Allt gert í tölvum nema tenórinn Gunnþóra Gunnarsdóttir skrifar 23. maí 2014 15:00 Þuríður Jónsdóttir, Ólöf Nordal, Gunnar Guðbjörnsson og Gunnar Karlsson í dulúðugum aðstæðum. Fréttablaðið/Valli „Þetta er upplifunarverk sem byggist á hreyfimyndum og músík. Í því sökkvum við niður í djúp þar sem við fylgjumst með lífshlaupi furðuvera,“ segir Ólöf Nordal myndlistarmaður um sýninguna Lusus naturae sem opnuð verður í Hafnarborg í Hafnarfirði á morgun. Sýningin er sköpunarverk þeirra þriggja, Ólafar, Þuríðar Jónsdóttur tónskálds og Gunnars Karlssonar myndlistarmanns. „Við Þuríður og Gunnar höfum unnið talsvert saman áður og eigum okkur vinnulag,“ segir Ólöf. Þrisvar á sýningartímanum mun Gunnar Guðbjörnsson tenór verða á staðnum, ásamt Snorra Heimissyni kontrafagottleikara og Íslenska flautukórnum, og magna áhrifin af upplifuninni sem þrívíddin og hljóðmyndin sem fyrir er skapar. Á öðrum tímum verður flutningur þeirra spilaður af bandi. Lusus naturae er latneskt hugtak. Lusus þýðir brandari og því er lusus naturae brandari náttúrunnar, þegar náttúran bregður á leik, að sögn Ólafar. Hún segir hugtakið eldgamalt og eiga uppruna sinn í furðusöfnum þar sem öllu ægði saman og voru forverar safna eins og við þekkjum í dag. „Við erum að gera nokkurs konar skrípamyndir en með alvarlegum undirtóni þó. Þarna eru dýr, samsett aðallega úr líkamshlutum manneskju, þau eru hálfgert að sökkva og maður veit ekki hvort þetta eru forsöguleg fyrirbæri, framtíðarsýn eða okkar innra landslag.“ Allt er gert í tölvum nema þegar tenórinn kemur og hans fylgdarlið. „Við höfum tekið alla orðræðu út úr þessu verki og eftir stendur mynd, hljóð og tónaljóð.“ Við gerð verksins nutu listamennirnir stuðnings Starfslaunasjóðs listamanna og Myndlistarsjóðs auk þess sem kvikmyndafyrirtækið GunHil kom að framleiðslu verksins. Sýningin er hluti af Listahátíð í Reykjavík 2014. Menning Mest lesið Brad Pitt stoppaði í hamborgara í Dalakofanum Lífið Frægir kynnar á ráðstefnu Demókrata Lífið Litla Melabúðin slær í gegn hjá Vesturbæingum Lífið „Þjóðarmorðið í Palestínu hefur sameinað þær“ Lífið Byrjaði í smábrotum en vatt svo upp á sig Lífið „Þetta er enginn helvítis félagskvíði, það bara þolir mig enginn“ Áskorun Heitustu hinsegin pör landsins Lífið Dóttir Snæfríðar og Högna komin með nafn Lífið Hefur gefið út tvö hundruð lög á fimm mánuðum Lífið Sjáðu myndirnar frá Ungfrú Ísland Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
„Þetta er upplifunarverk sem byggist á hreyfimyndum og músík. Í því sökkvum við niður í djúp þar sem við fylgjumst með lífshlaupi furðuvera,“ segir Ólöf Nordal myndlistarmaður um sýninguna Lusus naturae sem opnuð verður í Hafnarborg í Hafnarfirði á morgun. Sýningin er sköpunarverk þeirra þriggja, Ólafar, Þuríðar Jónsdóttur tónskálds og Gunnars Karlssonar myndlistarmanns. „Við Þuríður og Gunnar höfum unnið talsvert saman áður og eigum okkur vinnulag,“ segir Ólöf. Þrisvar á sýningartímanum mun Gunnar Guðbjörnsson tenór verða á staðnum, ásamt Snorra Heimissyni kontrafagottleikara og Íslenska flautukórnum, og magna áhrifin af upplifuninni sem þrívíddin og hljóðmyndin sem fyrir er skapar. Á öðrum tímum verður flutningur þeirra spilaður af bandi. Lusus naturae er latneskt hugtak. Lusus þýðir brandari og því er lusus naturae brandari náttúrunnar, þegar náttúran bregður á leik, að sögn Ólafar. Hún segir hugtakið eldgamalt og eiga uppruna sinn í furðusöfnum þar sem öllu ægði saman og voru forverar safna eins og við þekkjum í dag. „Við erum að gera nokkurs konar skrípamyndir en með alvarlegum undirtóni þó. Þarna eru dýr, samsett aðallega úr líkamshlutum manneskju, þau eru hálfgert að sökkva og maður veit ekki hvort þetta eru forsöguleg fyrirbæri, framtíðarsýn eða okkar innra landslag.“ Allt er gert í tölvum nema þegar tenórinn kemur og hans fylgdarlið. „Við höfum tekið alla orðræðu út úr þessu verki og eftir stendur mynd, hljóð og tónaljóð.“ Við gerð verksins nutu listamennirnir stuðnings Starfslaunasjóðs listamanna og Myndlistarsjóðs auk þess sem kvikmyndafyrirtækið GunHil kom að framleiðslu verksins. Sýningin er hluti af Listahátíð í Reykjavík 2014.
Menning Mest lesið Brad Pitt stoppaði í hamborgara í Dalakofanum Lífið Frægir kynnar á ráðstefnu Demókrata Lífið Litla Melabúðin slær í gegn hjá Vesturbæingum Lífið „Þjóðarmorðið í Palestínu hefur sameinað þær“ Lífið Byrjaði í smábrotum en vatt svo upp á sig Lífið „Þetta er enginn helvítis félagskvíði, það bara þolir mig enginn“ Áskorun Heitustu hinsegin pör landsins Lífið Dóttir Snæfríðar og Högna komin með nafn Lífið Hefur gefið út tvö hundruð lög á fimm mánuðum Lífið Sjáðu myndirnar frá Ungfrú Ísland Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira