Nam á Laugavegi alveg tilbúinn en má ekki opna Nanna Elísa Jakobsdóttir skrifar 28. ágúst 2015 13:30 Nam stendur við Laugaveg 18b, rýmið hefur veitingaleyfi og eigendur töldu það nægja. Mynd/Facebook síða Nam Staðurinn Nam á Laugavegi 18b hefur staðið tilbúinn síðastliðnar þrjár vikur en vegna skilyrðis í veitingaleyfi staðarins má hann ekki opna þar sem hann sést frá götunni. Skilyrðið er sett vegna ákvæða í Aðalskipulagi Reykjavíkurborgar 2010-2030 um að veitingarekstur megi ekki fara yfir 30 prósent hlutfall af rýmum í borginni á miðborgarsvæði. „Ég hef aldrei heyrt um svona skilyrði áður. Að eitthvað kaffihús eða matsölustaður með léttan mat megi ekki vera sýnilegur frá götunni. Ef þú ert ekki sýnilegur þá veit enginn af þér og ef enginn veit af þér þá kemur enginn,“ segir Emil Helgi Lárusson, annar eigandi Nam.Emil hlakkar mikið til að opna Nam á Laugavegi.VísirEinar á hlut í yfir tuttugu veitingastöðum og varð því alveg hvumsa þegar honum var gerð grein fyrir ákvæðinu. Veitingaleyfið tilheyrði áður ferðaskrifstofunni Around Iceland sem hafði leyfi fyrir litlu kaffihúsi í rými staðarins með því skilyrði að það sæist ekki frá götu.Opnun Nam yrði brot gegn aðalskipulagi „Þetta er vegna þessa starfsemiskvóta í aðalskipulaginu, verslanir versus annar rekstur í miðborginni,“ útskýrir Borghildur Sölvey Sturludóttir, arkitekt hjá skipulagsfulltrúa Reykjavíkurborgar. Þannig er mál með vexti að í því skyni að standa vörð um smávöruverslun í miðborginni var sett sú regla í aðalskipulagi borgarinnar að smásöluverslun á svokölluðu aðalverslunarsvæði í miðborginni verði að vera 70 prósent notkunar rýma á jarðhæð.Markmið aðalskipulags Reykjavíkurborgar hvað varðar miðborgina.Mynd/Úr Aðalskipulagi Reykjavíkur 2010-2030, prentuð útgáfaMarkmið reglunnar er að meðal annars að efla mannlíf í göturýmum, stuðla að heildarmynd göturýmisins og stuðla að fjölbreyttri starfsemi í miðborginni. Með umsögn Reykjavíkurborgar 17. ágúst síðastliðinn var af þessum ástæðum Nam hafnað að taka meirihluta rýmisins undir veitingastað en málinu er ekki lokið enn þar sem Nam vísaði því til umhverfis- og skipulagsráðs borgarinnar. Samkvæmt upplýsingum frá borginni verður málið tekið fyrir í september. „Það er mikilvægt að þeim markmiðum sem hafa verið sett í aðalskipulagi sé fylgt eftir. Með þessum ákvæðum er verið að vernda rekstur og umhverfi Laugavegarins,“ segir Borghildur.Þverpólitísk samstaða um aðalskipulagið Heildarendurskoðun aðalskipulags Reykjavíkurborgar hófst árið 2006 sama ár og ákvörðun var tekin um endurskoðun. Vinnan fór fram undir stjórn stýrihóps sem skipaður var fulltrúum frá bæði meiri- og minnihluta í borgarstjórn og tóku starfsmenn umhverfis- og skipulagssviðs virkan þátt í vinnunni auk utanaðkomandi ráðgjafa. Henni lauk í lok árs 2009 og útkoman var Aðalskipulag Reykjavíkur 2010-2030.Hér má sjá miðborgarsvæði skipulagsins sem um ræðir. Nam er á miðjum fjólubláa hluta