Aðeins einn þeirra hefði lifað af Birgir Olgeirsson skrifar 8. apríl 2015 17:06 Breska tímaritið Total Film fékk lækna til að líta á áverka sem þessar fjórar persónur hlutu í kvikmyndum og komust að þeirri niðurstöðu að aðeins ein þeirra hefði lifað af. Kvikmyndir geta verið ansi fjarri raunveruleikanum og sannast það eflaust ágætlega í nýrri úttekt breska tímaritsins Total Film sem fékk nokkra lækna til að meta hversu miklar líkur eru á því að nokkrar af ástsælustu hetjum kvikmyndasögunnar hefðu lifað af áverka sem þær hljóta. Er það niðurstaðan að njósnarinn James Bond, lögreglumaðurinn John McClane og hinn uppátækjasami grallari Kevin McCallister hefðu ekki þraukað í raunveruleikanum. Allavega voru áverkar þeirra svo miklir að læknarnir telja meiri líkur á að karakter Tom Hanks úr Cast Away hefði lifað af flugslys og einveru á eyðieyju í fjögur ár. Læknarnir horfðu á nýjustu myndina um njósnara hennar hátignar, Skyfall, og komust að því að James Bond hefði tórað í sjö mínútur í þeirri mynd. Í upphafsatriði myndarinnar verður hann fyrir byssukúlu úr rýrðu úrani sem hefur um 60 prósent geislavirkni náttúrulegs úrans. Kúlan hæfir hann við viðbeinið og voru læknarnir almennt á því að hún hefði tætt í sig lunga njósnarans og orðið honum að bana. En kraftaverkin eiga það til að gerast en þá eru læknarnir sannfærðir um að byssukúla úr rýrðu úrani auki líkurnar á krabbameini. Eftir að hafa orðið fyrir kúlunni fellur Bond af lest úr töluverðri hæð í á og telja læknarnir að fall úr slíkri hæð geti valdið mænuskaða. Eftir að hann kemst á þurrt leitar Bond ekki til læknis heldur fjarlægir hann sjálfur byssukúluna úr líkama sínum og telja læknarnir miklar líkur á miklum blóðmissi, meðvitundarleysi, tauga- og vöðvaskaða ásamt sýkingu.Þá horfðu þeir einnig á Die Hard þar sem Bruce Willis fór með hlutverk lögreglumannsins John McClane þar sem hann barðist gegn sveit þýskra þjófa einn síns liðs í Nakatomi-turninum í Los Angeles. Læknarnir telja engar líkur á að McClane hefði lifað miðað við þá áverka sem hann hlýtur í myndinni. Nefna þeir til að mynda þá staðreynd að nærri endalokum myndarinnar er McClane skotinn í öxlina og segja þeir hetjuna eiga að missa það mikið blóð við þann áverka að henni er ekki hugað líf. Og ekki bætir úr skák að hann hafði misst töluvert af blóði þegar hann skarst illa undir fótunum í átökum við þýsku illmennin.Margir muna eftir Macaulay Culkin í hlutverki hins átta ára gamla Kevin McCallister í kvikmyndinni Home Alone frá árinu 1990. Þar barðist hann við innbrotsþjófana Harry Lime og Marv Merchants, sem Joe Pesci og Daniel Stern léku. Læknarnir eru á því að Marv og Harry hefðu líklega látist af völdum áverka um fimm til sex klukkustundum eftir að myndinni lýkur en Kevin litli hefði hins vegar átt að láta lífið þegar 35 mínútur eru liðnar af myndinni. Þar fær hann þungt höfuðhögg eftir að hafa klifrað upp á hillu og telja læknarnir allar líkur á að það höfuðhögg eigi að draga hann til dauða.Chuck Noland, maðurinn sem Tom Hanks leikur í Cast Away, á hins vegar mun meiri lífslíkur en félagar hans Bond, McClane og McCallister að mati læknanna. Og þetta segja þeir þrátt fyrir að Noland lendi í flugslysi og dvelji í fjögur ár einn á eyðieyju. Samkvæmt þeim á Noland um 76 prósent líkur á lífshættulegum áverkum þegar flugvélin hrapar í sjóinn. „En hann gæti örugglega tórað fram að endalokum myndarinnar ef horft er til líkamlegrar heilsu,“ hefur Total Film eftir læknunum. Mest lesið Sjóðheitir og einhleypir inn í haustið Lífið „Verst þegar stelpur sem ég þekki ekkert grípa í brjóstin á mér“ Lífið Patrik sýnir frá lífinu í Flórída á meðan stormurinn gengur yfir Lífið Fæðing sonar Birgittu Lífar í LXS Lífið Yung Filly ákærður fyrir nauðgun og líkamsárás Lífið Mikil stemning á lokahófi RIFF Lífið Aldís og Kolbeinn keyptu í Kópavogi Lífið Patrik í Flórída: „Það er í lagi með mig“ Lífið Forsetahjónin létu sig ekki vanta og eltu veðrið Lífið Hlátrarsköll á svartri kómedíu Lífið Fleiri fréttir GameTíví: Óli heimsækir Silent Hill Hlátrarsköll á svartri kómedíu Yung Filly ákærður fyrir nauðgun og líkamsárás Mikil stemning á lokahófi RIFF Patrik í Flórída: „Það er í lagi með mig“ Aldís og Kolbeinn keyptu í Kópavogi Forsetahjónin létu sig ekki vanta og eltu veðrið Fæðing sonar Birgittu Lífar í LXS „Tilveran breyttist að eilífu til hins betra“ „Ákvað því að taka þetta í eigin hendur og grenjaði út tíma og pláss“ Edda Sif og Vilhjálmur eignuðust dreng Patrik sýnir frá lífinu í Flórída á meðan stormurinn gengur yfir „Verst þegar stelpur sem ég þekki ekkert grípa í brjóstin á mér“ Í vandræðum í Bláa lóninu Tólf hundruð fylgdust með tendrun friðarsúlunnar Halla í rándýrum kjól með Maríu og Friðriki Geitin er risin fyrr en nokkru sinni Sturlað augnablik þegar afmælisbarnið endaði uppi á borði Fyrsta sms sögunnar kom keppendum á óvart Geymdi lík sonar síns í tvo mánuði Vörpuðu sprengju á arkitektana á Ítalíu Arnar og Sara Björk eiga von á sínu öðru barni Heyrði varla í bónorðinu fyrir látum Sjóðheitir og einhleypir inn í haustið Þreyttur á stefnumótaöppum: „Hvernig fer ég að því að kynnast fólki?“ Gullmoli í Giljalandi Hafi enn verið hreinn sveinn Logi Geirs og Ólafur Ragnar léttir í London Ragnhildur og Hanna Katrín kveðja Búseta Tíu ár af ást: „Sennilega ekki auðvelt með mér“ Sjá meira
Kvikmyndir geta verið ansi fjarri raunveruleikanum og sannast það eflaust ágætlega í nýrri úttekt breska tímaritsins Total Film sem fékk nokkra lækna til að meta hversu miklar líkur eru á því að nokkrar af ástsælustu hetjum kvikmyndasögunnar hefðu lifað af áverka sem þær hljóta. Er það niðurstaðan að njósnarinn James Bond, lögreglumaðurinn John McClane og hinn uppátækjasami grallari Kevin McCallister hefðu ekki þraukað í raunveruleikanum. Allavega voru áverkar þeirra svo miklir að læknarnir telja meiri líkur á að karakter Tom Hanks úr Cast Away hefði lifað af flugslys og einveru á eyðieyju í fjögur ár. Læknarnir horfðu á nýjustu myndina um njósnara hennar hátignar, Skyfall, og komust að því að James Bond hefði tórað í sjö mínútur í þeirri mynd. Í upphafsatriði myndarinnar verður hann fyrir byssukúlu úr rýrðu úrani sem hefur um 60 prósent geislavirkni náttúrulegs úrans. Kúlan hæfir hann við viðbeinið og voru læknarnir almennt á því að hún hefði tætt í sig lunga njósnarans og orðið honum að bana. En kraftaverkin eiga það til að gerast en þá eru læknarnir sannfærðir um að byssukúla úr rýrðu úrani auki líkurnar á krabbameini. Eftir að hafa orðið fyrir kúlunni fellur Bond af lest úr töluverðri hæð í á og telja læknarnir að fall úr slíkri hæð geti valdið mænuskaða. Eftir að hann kemst á þurrt leitar Bond ekki til læknis heldur fjarlægir hann sjálfur byssukúluna úr líkama sínum og telja læknarnir miklar líkur á miklum blóðmissi, meðvitundarleysi, tauga- og vöðvaskaða ásamt sýkingu.