Donatella Versace orðin fyrirsæta

Tískudrottningin Donatella Versace situr fyrir í nýjustu auglýsingaherferð tískurisans Givenchy.

Versace, sem er 59 ára og er listrænn stjórnandi samnefnds tískuhúss, situr fyrir í auglýsingunni ásamt yfirhönnuði Givenchy, Riccardo Ticci.

„Það er mér mikill heiður að kynna tískufyrirmyndina mína sem andlit haustlínunnar,“ sagði Ticci á Instagram-síðu sinni, þar sem hann birti eina myndanna.

Herferðin var stíliseruð af fyrrverandi ritstjóra franska Vogue, Carine Roitfeld, og mynduð af tískuljósmyndurunum Mert Alas og Marcus Piggott.