myndarinnar.Mynd/Úr Aðalskipulagi Reykjavíkur 2010-2030, prentuð útgáfaNúverandi staða hlutfalls veitingastaða og skemmtistaða á því svæði sem Nam tilheyrir er um 31 prósent samkvæmt umsögn til Nam 17. ágúst en aðalskipulagið leyfir örlítil vikmörk að ákveðnum skilyrðum uppfylltum. Emil áfellist ekki borgina enda segir hann sökina eins vera sín megin, hann hafi ekki tekið eftir ákvæðinu. „Við vorum bara ekki meðvituð um þessa klausu.“ Taldi hann nægja að veitingaleyfið hefði verið útgefið. Emil segir það óhjákvæmilega hafa sett strik í reikninginn að hafa verið búinn að gera staðinn alveg kláran, liggur við koma fyrir mat í kælinum og taka svo eftir skilyrðinu um að verða að vera ósýnilegir frá götu. „En fall er fararheill, þetta verður alveg frábær staður. Við vonum bara að þetta góða fólk hjá borginni finni leið til að vinna út úr þessu með okkur,“ segir Emil, bjartsýnn á að það takist að leysa málið. „Við erum gríðarlega spennt að fara að opna staðinn.“Í næstu viku opnar Nam nýjan stað á Laugavegi 18!Við erum ótrúlega spennt yfir því að opna okkar fyrsta Nam stað í mið...Posted by Nam on Wednesday, July 29, 2015 Mest lesið „Ég var búinn að heyra stríðssögur um hvað fyrstu mánuðirnir væru erfiðir“ Atvinnulíf Leiðir dýra útrás Collab meðfram MBA-námi Viðskipti innlent Borgaði klink fyrir Kastalann og ekki krónu fyrir Wok On Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Að nálgast starfsmann sem líður illa, er reiður eða leiður Atvinnulíf Ósáttur með sætin og fær milljón endurgreidda Neytendur Brúneggjamálið tekið fyrir í Hæstarétti Viðskipti innlent Einn stærsti vinnustaður Akraness gjaldþrota Viðskipti innlent Stærsti Hiab krani í heimi á sumarsýningu Veltis Samstarf Sóttu fjármálastjóra til Landsbankans Viðskipti innlent Fleiri fréttir Brúneggjamálið tekið fyrir í Hæstarétti Úr boltanum í tryggingarnar Leiðir dýra útrás Collab meðfram MBA-námi Sóttu fjármálastjóra til Landsbankans Borgaði klink fyrir Kastalann og ekki krónu fyrir Wok On Mikið áfall fyrir íslenskan sjávarútveg Einn stærsti vinnustaður Akraness gjaldþrota Syndis ræður reyndan tölvuþrjót Gera margvíslegar athugasemdir við starfshætti Kviku Gjaldþrot Jötunn véla upp á 1,7 milljarða Reitir hrista upp í skipuritinu Matvöruverslun rís á nýjum reit við Keflavíkurflugvöll Gefa út afkomuspá eftir allt saman 96 sagt upp í hópuppsögnum í júní Tekur við fjármálunum hjá Securitas Selja fyrsta bjórinn ekki fyrr en í ágúst Karen Ýr ráðin gæðastjóri Biðin eftir vaxtalækkun gæti lengst enn frekar Minna nú á skoðun ökutækja á Ísland.is Alvotech reiknar með tíföldum tekjum Útflutningsverðmæti eldislaxins meiri en loðnunnar Opna baðstað í Kerlingarfjöllum um helgina Svekkjandi uppgjör og aðstoðarforstjórinn látinn róa Arion banki greiði Seðlabankanum 585 milljónir Rannveig hættir í Seðlabankanum Íslensk hugbúnaðarlausn greinir kolefnisspor innkaupa fyrirtækja Flýta ekki vaxtaákvörðun þrátt fyrir áköll Flestar íbúðir seljist undir eða á auglýstu verði Ýmir Örn fer frá N1 Verðbólga nú 5,8 prósent Sjá meira
Staðurinn Nam á Laugavegi 18b hefur staðið tilbúinn síðastliðnar þrjár vikur en vegna skilyrðis í veitingaleyfi staðarins má hann ekki opna þar sem hann sést frá götunni. Skilyrðið er sett vegna ákvæða í Aðalskipulagi Reykjavíkurborgar 2010-2030 um að veitingarekstur megi ekki fara yfir 30 prósent hlutfall af rýmum í borginni á miðborgarsvæði. „Ég hef aldrei heyrt um svona skilyrði áður. Að eitthvað kaffihús eða matsölustaður með léttan mat megi ekki vera sýnilegur frá götunni. Ef þú ert ekki sýnilegur þá veit enginn af þér og ef enginn veit af þér þá kemur enginn,“ segir Emil Helgi Lárusson, annar eigandi Nam.Emil hlakkar mikið til að opna Nam á Laugavegi.VísirEinar á hlut í yfir tuttugu veitingastöðum og varð því alveg hvumsa þegar honum var gerð grein fyrir ákvæðinu. Veitingaleyfið tilheyrði áður ferðaskrifstofunni Around Iceland sem hafði leyfi fyrir litlu kaffihúsi í rými staðarins með því skilyrði að það sæist ekki frá götu.Opnun Nam yrði brot gegn aðalskipulagi „Þetta er vegna þessa starfsemiskvóta í aðalskipulaginu, verslanir versus annar rekstur í miðborginni,“ útskýrir Borghildur Sölvey Sturludóttir, arkitekt hjá skipulagsfulltrúa Reykjavíkurborgar. Þannig er mál með vexti að í því skyni að standa vörð um smávöruverslun í miðborginni var sett sú regla í aðalskipulagi borgarinnar að smásöluverslun á svokölluðu aðalverslunarsvæði í miðborginni verði að vera 70 prósent notkunar rýma á jarðhæð.Markmið aðalskipulags Reykjavíkurborgar hvað varðar miðborgina.Mynd/Úr Aðalskipulagi Reykjavíkur 2010-2030, prentuð útgáfaMarkmið reglunnar er að meðal annars að efla mannlíf í göturýmum, stuðla að heildarmynd göturýmisins og stuðla að fjölbreyttri starfsemi í miðborginni. Með umsögn Reykjavíkurborgar 17. ágúst síðastliðinn var af þessum ástæðum Nam hafnað að taka meirihluta rýmisins undir veitingastað en málinu er ekki lokið enn þar sem Nam vísaði því til umhverfis- og skipulagsráðs borgarinnar. Samkvæmt upplýsingum frá borginni verður málið tekið fyrir í september. „Það er mikilvægt að þeim markmiðum sem hafa verið sett í aðalskipulagi sé fylgt eftir. Með þessum ákvæðum er verið að vernda rekstur og umhverfi Laugavegarins,“ segir Borghildur.Þverpólitísk samstaða um aðalskipulagið Heildarendurskoðun aðalskipulags Reykjavíkurborgar hófst árið 2006 sama ár og ákvörðun var tekin um endurskoðun. Vinnan fór fram undir stjórn stýrihóps sem skipaður var fulltrúum frá bæði meiri- og minnihluta í borgarstjórn og tóku starfsmenn umhverfis- og skipulagssviðs virkan þátt í vinnunni auk utanaðkomandi ráðgjafa. Henni lauk í lok árs 2009 og útkoman var Aðalskipulag Reykjavíkur 2010-2030.Hér má sjá miðborgarsvæði skipulagsins sem um ræðir. Nam er á miðjum fjólubláa hluta myndarinnar.Mynd/Úr Aðalskipulagi Reykjavíkur 2010-2030, prentuð útgáfaNúverandi staða hlutfalls veitingastaða og skemmtistaða á því svæði sem Nam tilheyrir er um 31 prósent samkvæmt umsögn til Nam 17. ágúst en aðalskipulagið leyfir örlítil vikmörk að ákveðnum skilyrðum uppfylltum. Emil áfellist ekki borgina enda segir hann sökina eins vera sín megin, hann hafi ekki tekið eftir ákvæðinu. „Við vorum bara ekki meðvituð um þessa klausu.