurinn vestur um haf. Tólf leikarar taka þátt í sýningunni og skiptast á um að leika hlutverkin. Tveir leikarar leika Hamlet til skiptis og sömu sögu er að segja af öðrum hlutverkum. Sýningin er byggð á tveimur uppfærslum leikhússins á Hamlet þannig að leikstjórarnir eru tveir, Dominic Dromgoole og Bill Buckhurst, leikmyndin er eftir Jonathan Fensom og Bill Barclay og Laura Forrest-Hay semja tónlistina. Sýningar Globe eru upplagðar fyrir ferðalög þar sem unnið er með það fyrir augum að hafa sýningarnar í anda þess sem leikhópur Shakespeare‘s sjálfs er talinn hafa gert; einföld leikmynd, stórkostlegir búningar og mikil áhersla á leik og tónlist. Um ástæðu ferðalagsins segir leikstjórinn Dominic Dromgoole, sem jafnframt er listrænn stjórnandi Globe-leikhússins, á heimasíðu Globe: „Ferðalög og löngunin til að miðla sögum til nýrra áhorfenda voru alltaf stór hluti af verkum Shakespeares. Við erum alsæl yfir að geta viðhaldið þeirri hefð og þróað hana enn lengra.“ Sýningin í Hörpu verður í Eldborgarsalnum þann 23. júlí klukkan 19.30 og er miðasalan hafin á heimasíðu Hörpu. Hægt er að fylgjast með ferðalagi leikhópsins á heimasíðu Globe, shakespearesglobe.com.
Menning Mest lesið Myndaveisla: Húrrandi fjör í stórafmæli Húrra Lífið Frestar öllum tónleikum vegna hrakandi heilsu Lífið Flugmenn keyptu einbýli Rikka Daða á undirverði Lífið James Earl Jones er látinn Lífið Skvísupartý í skartgripaverslun Lífið Sturla Atlas og Kolfinna flytja inn saman Lífið Þungun stefni lífi Gomez í hættu Lífið Aldrei haft jafn þykkt hár Lífið samstarf Selur tvær íbúðir á sama tíma Lífið Selur íbúð með palli en engum berjarunna Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira