Markaðsmisnotkunarmálið: Fékk sms frá forstjóranum vegna hlutabréfakaupa í Kaupþingi Sunna Kristín Hilmarsdóttir skrifar 22. apríl 2015 18:00 Fyrir dómi í dag kom fram að sms-samskipti Birnis við Ingólf hafi varðað hvernig haga skyldi viðskiptum með hlutabréf í Kaupþingi. Vísir/GVA Björn Þorvaldsson, saksóknari í markaðsmisnotkunarmáli Kauþings, hóf skýrslutöku yfir Birni Sæ Björnssyni í héraðsdómi í dag. Birnir var verðbréfasali hjá eigin viðskiptum Kaupþings og er ákærður fyrir að hafa tekið þátt í allsherjarmarkaðsmisnotkun með því að kaupa mikið magn hlutabréfa í bankanum með það að augnamiði að halda verði þeirra uppi.Átti að halda góðum seljanleika Starf Birnis fólst í því að eiga viðskipti með hlutabréf, meðal annars í Kaupþingi. Kvaðst hann aðallega hafa átt viðskipti með bréfin á íslenska markaðnum en tilgangur viðskiptanna var að sögn Birnis að halda góðum seljanleika í bréfunum. Sú háttsemi sem honum er gefið að sök í ákæru á að hafa verið að undirlagi yfirmanna hans, þeirra Einars Pálma Sigmundssonar, forstöðumanns eigin viðskipta, Ingólfs Helgasonar, forstjóra Kaupþings á Íslandi, Hreiðars Más Sigurðssonar, forstjóra Kaupþings samstæðunnar og Sigurðar Einarssonar, stjórnarformanns bankans. Til að leiða í ljós að háttsemin hafi að sönnu verið að undirlagi yfirmanna spurði saksóknari Birni út í hversu mikil samskipti hann hafi átt við þá og hvernig þeim samskiptum hafi verið háttað.Ræddu saman 12 sinnum á dag skömmu fyrir hrun Um hvort að samskipti við Ingólf hafi verið mikil sagði Birnir: „Já, þau voru þó nokkur. [...] Þau voru í borðsíma, með meili, smsum. [...] Ég geri mér ekki grein fyrir hversu mörg smsin voru og ég get ekki svarað hvort að samskiptin hafi eitthvað breyst á ákærutímabilinu.” Saksóknari sagði þá gögn málsins sýna að samskiptin hafi aukist mikið í ágúst 2008 og verið nokkuð meiri en áður mánuðina tvo fyrir hrun. Sýndi hann meðal annars yfirlit yfir samskipti Birnis og Ingólfs í gegnum farsíma og sást þar að í vikunni 15.-19. september 2008 ræddu þeir að meðaltali saman 12 sinnum á dag. Spurði Björn hvort eitthvað rifjaðist upp varðandi breytingu á samskiptunum en Birnir sagði svo ekki vera þótt hann rengdi ekki tölurnar í skjalinu. Þá sagðist hann einnig hafa átt í nokkuð tíðum samskiptum við Hreiðar Má sem tengdust viðskiptum með yfirstjórnarsafn bankans. Birnir sagði að samskipti við Sigurð Einarsson hafi verið engin nema það að hann var viðtakandi að tölvupóstum sem voru sendir.„Ég efa að Ingólfur sé einhver plottari, það eru kallarnir fyrir ofan hann” Líkt og áður við aðalmeðferðina var nokkuð mikill fjölda símtala spilaður í dómssal í dag. Mörg þeirra voru tekin upp við rannsókn málsins í maí 2010 og kenndi þar ýmissa grasa. Kom meðal annars fram að sms-samskipti Birnis við Ingólf hafi varðað hvernig haga skyldi viðskiptum með hlutabréf í Kaupþingi. Í einu símtalanna ræðir Birnir aðkomu Einars Pálma og Ingólfs að viðskiptum með hlutabréf í Kaupþingi: „Ingólfur var í miklu sambandi við Einar og Einar kom alltaf til okkar. [...] Einar var alltaf í gemsanum og að fara upp og kom svo til okkar.” Síðar í símtalinu segir Birnir að honum og Pétri hafi ekki fundist þetta „eðlilegt” og að þeir hafi rætt það við Einar Pálma á sínum tíma. „Okkur var farið að þykja þetta óþægilegt og vildum hopa hraðar [...] þetta var bara stefnan og við treystum okkar yfirmönnum.” Í öðru símtali frá maí 2010 ræðir Birnir við Einar Pálma og segist „ekkert viss um að Ingólfur sé sekur.” Einar Pálmi tekur undir það: „Ég efa að Ingólfur sé einhver plottari, það eru kallarnir fyrir ofan hann.” Markaðsmisnotkun Kaupþings Mest lesið Frumkvöðlar í áratugi: „Launalaus sjálfboðavinna fyrstu árin“ Atvinnulíf Notendur þurfi að bregðast við vilji þeir ekki að gögn verði notuð Viðskipti erlent Gefur eftir í tollastríði við Kína Viðskipti erlent Ummæli Trumps um „meiriháttar lúser“ leggjast illa í markaðinn Viðskipti erlent Ætlar að einbeita sér að Tesla eftir slæmt uppgjör Viðskipti erlent Að komast aftur í vinnugírinn eftir geggjað páskafrí Atvinnulíf Ísfélagið greiðir út tveggja milljarða arð Viðskipti innlent ESB sektar Apple og Meta um rúma hundrað milljarða Viðskipti erlent Nýjar íbúðir seljast verr en aðrar vegna stærðar Viðskipti innlent Fyrsta íslenska grænkera ostagerðin í hættu Viðskipti innlent Fleiri fréttir Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Sjá meira
Björn Þorvaldsson, saksóknari í markaðsmisnotkunarmáli Kauþings, hóf skýrslutöku yfir Birni Sæ Björnssyni í héraðsdómi í dag. Birnir var verðbréfasali hjá eigin viðskiptum Kaupþings og er ákærður fyrir að hafa tekið þátt í allsherjarmarkaðsmisnotkun með því að kaupa mikið magn hlutabréfa í bankanum með það að augnamiði að halda verði þeirra uppi.Átti að halda góðum seljanleika Starf Birnis fólst í því að eiga viðskipti með hlutabréf, meðal annars í Kaupþingi. Kvaðst hann aðallega hafa átt viðskipti með bréfin á íslenska markaðnum en tilgangur viðskiptanna var að sögn Birnis að halda góðum seljanleika í bréfunum. Sú háttsemi sem honum er gefið að sök í ákæru á að hafa verið að undirlagi yfirmanna hans, þeirra Einars Pálma Sigmundssonar, forstöðumanns eigin viðskipta, Ingólfs Helgasonar, forstjóra Kaupþings á Íslandi, Hreiðars Más Sigurðssonar, forstjóra Kaupþings samstæðunnar og Sigurðar Einarssonar, stjórnarformanns bankans. Til að leiða í ljós að háttsemin hafi að sönnu verið að undirlagi yfirmanna spurði saksóknari Birni út í hversu mikil samskipti hann hafi átt við þá og hvernig þeim samskiptum hafi verið háttað.Ræddu saman 12 sinnum á dag skömmu fyrir hrun Um hvort að samskipti við Ingólf hafi verið mikil sagði Birnir: „Já, þau voru þó nokkur. [...] Þau voru í borðsíma, með meili, smsum. [...] Ég geri mér ekki grein fyrir hversu mörg smsin voru og ég get ekki svarað hvort að samskiptin hafi eitthvað breyst á ákærutímabilinu.” Saksóknari sagði þá gögn málsins sýna að samskiptin hafi aukist mikið í ágúst 2008 og verið nokkuð meiri en áður mánuðina tvo fyrir hrun. Sýndi hann meðal annars yfirlit yfir samskipti Birnis og Ingólfs í gegnum farsíma og sást þar að í vikunni 15.-19. september 2008 ræddu þeir að meðaltali saman 12 sinnum á dag. Spurði Björn hvort eitthvað rifjaðist upp varðandi breytingu á samskiptunum en Birnir sagði svo ekki vera þótt hann rengdi ekki tölurnar í skjalinu. Þá sagðist hann einnig hafa átt í nokkuð tíðum samskiptum við Hreiðar Má sem tengdust viðskiptum með yfirstjórnarsafn bankans. Birnir sagði að samskipti við Sigurð Einarsson hafi verið engin nema það að hann var viðtakandi að tölvupóstum sem voru sendir.„Ég efa að Ingólfur sé einhver plottari, það eru kallarnir fyrir ofan hann” Líkt og áður við aðalmeðferðina var nokkuð mikill fjölda símtala spilaður í dómssal í dag. Mörg þeirra voru tekin upp við rannsókn málsins í maí 2010 og kenndi þar ýmissa grasa. Kom meðal annars fram að sms-samskipti Birnis við Ingólf hafi varðað hvernig haga skyldi viðskiptum með hlutabréf í Kaupþingi. Í einu símtalanna ræðir Birnir aðkomu Einars Pálma og Ingólfs að viðskiptum með hlutabréf í Kaupþingi: „Ingólfur var í miklu sambandi við Einar og Einar kom alltaf til okkar. [...] Einar var alltaf í gemsanum og að fara upp og kom svo til okkar.” Síðar í símtalinu segir Birnir að honum og Pétri hafi ekki fundist þetta „eðlilegt” og að þeir hafi rætt það við Einar Pálma á sínum tíma. „Okkur var farið að þykja þetta óþægilegt og vildum hopa hraðar [...] þetta var bara stefnan og við treystum okkar yfirmönnum.” Í öðru símtali frá maí 2010 ræðir Birnir við Einar Pálma og segist „ekkert viss um að Ingólfur sé sekur.” Einar Pálmi tekur undir það: „Ég efa að Ingólfur sé einhver plottari, það eru kallarnir fyrir ofan hann.”
Markaðsmisnotkun Kaupþings Mest lesið Frumkvöðlar í áratugi: „Launalaus sjálfboðavinna fyrstu árin“ Atvinnulíf Notendur þurfi að bregðast við vilji þeir ekki að gögn verði notuð Viðskipti erlent Gefur eftir í tollastríði við Kína Viðskipti erlent Ummæli Trumps um „meiriháttar lúser“ leggjast illa í markaðinn Viðskipti erlent Ætlar að einbeita sér að Tesla eftir slæmt uppgjör Viðskipti erlent Að komast aftur í vinnugírinn eftir geggjað páskafrí Atvinnulíf Ísfélagið greiðir út tveggja milljarða arð Viðskipti innlent ESB sektar Apple og Meta um rúma hundrað milljarða Viðskipti erlent Nýjar íbúðir seljast verr en aðrar vegna stærðar Viðskipti innlent Fyrsta íslenska grænkera ostagerðin í hættu Viðskipti innlent Fleiri fréttir Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Sjá meira