“ Taldi hann nægja að veitingaleyfið hefði verið útgefið. Emil segir það óhjákvæmilega hafa sett strik í reikninginn að hafa verið búinn að gera staðinn alveg kláran, liggur við koma fyrir mat í kælinum og taka svo eftir skilyrðinu um að verða að vera ósýnilegir frá götu. „En fall er fararheill, þetta verður alveg frábær staður. Við vonum bara að þetta góða fólk hjá borginni finni leið til að vinna út úr þessu með okkur,“ segir Emil, bjartsýnn á að það takist að leysa málið. „Við erum gríðarlega spennt að fara að opna staðinn.“Í næstu viku opnar Nam nýjan stað á Laugavegi 18!Við erum ótrúlega spennt yfir því að opna okkar fyrsta Nam stað í mið...Posted by Nam on Wednesday, July 29, 2015
Mest lesið „Ég var búinn að heyra stríðssögur um hvað fyrstu mánuðirnir væru erfiðir“ Atvinnulíf Leiðir dýra útrás Collab meðfram MBA-námi Viðskipti innlent Borgaði klink fyrir Kastalann og ekki krónu fyrir Wok On Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Að nálgast starfsmann sem líður illa, er reiður eða leiður Atvinnulíf Ósáttur með sætin og fær milljón endurgreidda Neytendur Brúneggjamálið tekið fyrir í Hæstarétti Viðskipti innlent Einn stærsti vinnustaður Akraness gjaldþrota Viðskipti innlent Stærsti Hiab krani í heimi á sumarsýningu Veltis Samstarf Sóttu fjármálastjóra til Landsbankans Viðskipti innlent Fleiri fréttir Brúneggjamálið tekið fyrir í Hæstarétti Úr boltanum í tryggingarnar Leiðir dýra útrás Collab meðfram MBA-námi Sóttu fjármálastjóra til Landsbankans Borgaði klink fyrir Kastalann og ekki krónu fyrir Wok On Mikið áfall fyrir íslenskan sjávarútveg Einn stærsti vinnustaður Akraness gjaldþrota Syndis ræður reyndan tölvuþrjót Gera margvíslegar athugasemdir við starfshætti Kviku Gjaldþrot Jötunn véla upp á 1,7 milljarða Reitir hrista upp í skipuritinu Matvöruverslun rís á nýjum reit við Keflavíkurflugvöll Gefa út afkomuspá eftir allt saman 96 sagt upp í hópuppsögnum í júní Tekur við fjármálunum hjá Securitas Selja fyrsta bjórinn ekki fyrr en í ágúst Karen Ýr ráðin gæðastjóri Biðin eftir vaxtalækkun gæti lengst enn frekar Minna nú á skoðun ökutækja á Ísland.is Alvotech reiknar með tíföldum tekjum Útflutningsverðmæti eldislaxins meiri en loðnunnar Opna baðstað í Kerlingarfjöllum um helgina Svekkjandi uppgjör og aðstoðarforstjórinn látinn róa Arion banki greiði Seðlabankanum 585 milljónir Rannveig hættir í Seðlabankanum Íslensk hugbúnaðarlausn greinir kolefnisspor innkaupa fyrirtækja Flýta ekki vaxtaákvörðun þrátt fyrir áköll Flestar íbúðir seljist undir eða á auglýstu verði Ýmir Örn fer frá N1 Verðbólga nú 5,8 prósent Sjá meira