Þá horfðu þeir einnig á Die Hard þar sem Bruce Willis fór með hlutverk lögreglumannsins John McClane þar sem hann barðist gegn sveit þýskra þjófa einn síns liðs í Nakatomi-turninum í Los Angeles. Læknarnir telja engar líkur á að McClane hefði lifað miðað við þá áverka sem hann hlýtur í myndinni. Nefna þeir til að mynda þá staðreynd að nærri endalokum myndarinnar er McClane skotinn í öxlina og segja þeir hetjuna eiga að missa það mikið blóð við þann áverka að henni er ekki hugað líf. Og ekki bætir úr skák að hann hafði misst töluvert af blóði þegar hann skarst illa undir fótunum í átökum við þýsku illmennin.Margir muna eftir Macaulay Culkin í hlutverki hins átta ára gamla Kevin McCallister í kvikmyndinni Home Alone frá árinu 1990. Þar barðist hann við innbrotsþjófana Harry Lime og Marv Merchants, sem Joe Pesci og Daniel Stern léku. Læknarnir eru á því að Marv og Harry hefðu líklega látist af völdum áverka um fimm til sex klukkustundum eftir að myndinni lýkur en Kevin litli hefði hins vegar átt að láta lífið þegar 35 mínútur eru liðnar af myndinni. Þar fær hann þungt höfuðhögg eftir að hafa klifrað upp á hillu og telja læknarnir allar líkur á að það höfuðhögg eigi að draga hann til dauða.Chuck Noland, maðurinn sem Tom Hanks leikur í Cast Away, á hins vegar mun meiri lífslíkur en félagar hans Bond, McClane og McCallister að mati læknanna. Og þetta segja þeir þrátt fyrir að Noland lendi í flugslysi og dvelji í fjögur ár einn á eyðieyju. Samkvæmt þeim á Noland um 76 prósent líkur á lífshættulegum áverkum þegar flugvélin hrapar í sjóinn. „En hann gæti örugglega tórað fram að endalokum myndarinnar ef horft er til líkamlegrar heilsu,“ hefur Total Film eftir læknunum.
Mest lesið Sjóðheitir og einhleypir inn í haustið Lífið „Verst þegar stelpur sem ég þekki ekkert grípa í brjóstin á mér“ Lífið Patrik sýnir frá lífinu í Flórída á meðan stormurinn gengur yfir Lífið Fæðing sonar Birgittu Lífar í LXS Lífið Yung Filly ákærður fyrir nauðgun og líkamsárás Lífið Mikil stemning á lokahófi RIFF Lífið Aldís og Kolbeinn keyptu í Kópavogi Lífið Patrik í Flórída: „Það er í lagi með mig“ Lífið Forsetahjónin létu sig ekki vanta og eltu veðrið Lífið Hlátrarsköll á svartri kómedíu Lífið Fleiri fréttir GameTíví: Óli heimsækir Silent Hill Hlátrarsköll á svartri kómedíu Yung Filly ákærður fyrir nauðgun og líkamsárás Mikil stemning á lokahófi RIFF Patrik í Flórída: „Það er í lagi með mig“ Aldís og Kolbeinn keyptu í Kópavogi Forsetahjónin létu sig ekki vanta og eltu veðrið Fæðing sonar Birgittu Lífar í LXS „Tilveran breyttist að eilífu til hins betra“ „Ákvað því að taka þetta í eigin hendur og grenjaði út tíma og pláss“ Edda Sif og Vilhjálmur eignuðust dreng Patrik sýnir frá lífinu í Flórída á meðan stormurinn gengur yfir „Verst þegar stelpur sem ég þekki ekkert grípa í brjóstin á mér“ Í vandræðum í Bláa lóninu Tólf hundruð fylgdust með tendrun friðarsúlunnar Halla í rándýrum kjól með Maríu og Friðriki Geitin er risin fyrr en nokkru sinni Sturlað augnablik þegar afmælisbarnið endaði uppi á borði Fyrsta sms sögunnar kom keppendum á óvart Geymdi lík sonar síns í tvo mánuði Vörpuðu sprengju á arkitektana á Ítalíu Arnar og Sara Björk eiga von á sínu öðru barni Heyrði varla í bónorðinu fyrir látum Sjóðheitir og einhleypir inn í haustið Þreyttur á stefnumótaöppum: „Hvernig fer ég að því að kynnast fólki?“ Gullmoli í Giljalandi Hafi enn verið hreinn sveinn Logi Geirs og Ólafur Ragnar léttir í London Ragnhildur og Hanna Katrín kveðja Búseta Tíu ár af ást: „Sennilega ekki auðvelt með mér“ Sjá meira