Umfjöllun, viðtöl og myndir: Stjarnan - Þróttur 0-1 | Eliason hetja Þróttara Anton Ingi Leifsson á Stjörnuvelli skrifar 18. júní 2014 12:39 Garðar Jóhannsson á ferðinni í kvöld. Vísir/Daníel Þróttur er kominn í 8-liða úrslit Borgunarbikarsins eftir sigur á Stjörnunni í framlengdum leik. Staðan eftir fyrri hálfleik var markalaus og enn var staðan markalaus eftir venjulegan leiktíma. Matthew Eliason var hetjan en hann skoraði sigurmarkið í upphafi framlengingarinnar. Stjarnan byrjaði í sínu hefðbundna leikkerfi, 4-3-3, sem þeir hafa verið að spila í sumar. Þeir gerðu þrjár breytingar frá deildarleiknum í Keflavík á dögunum. Jeppe Hansen og Niclas Vemmelund tóku sér sæti á bekknum og Atli Jóhannsson var ekki í leikmannahópnum, líklega vegna meiðsla. Þorri Geir Rúnarsson, Garðar Jóhannsson og Baldvin Sturluson komu inn í liðið. Þróttarar höfðu verið að spila vel í fyrstu deildinni á tímabilinu undir stjórn Englendingsins Gregg Ryder. Aron Lloyd Green var í leikbanni og þeir Matthew Eliason og Ingólfur Sigurðsson voru settir á bekkinn frá síðasta leik. Fyrirliðinn Hallur Hallsson, Alexander Veigar Þórarinsson og Andri Björn Sigurðsson komu allir inn í liðið. Fyrri hálfleikurinn var eins og við mátti búast við. Stjörnumenn voru meira með boltann og gestirnir lágu öflugir til baka og beittu skyndisóknum með Andra Björn Sigurðsson fremstan í flokki. Stjörnumenn voru öflugir í byrjun leiks og fengu hörkufæri eftir einungis tveggja mínútna leik. Eftir það var þó lítið að frétta. Fyrri hálfleikurinn var afar leiðinlegur og fátt markvert gerðist. Eitthvað var um skot, en fyrir utan hörkuskot Baldvins Sturlusonar í slána í upphafi leiks voru skotin flest langt framhjá eða yfir. Gregg Ryder, þjálfari Þróttar, var klárlega sá þjálfari sem gekk ánægðari til búningsherbergja og Rúnar Páll, þjálfari Stjörnunnar, gerði tvöfalda breytingu í hálfleik og sendi þá Jeppe Hansen og Veigar Pál Gunnarsson á vettvang. Síðari hálfleikur var svipaður og sá fyrri. Lítið markvert gerðist, en Stjörnumenn náðu ekki að skapa sér nein færi og gestirnir lokuðu vel á þá. Leikurinn var afar leiðinlegur og lítið markvert gerðist. Staðan var enn markalaus að loknum venjulegs leiktíma og því varð að grípa til framlengingar. Það voru Þróttarar sem komust yfir eftir þriggja mínútna leik í framlengingu og þar var að verki varamaðurinn Matthew Eliason eftir fínan einleik. Stjörnumenn gerðu svo allt hvað þeir gátu til að skora, en allt kom fyrir ekki og Þróttarar tryggðu sæti sitt í 8-liða úrslitum bikarsins. Þróttarar spiluðu agan og sterkan varnarleik og sóttu hratt. Miðverðirnir voru afar sterkir og allt liðið spilaði bara vel. Spurning um hvort vanmat hafi verið að ræða hjá Stjörnunni, en þeir voru allir langt frá sínu besta í dag, svo mikið er víst. Veigar Páll Gunnarsson, framherji Stjörnunnar: Léttir á okkur,,Mér fannst við spila allt í lagi í þessum leik. Þróttararnir eru bara með hörkulið," sagði Veigar Páll í samtali við Vísi í leikslok. ,,Við nýttum ekki færin sem við fengum. Þeir voru ekkert í neinum dauðafærum, en við áttum nokkur dauðafæri. Við nýttum þau ekki, en þeir nýttu sitt og það var það sem skilur liðin að." Örlitli einbeitingu vantaði upp við mark Þróttara og þar var Veigar Páll sammála: ,,Ég er hjartanlega sammála þér. Við hefðum getað fengið ennþá fleiri dauðafæri ef við værum ekki að klúðra þessum síðustu sendingum og hefðum tekið réttari ákvarðanir en við gerum. Þetta var hálf klaufalegt hjá okkur á síðasta þriðjungnum, þótt þetta hafi ekki verið neitt vonlaus leikur." ,,Það er alltaf svekkjandi að detta út úr bikarnum. Það sem er með svona bikarleiki, við komum hérna niður í klefa og það er ekkert annað hægt en bara upp með hökuna. Svona er bara bikarinn." ,,Það hefði verið rosalegur plús að halda áfram í bikarnum, en ég meina bikarinn er bara búinn. Það verður bara vera þannig. ,,Við verðum bara halda áfram í heildinni. Það er mikið framundan og ef við hefðum komist áfram núna hefði það verið Evrópukeppni, deildin og bikarinn. Það léttir á okkur þó við hefðum verið til í að vera áfram í bikarnum," sagði Veigar í leikslok. Karl Brynjar Björnsson, varnarmaður Þróttara: Er ekki klassískt að vilja heimaleik?,,Flott liðsheild, góð vinnsla og góður varnarleikur skóp sigurinn," sagði Karl Brynjar Björnsson, varnarmaður Þróttara, sem átti afar góðan leik í kvöld. ,,Við beittum góðum skyndisóknum, en við hefðum getað verið örlítið skynsamari á síðasta þriðjungnum. Við unnum þó og ég er mjög sáttur með þetta." ,,Við misstum boltann á slæmum stað þarna í upphafi, en sem betur fer nýttu þeir sér það ekki. Við lokuðum á þá eftir það og ég held þeir hafi fengið eitt dauðafæri eftir það." Karl Brynjar sagði að Þróttarar hefðu þó getað gert betur upp við mark Stjörnumanna: ,,Við vorum klaufar á sóknarhelmingnum. Það vantaði betri sendingar til þess að komast í færi, en það bara gerist. Ég er gífurlega sáttur, við skoruðum eitt mark og erum komnir áfram. Það er fyrir öllu." ,,Það er ekki spurt hvernig við fórum að því að vinna þetta, þetta bara hafðist. Ég gæti ekki verið sáttari," sem á sér ekki óskamótherja í 8-liða úrslitunum. ,,Nei, er það ekki alltaf klassískt að segja heimaleik?" sagði Karl Brynjar og hló. Íslenski boltinn Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Ísland aldrei ofar á heimslistanum Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn „Var kominn með hausverk á hliðarlínunni“ Fótbolti Ólétt af Ólympíumeistara þegar hún stóð sjálf á verðlaunapallinum Sport Hótuðu sjónvarpskonu og ófæddu barni hennar Sport Finnst mjög óréttlátt að bronsið sé tekið af henni Sport Albert kynntur til leiks í Flórens Fótbolti Íslenska fánanum flaggað í Flórens til að fagna komu Alberts Fótbolti Fleiri fréttir Spánverji til Vestra þremur dögum eftir að glugginn lokaði Í beinni: Valur - Breiðalik | Bikarúrslitaleikur á Laugardalsvelli „Við þekkjum hvort annað algjörlega út og inn“ „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Damir áfram í Kópavoginum Pottur víða brotinn og börnin borgi brúsann Fjölnir naumlega á toppnum og Þróttur nálgast umspil Sjá meira
Þróttur er kominn í 8-liða úrslit Borgunarbikarsins eftir sigur á Stjörnunni í framlengdum leik. Staðan eftir fyrri hálfleik var markalaus og enn var staðan markalaus eftir venjulegan leiktíma. Matthew Eliason var hetjan en hann skoraði sigurmarkið í upphafi framlengingarinnar. Stjarnan byrjaði í sínu hefðbundna leikkerfi, 4-3-3, sem þeir hafa verið að spila í sumar. Þeir gerðu þrjár breytingar frá deildarleiknum í Keflavík á dögunum. Jeppe Hansen og Niclas Vemmelund tóku sér sæti á bekknum og Atli Jóhannsson var ekki í leikmannahópnum, líklega vegna meiðsla. Þorri Geir Rúnarsson, Garðar Jóhannsson og Baldvin Sturluson komu inn í liðið. Þróttarar höfðu verið að spila vel í fyrstu deildinni á tímabilinu undir stjórn Englendingsins Gregg Ryder. Aron Lloyd Green var í leikbanni og þeir Matthew Eliason og Ingólfur Sigurðsson voru settir á bekkinn frá síðasta leik. Fyrirliðinn Hallur Hallsson, Alexander Veigar Þórarinsson og Andri Björn Sigurðsson komu allir inn í liðið. Fyrri hálfleikurinn var eins og við mátti búast við. Stjörnumenn voru meira með boltann og gestirnir lágu öflugir til baka og beittu skyndisóknum með Andra Björn Sigurðsson fremstan í flokki. Stjörnumenn voru öflugir í byrjun leiks og fengu hörkufæri eftir einungis tveggja mínútna leik. Eftir það var þó lítið að frétta. Fyrri hálfleikurinn var afar leiðinlegur og fátt markvert gerðist. Eitthvað var um skot, en fyrir utan hörkuskot Baldvins Sturlusonar í slána í upphafi leiks voru skotin flest langt framhjá eða yfir. Gregg Ryder, þjálfari Þróttar, var klárlega sá þjálfari sem gekk ánægðari til búningsherbergja og Rúnar Páll, þjálfari Stjörnunnar, gerði tvöfalda breytingu í hálfleik og sendi þá Jeppe Hansen og Veigar Pál Gunnarsson á vettvang. Síðari hálfleikur var svipaður og sá fyrri. Lítið markvert gerðist, en Stjörnumenn náðu ekki að skapa sér nein færi og gestirnir lokuðu vel á þá. Leikurinn var afar leiðinlegur og lítið markvert gerðist. Staðan var enn markalaus að loknum venjulegs leiktíma og því varð að grípa til framlengingar. Það voru Þróttarar sem komust yfir eftir þriggja mínútna leik í framlengingu og þar var að verki varamaðurinn Matthew Eliason eftir fínan einleik. Stjörnumenn gerðu svo allt hvað þeir gátu til að skora, en allt kom fyrir ekki og Þróttarar tryggðu sæti sitt í 8-liða úrslitum bikarsins. Þróttarar spiluðu agan og sterkan varnarleik og sóttu hratt. Miðverðirnir voru afar sterkir og allt liðið spilaði bara vel. Spurning um hvort vanmat hafi verið að ræða hjá Stjörnunni, en þeir voru allir langt frá sínu besta í dag, svo mikið er víst. Veigar Páll Gunnarsson, framherji Stjörnunnar: Léttir á okkur,,Mér fannst við spila allt í lagi í þessum leik. Þróttararnir eru bara með hörkulið," sagði Veigar Páll í samtali við Vísi í leikslok. ,,Við nýttum ekki færin sem við fengum. Þeir voru ekkert í neinum dauðafærum, en við áttum nokkur dauðafæri. Við nýttum þau ekki, en þeir nýttu sitt og það var það sem skilur liðin að." Örlitli einbeitingu vantaði upp við mark Þróttara og þar var Veigar Páll sammála: ,,Ég er hjartanlega sammála þér. Við hefðum getað fengið ennþá fleiri dauðafæri ef við værum ekki að klúðra þessum síðustu sendingum og hefðum tekið réttari ákvarðanir en við gerum. Þetta var hálf klaufalegt hjá okkur á síðasta þriðjungnum, þótt þetta hafi ekki verið neitt vonlaus leikur." ,,Það er alltaf svekkjandi að detta út úr bikarnum. Það sem er með svona bikarleiki, við komum hérna niður í klefa og það er ekkert annað hægt en bara upp með hökuna. Svona er bara bikarinn." ,,Það hefði verið rosalegur plús að halda áfram í bikarnum, en ég meina bikarinn er bara búinn. Það verður bara vera þannig. ,,Við verðum bara halda áfram í heildinni. Það er mikið framundan og ef við hefðum komist áfram núna hefði það verið Evrópukeppni, deildin og bikarinn. Það léttir á okkur þó við hefðum verið til í að vera áfram í bikarnum," sagði Veigar í leikslok. Karl Brynjar Björnsson, varnarmaður Þróttara: Er ekki klassískt að vilja heimaleik?,,Flott liðsheild, góð vinnsla og góður varnarleikur skóp sigurinn," sagði Karl Brynjar Björnsson, varnarmaður Þróttara, sem átti afar góðan leik í kvöld. ,,Við beittum góðum skyndisóknum, en við hefðum getað verið örlítið skynsamari á síðasta þriðjungnum. Við unnum þó og ég er mjög sáttur með þetta." ,,Við misstum boltann á slæmum stað þarna í upphafi, en sem betur fer nýttu þeir sér það ekki. Við lokuðum á þá eftir það og ég held þeir hafi fengið eitt dauðafæri eftir það." Karl Brynjar sagði að Þróttarar hefðu þó getað gert betur upp við mark Stjörnumanna: ,,Við vorum klaufar á sóknarhelmingnum. Það vantaði betri sendingar til þess að komast í færi, en það bara gerist. Ég er gífurlega sáttur, við skoruðum eitt mark og erum komnir áfram. Það er fyrir öllu." ,,Það er ekki spurt hvernig við fórum að því að vinna þetta, þetta bara hafðist. Ég gæti ekki verið sáttari," sem á sér ekki óskamótherja í 8-liða úrslitunum. ,,Nei, er það ekki alltaf klassískt að segja heimaleik?" sagði Karl Brynjar og hló.
Íslenski boltinn Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Ísland aldrei ofar á heimslistanum Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn „Var kominn með hausverk á hliðarlínunni“ Fótbolti Ólétt af Ólympíumeistara þegar hún stóð sjálf á verðlaunapallinum Sport Hótuðu sjónvarpskonu og ófæddu barni hennar Sport Finnst mjög óréttlátt að bronsið sé tekið af henni Sport Albert kynntur til leiks í Flórens Fótbolti Íslenska fánanum flaggað í Flórens til að fagna komu Alberts Fótbolti Fleiri fréttir Spánverji til Vestra þremur dögum eftir að glugginn lokaði Í beinni: Valur - Breiðalik | Bikarúrslitaleikur á Laugardalsvelli „Við þekkjum hvort annað algjörlega út og inn“ „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Damir áfram í Kópavoginum Pottur víða brotinn og börnin borgi brúsann Fjölnir naumlega á toppnum og Þróttur nálgast umspil Sjá meira