Hópur flóttafólks braut sér leið í gegnum víggirtan vegg sem
reistur
var á landamærum Ungverjalands og Serbíu og fóru yfir landamærin. Ungverska óeirðalögreglan beitti táragasi á flóttafólkið og öflugar vatnsslöngur til að stöðva för flóttamannanna.
Þúsundir flóttafólks voru við landamærin þegar ungversk stjórnvöld lokuðu þeim og lög þess eðlis að refsivert væri að fara yfir landamærin án
tilskilinna
pappíra tóku gildi.
Serbnesk
stjórnvöld lýstu óánægju sinni með aðgerðirnar og sögðu nágranna sína í norðri ekki hafa rétt á að skjóta táragasi yfir landamærin. Forsætisráðherra Serbíu sakaði starfsbróður sinn í Ungverjalandi um harkalega og ó-evrópska hegðun og hvatt Evrópusambandið til að bregðast við.
Notuðu táragas og vatn á flóttafólk
