Kröftuglega hamrað á girðingar lögreglu Gunnar Leó Pálsson skrifar 4. nóvember 2014 07:00 Talið er að um 4.500 manns hafi lagt leið sína á Austurvöll í gær. Fréttablaðið/Ernir Mikill fjöldi fólks tók þátt í mótmælum gegn aðgerðum ríkisstjórnarinnar sem fram fóru á Austurvelli í gær en talið er að um 4.500 manns hafi verið á Austurvelli þegar mest lét. Mótmælin voru friðsamleg og var samstaðan mikil á milli manna en á staðnum mátti sjá fólk á öllum aldri. Lögreglan var þó við öllu búin og hafði sett upp grindverk fyrir framan Alþingishúsið. Fólk lét í sér heyra og lamdi og sparkaði meðal annars í grindverkið til að búa til eins konar mótmælaryþma. Þá var einnig lamið í potta og önnur búsáhöld og flugeldum skotið á loft. Á sjöunda þúsund manns höfðu boðað komu sína á mótmælin á Facebook-síðu þar sem þau voru boðuð. „Við erum ekki á neins vegum, þetta bara spratt upp á þremur dögum. Við erum bara að koma þarna til að finna hvert annað og finna samhug í réttlætiskennd og reiði. Vegna þess að okkur er misboðið,“ segir Svavar Knútur Kristinsson tónlistarmaður sem er einn skipuleggjenda mótmælanna en hann flutti ávarp. Ríkisstjórnin mælist með afar lítið traust, aðeins tæplega 33 prósent þeirra sem tóku afstöðu í nýjasta Þjóðarpúlsi Capacent segjast styðja hana. Stuðningur við Framsóknarflokkinn, flokk forsætisráðherra, hefur einnig hrunið frá kosningum. Stjórnarþingmenn hafa síðustu daga furðað sig á mótmælunum. „Framkoma þessarar ríkisstjórnar er svo ótrúlega dólgsleg og hrokafull og forgangsröðunin er ótrúlega undarleg hjá henni. Ég held að fólk sé orðið endemis pirrað og reitt.“ Svavar segir einnig að það sé svo ótrúlega margt sem fólk er reitt yfir að það viti hreinlega ekki hvernig það eigi að byrja að mótmæla.Snorri Sigurðarson, 37 ára, tónlistarmaður „Ég er að mótmæli aðgerðum ríkisstjórnarinnar undanfarið. Ég er að mótmæla því að þau hafa hætt við veiðigjaldið og ástandinu á Landspítalanum. Ég er að mótmæla því að Hanna Birna sitji enn sem innanríkisráðherra þrátt fyrir ítrekuð mótmæli. Ég er að mótmæla valdníðslu þessarar ríkisstjórnar og hvernig hún talar niður til þjóðarinnar.“Fréttablaðið/Ernir Salvör Sæmundsdóttir, 24 ára, nemi „Ég hef áhyggjur af grunnstoðum samfélagsins þessa stundina. Ég hef sérstaklega miklar áhyggjur af heilbrigðiskerfinu og menntakerfinu. Ég hef áhyggjur að því hvernig þessi ríkisstjórn er að vinna í þeim málum.“Fréttablaðið/Ernir Sigrún Jónsdóttir, 24 ára, tónlistarmaður „Ég er að mótmæla mörgu. Það eru margar ástæður. Ég vil til dæmis sjá betri laun fyrir tónlistarkennara og lækna. Ég vil sjá betri kjör fyrir fólkið í landinu og betra land fyrir börnin.“Fréttablaðið/Ernir Ásgeir Ingi Eyjólfsson, 68 ára, eftirlaunþegi „Mér finnst ríkisstjórnin ekki hafa komið hreint fram og finnst hún vera að ljúga að okkur. Hún segir ekki neitt eins og til dæmis varðandi Hönnu Birnu. Líka hvernig Sigmundur Davíð tók á því varðandi borgarstjórnarkosningarnar og umræðuna um múslimana og líka um vopnakaupin. Maður fær bara ekkert að vita.“Fréttablaðið/Ernir Sigfús Ó. Höskuldsson, 43 ára, verkefnastjóri „Ég er bara búinn að fá mig fullsaddan á þessari ríkisstjórn. Hún er ekki að sinna meirihlutanum, heldur minnihlutanum og litlum hópi af fólki. Margt í ákvörðunartöku hennar og framferði er ekki að fúnkera. Mér finnst verið að misbjóða mér sem samfélagsþegni.“Fréttablaðið/Ernir Mest lesið Leigubílstjóri og vinur hans dæmdir fyrir nauðgun Innlent „Vladímír, HÆTTU!“ Erlent Umræða um gróf kynferðisbrot eigi ekki að snúast um þjóðerni gerenda Innlent Árásarmaðurinn trúverðugur en sá sem var stunginn misvísandi Innlent Hafa vísað hundrað leigubílstjórum á brott frá flugstöðinni vegna brota á reglum Innlent Einn handtekinn þegar sérsveitin aðstoðaði í Árnessýslu Innlent Svara ákalli foreldra Innlent Nemandi látinn eftir árás í frönskum skóla Erlent „Það er leitt að sjá á eftir góðu baráttufólki“ Innlent Rannsóknaraðgerð lokið en málið enn til rannsóknar Innlent Fleiri fréttir Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sólveig Anna segir skilið við Sósíalista Ríkissaksóknari staðfestir niðurfellingu í stórri slysasleppingu Tíufréttir heyra sögunni til Stuðningur við Úkraínu og Palestínu fer dvínandi Neitar að hafa orðið föður sínum að bana Óljóst hvað Gad Saad er sakaður um í mótmælapóstum Línan umdeilda fær enn eitt græna ljósið Sjá meira
