Unnu verkin saman hvor í sínu landi Gunnþóra Gunnarsdóttir skrifar 11. desember 2014 16:30 Eitt þeirra verka sem þær Ásdís og Arna Gná unnu saman. „Við Arna Gná ákváðum að leggja lokahönd á nokkur málverk hvor annarrar, þrátt fyrir að hún búi í Strassborg en ég hér heima og handbragð okkar sé afar ólíkt. Okkur hefur komið skemmtilega á óvart hvað það kemur vel út,“ segir Ásdís Spanó myndlistarmaður. Hún og Arna Gná Gunnarsdóttir opna sýningu í Listasal Mosfellsbæjar á laugardaginn og sýna þar tíu málverk sem þær hafa sent á milli landa með póstinum og unnið sameiginlega og einnig nokkur sem þær hafa gert hvor í sínu lagi.Málverk úr smiðju Örnu Gnáar.Ásdís segir þær Örnu Gná hafa verið með sömu vinnustofu um tíma áður en sú síðarnefnda fór til Strassborgar. „Við erum báðar að vinna í abstraktmálverkum og þannig á svipuðum slóðum í listinni en með ólíka nálgun. Allt okkar samkrull hefur þó verið upplýsandi fyrir okkur báðar,“ segir hún og telur að á sýningunni verði hægt að sjá áhrifin af samvinnunni smitast yfir í verkin sem þær vinna einar og sér.Ásdís Spanó var á leið upp í Mosó að setja upp sýninguna þegar í hana náðist.Sýningin heitir (Ó)fyrirséð enda segir Ásdís þær Örnu Gná gera tilraunir með margs konar efni í verkunum. „Arna Gná er litaglaðari en ég en báðar reynum við að kalla fram spennu í verkum okkar.“ Ásdís lifir líka í vissri spennu því þegar þetta símtal fer fram er vitlaust veður en hún að leggja af stað upp í Mosfellsbæ að undirbúa sýninguna. Hún hlakkar til að setja upp verkin þar. „Listasalurinn er í bókasafninu,“ tekur hún fram. „Mjög fínn salur og bjartur.“ Arna Gná býr og starfar í Strassborg í Frakklandi. Hún hóf nám í myndlistardeild Listaháskóla Íslands árið 2003 og útskrifaðist þaðan árið 2006 með BA-gráðu í myndlist. Hún sótti einnig myndlistarnám við listaháskólann í Bergen og Kungliga konsthögskolan í Stokkhólmi. Hún hefur tekið þátt í samsýningum og haldið einkasýningu í Aurum í Bankastræti og í Gallerí Vegg. Ásdís Spanó býr og starfar í Reykjavík. Hún lauk myndlistarnámi við Listaháskóla Íslands árið 2003 og hefur síðan sýnt jafnt og þétt á samsýningum og einkasýningum. Hún sótti einnig myndlistarnám við Central Saint Martins, University of the Arts í London og við Accademia di Belle Arti í Bologna á Ítalíu. Menning Mest lesið Stjörnulífið: Ásdís Rán í Playboy-höllinni Lífið „Hvað ef Katrín Jakobsdóttir hefði lent í sama máli?“ Lífið Selur íbúð með palli en engum berjarunna Lífið „Ég get ekki verið hamingjusamari“ Lífið Flugmenn keyptu einbýli Rikka Daða á undirverði Lífið Sáu ekki fyrir sér vinsældirnar en fagna nú 36 árum Tónlist Óþrjótandi og ríkuleg undraveröld Íslands Lífið Þráhyggja og árátta: „Er ég barnaníðingur? Slökkti ég örugglega á eldavélinni?“ Áskorun Barnastjarna úr Aðþrengdum eiginkonum ólétt Lífið Eva Dögg greinir frá kyninu Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Við Arna Gná ákváðum að leggja lokahönd á nokkur málverk hvor annarrar, þrátt fyrir að hún búi í Strassborg en ég hér heima og handbragð okkar sé afar ólíkt. Okkur hefur komið skemmtilega á óvart hvað það kemur vel út,“ segir Ásdís Spanó myndlistarmaður. Hún og Arna Gná Gunnarsdóttir opna sýningu í Listasal Mosfellsbæjar á laugardaginn og sýna þar tíu málverk sem þær hafa sent á milli landa með póstinum og unnið sameiginlega og einnig nokkur sem þær hafa gert hvor í sínu lagi.Málverk úr smiðju Örnu Gnáar.Ásdís segir þær Örnu Gná hafa verið með sömu vinnustofu um tíma áður en sú síðarnefnda fór til Strassborgar. „Við erum báðar að vinna í abstraktmálverkum og þannig á svipuðum slóðum í listinni en með ólíka nálgun. Allt okkar samkrull hefur þó verið upplýsandi fyrir okkur báðar,“ segir hún og telur að á sýningunni verði hægt að sjá áhrifin af samvinnunni smitast yfir í verkin sem þær vinna einar og sér.Ásdís Spanó var á leið upp í Mosó að setja upp sýninguna þegar í hana náðist.Sýningin heitir (Ó)fyrirséð enda segir Ásdís þær Örnu Gná gera tilraunir með margs konar efni í verkunum. „Arna Gná er litaglaðari en ég en báðar reynum við að kalla fram spennu í verkum okkar.“ Ásdís lifir líka í vissri spennu því þegar þetta símtal fer fram er vitlaust veður en hún að leggja af stað upp í Mosfellsbæ að undirbúa sýninguna. Hún hlakkar til að setja upp verkin þar. „Listasalurinn er í bókasafninu,“ tekur hún fram. „Mjög fínn salur og bjartur.“ Arna Gná býr og starfar í Strassborg í Frakklandi. Hún hóf nám í myndlistardeild Listaháskóla Íslands árið 2003 og útskrifaðist þaðan árið 2006 með BA-gráðu í myndlist. Hún sótti einnig myndlistarnám við listaháskólann í Bergen og Kungliga konsthögskolan í Stokkhólmi. Hún hefur tekið þátt í samsýningum og haldið einkasýningu í Aurum í Bankastræti og í Gallerí Vegg. Ásdís Spanó býr og starfar í Reykjavík. Hún lauk myndlistarnámi við Listaháskóla Íslands árið 2003 og hefur síðan sýnt jafnt og þétt á samsýningum og einkasýningum. Hún sótti einnig myndlistarnám við Central Saint Martins, University of the Arts í London og við Accademia di Belle Arti í Bologna á Ítalíu.
Menning Mest lesið Stjörnulífið: Ásdís Rán í Playboy-höllinni Lífið „Hvað ef Katrín Jakobsdóttir hefði lent í sama máli?“ Lífið Selur íbúð með palli en engum berjarunna Lífið „Ég get ekki verið hamingjusamari“ Lífið Flugmenn keyptu einbýli Rikka Daða á undirverði Lífið Sáu ekki fyrir sér vinsældirnar en fagna nú 36 árum Tónlist Óþrjótandi og ríkuleg undraveröld Íslands Lífið Þráhyggja og árátta: „Er ég barnaníðingur? Slökkti ég örugglega á eldavélinni?“ Áskorun Barnastjarna úr Aðþrengdum eiginkonum ólétt Lífið Eva Dögg greinir frá kyninu Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira