Skoraði og svo varð allt svart Tómas Þór Þórðarson skrifar 2. nóvember 2015 06:30 Arnór Ingvi Traustason fagnar titlinum á heimavelli fráfarandi meistara í Malmö. vísir/Getty Ný íslensk fótboltastjarna er fædd. Smátt og smátt hefur Keflvíkingurinn Arnór Ingvi Traustason verið að láta vita af sér í sænsku úrvalsdeildinni, en hann spilaði frábærlega fyrir Norrköping á leiktíðinni sem lauk á laugardaginn. Arnór Ingvi setti kirsuberið á sína eigin köku með því að leggja upp og skora í lokaleiknum gegn fráfarandi Svíþjóðarmeisturum Malmö þegar Norrköping vann titilinn í 13. sinn og það fyrsta síðan 1989. Keflvíkingurinn, sem var að klára sína aðra leiktíð í Svíþjóð, skoraði sjö mörk og varð stoðsendingakóngur í deildinni með tíu stykki. Hann kom í heildina að 17 af 60 mörkum liðsins. „Þetta er alveg ótrúlegt. Ég trúi þessu ekki enn þá. Þetta er það stærsta sem ég hef gert,“ segir glaðbeittur Arnór Ingvi við Fréttablaðið. Þegar blaðamaður heyrði í honum í gær var Arnór kominn á ról eftir meistaraskrall nóttina áður. Verðskuldað skrall! Hann var reyndar búinn að týna hleðslutækinu sínu og hófst viðtalið með batteríið á þremur prósentum. Þurfti því að tala hratt – en örugglega.mynd/ifknorrköpingErum ekkert miðlungslið Arnór Ingvi og félagar voru í efsta sætinu fyrir lokaumferðina með 63 stig, stigi á undan Hjálmari Jónssyni og félögum í Gautaborg og þremur stigum á undan Hauki Heiðari Haukssyni og hans mönnum í AIK. Ljóst var að Íslendingalið yrði meistari. Gautaborg og AIK réðu ekki við pressuna og gerðu jafntefli, en Norrköping fór á einn sterkasta útivöllinn í deildinni og vann Malmö, 2-0. Til viðmiðs vann Malmö úkraínska stórliðið Shakhtar Donetsk í Meistaradeildinni á dögunum afar sannfærandi.Sjá einnig:Sjáðu markið og stoðsendinguna hjá Arnóri Ingva | Myndband „Það er ekkert grín að fara á þennan Swedbank-völl. Malmö er gott lið sem vill ekki líta illa út og tapa á heimavelli. Við áttum erfiðasta leikinn en kláruðum þetta,“ segir Arnór Ingvi, en átti Norrköping að eiga séns í ár? „Nei. Okkur var spáð svona áttunda til ellefta sæti. Við áttum að heita miðlungslið en það erum við ekki. Við erum mjög góðir í fótbolta og því var gaman að troða léttum sokk upp í marga.“ Norrköping tók á mikinn sprett þegar tíu leikir voru eftir og vann níu af þeim. „Það var eins og ýtt væri á „ON-takka“. Vélin fór bara að malla og við keyrðum á þetta. Þetta var æðislegt. Ég hef aldrei verið í svona góðu liði,“ segir Arnór Ingvi.Arnór Ingvi skorar annað markið og titillinn tryggður.vísir/gettyMenn í misjöfnu ástandi Keflvíkingurinn innsiglaði sigurinn í uppbótartíma með öðru marki Norrköping. Hann tók á rás út að hornfána til að fagna en meira man hann ekki. „Ef ég á að vera hreinskilinn varð bara allt svart. Ég skoraði og svona í miðjum fagnaðarlátunum hugsaði ég: „shit, við erum að verða meistarar“. Meira man ég ekki. Þetta var samt ótrúleg tilfinning,“ segir Arnór. Fagnaðarlætin segir hann hafa verið mikil inn í klefa en svo tók við fimm tíma rútuferð frá Malmö til Norrköping. „Þar biðu 25 þúsund manns eftir okkur á torgi í bænum. Við vorum kallaðir upp og það var pínu fjör. Svo var bara farið út á lífið. Við áttum það skilið,“ segir Arnór, en lifðu allir af fimm tíma rútuferð heim í svona miklu stuði? „Menn voru í misjöfnu ástandi. Ég segi ekki meir,“ segir hann og hlær. Arnór er eðlilega kampakátur með eigin frammistöðu í sumar, en hverju þakkar hann að koma að næstum þriðjungi marka meistaraliðsins í Svíþjóð? „Ég lagði rosalega hart að mér og tók hausinn líka alveg í gegn. Ég fékk að kynnast sjálfum mér aðeins betur og það hefur hjálpað mér mikið. Ég æfði vel og er heppinn að vera með þjálfara sem treystir mér og gefur mér rosalega stórt hlutverk. Það er mjög mikilvægt,“ segir Arnór Ingvi sem gaf sitt fyrsta viðtal á sænsku undir lok tímabilsins. „Ég er kominn betur inn í hlutina hérna, lífið og tungumálið. Orðaforðinn er svona í 80 prósentum en ég tala alveg sænsku þó það sé stundum hlegið að mér.“Arnór Ingvi var í U21 árs landsliðinu sem komst í umspil um sæti á EM 2015.vísir/gettyLangar í landsliðið Aðspurður um næsta skref segist Arnór ekki vita hvað tekur við. „Ég hef ekkert spáð í því,“ segir hann. „Það gæti verið gaman að taka slaginn með Norrköping á næsta ári þegar liðið er líka í Meistaradeildinni en ef eitthvað spennandi kemur upp sem ekki er hægt að segja nei við er spennandi að sjá hversu langt maður kemst.“ Hann hefur ekki farið leynt með löngun sína að komast í íslenska landsliðið. Næstu leikir eru gegn Póllandi og Slóvakíu síðar í þessum mánuði. Það má búast við að Lars og Heimir fari að gefa öðrum tækifæri til að breikka hópinn fyrir EM næsta sumar og Arnór vill fá tækifæri. „Auðvitað langar manni að komast þarna inn eftir þetta tímabil og það mun gerast fljótlega. Ég hef trú á því,“ segir Arnór Ingvi sem verður þó fyrst að spila leikinn um sænska ofurbikarinn gegn Gautaborg um næstu helgi. „Það er alveg geðveikt,“ segir hann kaldhæðinn. „Það nennir enginn að spila þann leik.“ Hann á pantað flug heim til Keflavíkur 17. nóvember en það gæti eitthvað tafist fái hann tækifæri hjá landsliðinu. „Þau plön gætu breyst ef ég kemst í landsliðið....“ Batteríið búið. Fótbolti á Norðurlöndum Mest lesið Bein útsending: Íslenska ofurfólkið keppir við þau bestu í heimi Sport Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Langþráð og laglegt mark Höjlund tryggði Man. Utd sigurinn Enski boltinn Í beinni: FH - Valur | Valsmenn þurfa sigur í Evrópubaráttunni Íslenski boltinn Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Íslenskur ökumaður fagnaði sigri í Le Mans keppninni Sport Fleiri fréttir Í beinni: Girona - Real Sociedad | Orri sjóðheitur Í beinni: Bournemouth - Arsenal | Skytturnar geta komist á toppinn Willum Þór með mikilvægt mark í endurkomusigri Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Elfar Árni afgreiddi Vestra Bætti fyrir vítaklúðrið með því að skora sigurmarkið Í beinni: Man. Utd. - Brentford | Hitnar enn frekar undir Ten Hag? Þrjú mörk á sjö mínútum í sannfærandi sigri Spurs Í beinni: FH - Valur | Valsmenn þurfa sigur í Evrópubaráttunni Ísak reiddist dómaranum og lagði þá bara upp mark í staðinn Eigandinn þuklaði á fyrirliða kvennaliðsins Fannst Inter besti kosturinn: „Ekkert að því að búa í Mílanó“ Í leyfi eftir að hafa misst fjögurra mánaða afabarn „Ævintýri og lygar í boði sumra ykkar“ Fanney seld fyrir upphæð sem „ekki hefur sést“ og Tinna kemur í staðinn Jón Dagur út í hálfleik en upp um þrjú sæti Sara öflug og komst áfram í bikarnum Mainoo frá í nokkrar vikur Fanney sögð á leið til Svíþjóðar Nýir þjálfarar drepi alla sköpun Ræddu við tíu en fáir kannast við símtal Tvær breytingar á Bandaríkjahópnum Valdi ekki bestu fótboltakonu heims í landsliðið Messi: Hamingjan skiptir mig meira máli en að spila á HM 2026 Fótboltinn þurfi að njóta vafans hjá Val: „Er mjólkurkýr félagsins“ Vilja prófa að leyfa áfengi á kvennaleikjum í Englandi Börkur hló spurður um framboð: „Talandi um að fara úr öskunni í eldinn“ Sveindís og Amanda áttu strembið Meistaradeildarkvöld Ómar Björn áfram í Bestu deildinni Aðeins tvöfaldur espressó gegn Íslandi Sjá meira
Ný íslensk fótboltastjarna er fædd. Smátt og smátt hefur Keflvíkingurinn Arnór Ingvi Traustason verið að láta vita af sér í sænsku úrvalsdeildinni, en hann spilaði frábærlega fyrir Norrköping á leiktíðinni sem lauk á laugardaginn. Arnór Ingvi setti kirsuberið á sína eigin köku með því að leggja upp og skora í lokaleiknum gegn fráfarandi Svíþjóðarmeisturum Malmö þegar Norrköping vann titilinn í 13. sinn og það fyrsta síðan 1989. Keflvíkingurinn, sem var að klára sína aðra leiktíð í Svíþjóð, skoraði sjö mörk og varð stoðsendingakóngur í deildinni með tíu stykki. Hann kom í heildina að 17 af 60 mörkum liðsins. „Þetta er alveg ótrúlegt. Ég trúi þessu ekki enn þá. Þetta er það stærsta sem ég hef gert,“ segir glaðbeittur Arnór Ingvi við Fréttablaðið. Þegar blaðamaður heyrði í honum í gær var Arnór kominn á ról eftir meistaraskrall nóttina áður. Verðskuldað skrall! Hann var reyndar búinn að týna hleðslutækinu sínu og hófst viðtalið með batteríið á þremur prósentum. Þurfti því að tala hratt – en örugglega.mynd/ifknorrköpingErum ekkert miðlungslið Arnór Ingvi og félagar voru í efsta sætinu fyrir lokaumferðina með 63 stig, stigi á undan Hjálmari Jónssyni og félögum í Gautaborg og þremur stigum á undan Hauki Heiðari Haukssyni og hans mönnum í AIK. Ljóst var að Íslendingalið yrði meistari. Gautaborg og AIK réðu ekki við pressuna og gerðu jafntefli, en Norrköping fór á einn sterkasta útivöllinn í deildinni og vann Malmö, 2-0. Til viðmiðs vann Malmö úkraínska stórliðið Shakhtar Donetsk í Meistaradeildinni á dögunum afar sannfærandi.Sjá einnig:Sjáðu markið og stoðsendinguna hjá Arnóri Ingva | Myndband „Það er ekkert grín að fara á þennan Swedbank-völl. Malmö er gott lið sem vill ekki líta illa út og tapa á heimavelli. Við áttum erfiðasta leikinn en kláruðum þetta,“ segir Arnór Ingvi, en átti Norrköping að eiga séns í ár? „Nei. Okkur var spáð svona áttunda til ellefta sæti. Við áttum að heita miðlungslið en það erum við ekki. Við erum mjög góðir í fótbolta og því var gaman að troða léttum sokk upp í marga.“ Norrköping tók á mikinn sprett þegar tíu leikir voru eftir og vann níu af þeim. „Það var eins og ýtt væri á „ON-takka“. Vélin fór bara að malla og við keyrðum á þetta. Þetta var æðislegt. Ég hef aldrei verið í svona góðu liði,“ segir Arnór Ingvi.Arnór Ingvi skorar annað markið og titillinn tryggður.vísir/gettyMenn í misjöfnu ástandi Keflvíkingurinn innsiglaði sigurinn í uppbótartíma með öðru marki Norrköping. Hann tók á rás út að hornfána til að fagna en meira man hann ekki. „Ef ég á að vera hreinskilinn varð bara allt svart. Ég skoraði og svona í miðjum fagnaðarlátunum hugsaði ég: „shit, við erum að verða meistarar“. Meira man ég ekki. Þetta var samt ótrúleg tilfinning,“ segir Arnór. Fagnaðarlætin segir hann hafa verið mikil inn í klefa en svo tók við fimm tíma rútuferð frá Malmö til Norrköping. „Þar biðu 25 þúsund manns eftir okkur á torgi í bænum. Við vorum kallaðir upp og það var pínu fjör. Svo var bara farið út á lífið. Við áttum það skilið,“ segir Arnór, en lifðu allir af fimm tíma rútuferð heim í svona miklu stuði? „Menn voru í misjöfnu ástandi. Ég segi ekki meir,“ segir hann og hlær. Arnór er eðlilega kampakátur með eigin frammistöðu í sumar, en hverju þakkar hann að koma að næstum þriðjungi marka meistaraliðsins í Svíþjóð? „Ég lagði rosalega hart að mér og tók hausinn líka alveg í gegn. Ég fékk að kynnast sjálfum mér aðeins betur og það hefur hjálpað mér mikið. Ég æfði vel og er heppinn að vera með þjálfara sem treystir mér og gefur mér rosalega stórt hlutverk. Það er mjög mikilvægt,“ segir Arnór Ingvi sem gaf sitt fyrsta viðtal á sænsku undir lok tímabilsins. „Ég er kominn betur inn í hlutina hérna, lífið og tungumálið. Orðaforðinn er svona í 80 prósentum en ég tala alveg sænsku þó það sé stundum hlegið að mér.