Mikill fjöldi fólks tók þátt í mótmælum gegn aðgerðum ríkisstjórnarinnar sem fram fóru á Austurvelli í gær en talið er að um 4.500 manns hafi verið á Austurvelli þegar mest lét. Mótmælin voru friðsamleg og var samstaðan mikil á milli manna en á staðnum mátti sjá fólk á öllum aldri. Lögreglan var þó við öllu búin og hafði sett upp grindverk fyrir framan Alþingishúsið. Fólk lét í sér heyra og lamdi og sparkaði meðal annars í grindverkið til að búa til eins konar mótmælaryþma. Þá var einnig lamið í potta og önnur búsáhöld og flugeldum skotið á loft. Á sjöunda þúsund manns höfðu boðað komu sína á mótmælin á Facebook-síðu þar sem þau voru boðuð. „Við erum ekki á neins vegum, þetta bara spratt upp á þremur dögum. Við erum bara að koma þarna til að finna hvert annað og finna samhug í réttlætiskennd og reiði. Vegna þess að okkur er misboðið,“ segir Svavar Knútur Kristinsson tónlistarmaður sem er einn skipuleggjenda mótmælanna en hann flutti ávarp. Ríkisstjórnin mælist með afar lítið traust, aðeins tæplega 33 prósent þeirra sem tóku afstöðu í nýjasta Þjóðarpúlsi Capacent segjast styðja hana. Stuðningur við Framsóknarflokkinn, flokk forsætisráðherra, hefur einnig hrunið frá kosningum. Stjórnarþingmenn hafa síðustu daga furðað sig á mótmælunum. „Framkoma þessarar ríkisstjórnar er svo ótrúlega dólgsleg og hrokafull og forgangsröðunin er ótrúlega undarleg hjá henni. Ég held að fólk sé orðið endemis pirrað og reitt.“ Svavar segir einnig að það sé svo ótrúlega margt sem fólk er reitt yfir að það viti hreinlega ekki hvernig það eigi að byrja að mótmæla.Snorri Sigurðarson, 37 ára, tónlistarmaður „Ég er að mótmæli aðgerðum ríkisstjórnarinnar undanfarið. Ég er að mótmæla því að þau hafa hætt við veiðigjaldið og ástandinu á Landspítalanum. Ég er að mótmæla því að Hanna Birna sitji enn sem innanríkisráðherra þrátt fyrir ítrekuð mótmæli. Ég er að mótmæla valdníðslu þessarar ríkisstjórnar og hvernig hún talar niður til þjóðarinnar.“Fréttablaðið/Ernir Salvör Sæmundsdóttir, 24 ára, nemi „Ég hef áhyggjur af grunnstoðum samfélagsins þessa stundina. Ég hef sérstaklega miklar áhyggjur af heilbrigðiskerfinu og menntakerfinu. Ég hef áhyggjur að því hvernig þessi ríkisstjórn er að vinna í þeim málum.“Fréttablaðið/Ernir Sigrún Jónsdóttir, 24 ára, tónlistarmaður „Ég er að mótmæla mörgu. Það eru margar ástæður. Ég vil til dæmis sjá betri laun fyrir tónlistarkennara og lækna. Ég vil sjá betri kjör fyrir fólkið í landinu og betra land fyrir börnin.“Fréttablaðið/Ernir Ásgeir Ingi Eyjólfsson, 68 ára, eftirlaunþegi „Mér finnst ríkisstjórnin ekki hafa komið hreint fram og finnst hún vera að ljúga að okkur. Hún segir ekki neitt eins og til dæmis varðandi Hönnu Birnu. Líka hvernig Sigmundur Davíð tók á því varðandi borgarstjórnarkosningarnar og umræðuna um múslimana og líka um vopnakaupin. Maður fær bara ekkert að vita.“Fréttablaðið/Ernir Sigfús Ó. Höskuldsson, 43 ára, verkefnastjóri „Ég er bara búinn að fá mig fullsaddan á þessari ríkisstjórn. Hún er ekki að sinna meirihlutanum, heldur minnihlutanum og litlum hópi af fólki. Margt í ákvörðunartöku hennar og framferði er ekki að fúnkera. Mér finnst verið að misbjóða mér sem samfélagsþegni.“Fréttablaðið/Ernir
Mest lesið Leigubílstjóri og vinur hans dæmdir fyrir nauðgun Innlent „Vladímír, HÆTTU!“ Erlent Umræða um gróf kynferðisbrot eigi ekki að snúast um þjóðerni gerenda Innlent Árásarmaðurinn trúverðugur en sá sem var stunginn misvísandi Innlent Hafa vísað hundrað leigubílstjórum á brott frá flugstöðinni vegna brota á reglum Innlent Einn handtekinn þegar sérsveitin aðstoðaði í Árnessýslu Innlent Svara ákalli foreldra Innlent Nemandi látinn eftir árás í frönskum skóla Erlent „Það er leitt að sjá á eftir góðu baráttufólki“ Innlent Rannsóknaraðgerð lokið en málið enn til rannsóknar Innlent Fleiri fréttir Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sólveig Anna segir skilið við Sósíalista Ríkissaksóknari staðfestir niðurfellingu í stórri slysasleppingu Tíufréttir heyra sögunni til Stuðningur við Úkraínu og Palestínu fer dvínandi Neitar að hafa orðið föður sínum að bana Óljóst hvað Gad Saad er sakaður um í mótmælapóstum Línan umdeilda fær enn eitt græna ljósið Sjá meira