Ásgeir um rifrildið við Björgvin: Á ekki að gerast

Ísland tapaði fyrir Svíum á föstudag, 24-16, en getur komið sér á réttan kjöl með sigri á Alsíringum í Al Sadd-höllinni í dag.
„Við erum eðlilega mjög leiðir. Svekktir með sjálfa okkar, fyrst og fremst. En við höfum tapað leikjum áður og nú snýst þetta um að snúa okkur við og vinna næsta leik,“ sagði Ásgeir Örn en viðtalið má heyra í heild sinni hér efst í fréttinni.
Þeir Ásgeir Örn og Björgvin Páll Gústavsson, markvörður, áttu í orðaskiptum í síðari hálfleik gegn Svíum og mátti sjá að það var grunnt á því góða á milli þeirra á því augnabliki.
„Það var eitthvað sem var sagt í hita leiksins og hefur gerst áður hjá okkur. Við grófum það fimm mínútum eftir leik og það var ekki neitt neitt.“
„Þetta er eitthvað sem maður á ekki að gera. Fyrst og fremst er maður ósáttur við sjálfan sig og þá lætur maður þetta bitna á einhverjum öðrum. Þetta á bara ekkert að gerast.“
„Við þurfum líka að spá í því af hverju við vorum svo margir sem áttum lélegan leik í gær. Það er eðlilegt að einn eða tveir eigi lélegan dag en að það gerist fyrir nánast allt liðið er eitthvað sem við þurfum að skoða vel.“
Hann á von á allt öðruvísi leik gegn Alsír síðar í dag. „Þetta eru kvikir og snöggir gæjar sem spila af mikilli ákefð. Taktískt eru þeir ekkert sérstaklega klókir og ákvarðanataka ekki þeirra sterkasta hlið. Það þurfum við að nýta okkur.“
„En eftir þennan leik í gær snýst þetta aðallega um að koma okkur í lag. Við þurfum að einbeita okkur að því, fyrst og fremst.“
Tengdar fréttir

Gaupi: Sjaldan séð svona andlaust íslenskt lið
Sérfræðingar HM-kvöldsins á Stöð 2 Sport höfðu áhyggjur af mörgum hlutum í leik íslenska liðsins gegn Svíum í gær.

Björgvin Páll: Áttum skilið að fá stól í andlitið
"Sumir eiga skilið að fá high five. Í andlitið. Með stól.“

Alexander: Stundum er þetta svo einfalt
Alexander Petersson segir að það hafi verið erfitt að horfa á upptökur frá leiknum gegn Svíum í gær.

Aron: Eigum engan rétt á neinu vanmati gegn Alsír
Stórstjörnunni gekk illa að sofna eftir leikinn gegn Svíum í gær.

Stefán Rafn: Geri allt fyrir Ísland
Hornamaðurinn spilaði meira en búist var við gegn Svíþjóð í gær.

Íslensk katastrófa í Katar
Strákarnir okkar sáu aldrei til sólar í eyðimerkurríkinu Katar við Persaflóann. Ísland steinlá fyrir Svíþjóð, 24-16, og átti sér vart viðreisnar von í sínum fyrsta leik á HM í handbolta. Ísland mætir Alsír á morgun.

Guðjón Valur: Sökin að stórum hluta mín
Landsliðsfyrirliðinn átti andvökunótt eftir tapið gegn Svíum í gær.

Aron: Alsíringar hætturlegir með blóð á tönnunum
Landsliðsþjálfarinn búinn að fara vel yfir klúðrið gegn Svíum í gær.