“Arnór Ingvi var í U21 árs landsliðinu sem komst í umspil um sæti á EM 2015.vísir/gettyLangar í landsliðið Aðspurður um næsta skref segist Arnór ekki vita hvað tekur við. „Ég hef ekkert spáð í því,“ segir hann. „Það gæti verið gaman að taka slaginn með Norrköping á næsta ári þegar liðið er líka í Meistaradeildinni en ef eitthvað spennandi kemur upp sem ekki er hægt að segja nei við er spennandi að sjá hversu langt maður kemst.“ Hann hefur ekki farið leynt með löngun sína að komast í íslenska landsliðið. Næstu leikir eru gegn Póllandi og Slóvakíu síðar í þessum mánuði. Það má búast við að Lars og Heimir fari að gefa öðrum tækifæri til að breikka hópinn fyrir EM næsta sumar og Arnór vill fá tækifæri. „Auðvitað langar manni að komast þarna inn eftir þetta tímabil og það mun gerast fljótlega. Ég hef trú á því,“ segir Arnór Ingvi sem verður þó fyrst að spila leikinn um sænska ofurbikarinn gegn Gautaborg um næstu helgi. „Það er alveg geðveikt,“ segir hann kaldhæðinn. „Það nennir enginn að spila þann leik.“ Hann á pantað flug heim til Keflavíkur 17. nóvember en það gæti eitthvað tafist fái hann tækifæri hjá landsliðinu. „Þau plön gætu breyst ef ég kemst í landsliðið....“ Batteríið búið.
Fótbolti á Norðurlöndum Mest lesið Bein útsending: Íslenska ofurfólkið keppir við þau bestu í heimi Sport Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Langþráð og laglegt mark Höjlund tryggði Man. Utd sigurinn Enski boltinn Í beinni: FH - Valur | Valsmenn þurfa sigur í Evrópubaráttunni Íslenski boltinn Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Íslenskur ökumaður fagnaði sigri í Le Mans keppninni Sport Fleiri fréttir Í beinni: Girona - Real Sociedad | Orri sjóðheitur Í beinni: Bournemouth - Arsenal | Skytturnar geta komist á toppinn Willum Þór með mikilvægt mark í endurkomusigri Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Elfar Árni afgreiddi Vestra Bætti fyrir vítaklúðrið með því að skora sigurmarkið Í beinni: Man. Utd. - Brentford | Hitnar enn frekar undir Ten Hag? Þrjú mörk á sjö mínútum í sannfærandi sigri Spurs Í beinni: FH - Valur | Valsmenn þurfa sigur í Evrópubaráttunni Ísak reiddist dómaranum og lagði þá bara upp mark í staðinn Eigandinn þuklaði á fyrirliða kvennaliðsins Fannst Inter besti kosturinn: „Ekkert að því að búa í Mílanó“ Í leyfi eftir að hafa misst fjögurra mánaða afabarn „Ævintýri og lygar í boði sumra ykkar“ Fanney seld fyrir upphæð sem „ekki hefur sést“ og Tinna kemur í staðinn Jón Dagur út í hálfleik en upp um þrjú sæti Sara öflug og komst áfram í bikarnum Mainoo frá í nokkrar vikur Fanney sögð á leið til Svíþjóðar Nýir þjálfarar drepi alla sköpun Ræddu við tíu en fáir kannast við símtal Tvær breytingar á Bandaríkjahópnum Valdi ekki bestu fótboltakonu heims í landsliðið Messi: Hamingjan skiptir mig meira máli en að spila á HM 2026 Fótboltinn þurfi að njóta vafans hjá Val: „Er mjólkurkýr félagsins“ Vilja prófa að leyfa áfengi á kvennaleikjum í Englandi Börkur hló spurður um framboð: „Talandi um að fara úr öskunni í eldinn“ Sveindís og Amanda áttu strembið Meistaradeildarkvöld Ómar Björn áfram í Bestu deildinni Aðeins tvöfaldur espressó gegn Íslandi Sjá meira
Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn
Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn