Stelpurnar slá í gegn Henry Birgir Gunnarsson skrifar 12. nóvember 2015 06:00 Ronda Rousey er ein stærsta stjarnan í UFC. Vísir/Getty Um helgina fer fram einstakur viðburður í UFC-heiminum. Á hinum risavaxna Etihad-velli í Melbourne í Ástralíu munu 70 þúsund manns fylgjast með UFC 193. Stærsta kvöld í sögu UFC og aðalbardagarnir eru kvennabardagar. Það er keppt í tveim þyngdarflokkum hjá konunum í UFC og bæði beltin verða undir í Melbourne. Næststærsti bardagi kvöldsins er í strávigt á milli pólska meistarans, Joanna Jedrzejczyjk, og kanadísku stúlkunnar Valerie Letourneau. Aðalbardaginn er síðan á milli meistarans í bantamvigt, Rondu Rousey, og Holly Holm. Tvær frábærar stúlkur sem aldrei hafa tapað. Rousey þó mun sigurstranglegri enda haft ótrúlega yfirburði í íþróttinni og er að klára sína bardaga á um 30 sekúndum að meðaltali.Hún er rosalegur íþróttamaður Júdódrottning Íslands, Anna Soffía Víkingsdóttir, þekkir aðeins til Rousey eftir að hafa glímt við hana í tvígang. Anna Soffía hefur unnið 23 Íslandsmeistaratitla í júdó og hún er líka fjórfaldur Íslandsmeistari í brasilísku jiu jitsu.Vísir„Ég keppti tvisvar við Rondu árið 2007. Það var á opna bandaríska og opna sænska meistaramótinu í júdó. Er ég mætti á bandaríska mótið var ég nýbúin að heyra af henni í fyrsta skipti enda hafði hún nælt í silfur á HM,“ segir Anna Soffía en hún fékk að finna fyrir styrk Rousey. „Það gekk ekkert sérstaklega vel í fyrri bardaganum þar sem ég tapaði eftir um eina og hálfa mínútu. Ég fann þar hversu rosalegur íþróttamaður hún er. Hún kemur inn í mann af fullu afli strax frá fyrstu sekúndu. Ef maður er ekki viðbúinn þá bregður manni svolítið. Þetta er stíll sem fólk þekkir ef það hefur horft á hana í MMA. Hún byrjaði snemma með þennan agressíva stíl,“ segir Anna Soffía en í seinni bardaganum í Svíþjóð gekk betur. „Þá tapaði ég fyrir henni í gólfinu þegar það var svona mínúta eftir.“Ronda Rousey.Vísir/GettyRonda er lokuð týpa Eftir mótið í Svíþjóð fóru margar af júdóstelpunum saman í æfingabúðir í viku. Þar á meðal voru Anna Soffía og Ronda. Þar náði Anna að fylgjast betur með henni. „Ég náði nú ekkert að kynnast henni persónulega. Hún var frekar lokuð týpa og það virtist vera erfitt að kynnast henni. Þegar hún var bæði að æfa og keppa þá var hún svolítið ein úti í horni að hugsa um sitt,“ segir Íslandsmeistarinn og bætir við að það hafi stundum verið kostulegt að fylgjast með líklega þekktustu og vinsælustu íþróttakonu heims í dag. „Hún var ekki alltaf sú vinalegasta við stelpurnar sem hún var að glíma við. Ef henni gekk ekki vel þá fór hún stundum að láta illa. Ég man sérstaklega eftir einu atviki þar sem hún var að glíma við góða, þýska stelpu. Það gekk ekki vel og þá fór Ronda að sparka í hana. Þjálfarinn þurfti að stoppa hana og þá rauk hún út. Hún var með stórt skap greinilega og tók ekki alltaf í höndina á andstæðingnum sem er ekki vel séð.“Holly Holm.Vísir/GettyBer meiri virðingu fyrir henni Anna Soffía hefur fylgst vel með uppgangi Rondu í UFC á síðustu árum og er ánægð með það sem Ronda er að gera og ekki síst með það sem hún hefur fram að færa. „Ég fór að bera meiri virðingu fyrir henni er hún fór að tjá sig almennilega. Ég er einmitt að lesa ævisögu hennar líka núna. Mér finnst frábært að hún sé að nýta nafn sitt og frægð til þess að tala fyrir og gegn ákveðnum málefnum. Það var flott er hún lét til að mynda Floyd Mayweather heyra það. Hún hefur líka talað opinskátt um líkamsímyndina sem er gott. Hún sagði að allir vöðvarnir hefðu sinn tilgang er hún var gagnrýnd fyrir að vera of mössuð. Svo er hún auðvitað rosalegur íþróttamaður og einn sá besti sem ég hef séð.“Vísir/GettyAnna Soffía er líka hæstánægð með hvað Ronda hefur gert fyrir kvennaíþróttir. „Hún er að sýna að við getum gert þetta jafn vel og karlarnir og jafnvel betur,“ segir Anna Soffía en hún bíður spennt eftir bardagakvöldinu um helgina sem verður í beinni á Stöð 2 Sport. „Ég er búin að vera að telja niður í keppnina. Báðar stelpurnar eru rosalega flottar og góðir íþróttamenn. Ég held að Ronda vinni og Holly sé ekki tilbúin en ég vona að bardaginn standi í meira en lotu,“ segir Anna og hlær. MMA Mest lesið Búast við gullregni með sölu á Stefáni til Englands Fótbolti „Líður eins og ég hafi svikið þjóð mína“ Fótbolti Sjáðu fernu og dans Viktors, Valsara í stuði og tæpt jöfnunarmark KR Íslenski boltinn Vistaskipti Kilman gætu breytt framtíð E-deildarliðs Maidenhead Enski boltinn Dagskráin í dag: Barist í Bestu deildunum og í tímatöku á Silverstone Sport „Ég hef aldrei skammast mín jafn mikið“ Íslenski boltinn Hollendingar lentu undir en mæta Englandi Fótbolti Sky biður Nottingham Forest afsökunar Enski boltinn Þessi ömurlega sápuópera haldi áfram þar til Ronaldo segi stopp Fótbolti Fyrsta mark Bryndísar skipti sköpum Fótbolti Fleiri fréttir Vistaskipti Kilman gætu breytt framtíð E-deildarliðs Maidenhead Búast við gullregni með sölu á Stefáni til Englands Sjáðu fernu og dans Viktors, Valsara í stuði og tæpt jöfnunarmark KR „Líður eins og ég hafi svikið þjóð mína“ Fyrsta mark Bryndísar skipti sköpum FHL jók forskotið og dýrmætur sigur Þróttar Hollendingar lentu undir en mæta Englandi Töpuðu rétt eftir risasigurinn „Ég hef aldrei skammast mín jafn mikið“ Íslendingar byrja vel á heimsmeistaramóti öldunga í skák Viktor með fernu: „Eitthvað sem ég vissi alltaf að byggi í mér“ Fyrsta mark Eggerts eftir mínútu á vellinum Pálmi Rafn: Á von á því að Ægir Jarl sé á förum Uppgjör og viðtöl: Valur-Fylkir 4-0 | Valsmenn ekki í vandræðum með botnliðið Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni? Uppgjörið og viðtöl: KR-Stjarnan 1-1 | Axel Óskar tryggði heimamönnum stig Uppgjörið: ÍA-HK 8-0 | HK-ingar hnepptir í þrældóm á Írskum dögum Uppgjörið: Tindastóll-Stjarnan 0-0 | Víti í súginn og markalaust í Skagafirði Öll vítin inn og England í undanúrslit Íslenskur markvörður orðaður við Frey og félaga Jóhann Berg áfram hjá Burnley Fyrirliðinn Morata ekki í banni í undanúrslitunum Tennisfélag Kópavogs og Víkingur Íslandsmeistarar í tennis Lehmann elti kærastann til Ítalíu: „Draumur að geta verið hjá sama félagi“ Sex Ólympíufarar koma frá Palestínu Sky biður Nottingham Forest afsökunar Saka og Trippier vængbakverðir gegn Sviss Frakkar í undanúrslit án þess að skora mark í opnum leik Kanada óvænt í undanúrslitin Fyrst kvenna og vill rjúfa múr í París: „Segja öll að þetta sé allt annað fyrirbæri“ Sjá meira
Um helgina fer fram einstakur viðburður í UFC-heiminum. Á hinum risavaxna Etihad-velli í Melbourne í Ástralíu munu 70 þúsund manns fylgjast með UFC 193. Stærsta kvöld í sögu UFC og aðalbardagarnir eru kvennabardagar. Það er keppt í tveim þyngdarflokkum hjá konunum í UFC og bæði beltin verða undir í Melbourne. Næststærsti bardagi kvöldsins er í strávigt á milli pólska meistarans, Joanna Jedrzejczyjk, og kanadísku stúlkunnar Valerie Letourneau. Aðalbardaginn er síðan á milli meistarans í bantamvigt, Rondu Rousey, og Holly Holm. Tvær frábærar stúlkur sem aldrei hafa tapað. Rousey þó mun sigurstranglegri enda haft ótrúlega yfirburði í íþróttinni og er að klára sína bardaga á um 30 sekúndum að meðaltali.Hún er rosalegur íþróttamaður Júdódrottning Íslands, Anna Soffía Víkingsdóttir, þekkir aðeins til Rousey eftir að hafa glímt við hana í tvígang. Anna Soffía hefur unnið 23 Íslandsmeistaratitla í júdó og hún er líka fjórfaldur Íslandsmeistari í brasilísku jiu jitsu.Vísir„Ég keppti tvisvar við Rondu árið 2007. Það var á opna bandaríska og opna sænska meistaramótinu í júdó. Er ég mætti á bandaríska mótið var ég nýbúin að heyra af henni í fyrsta skipti enda hafði hún nælt í silfur á HM,“ segir Anna Soffía en hún fékk að finna fyrir styrk Rousey. „Það gekk ekkert sérstaklega vel í fyrri bardaganum þar sem ég tapaði eftir um eina og hálfa mínútu. Ég fann þar hversu rosalegur íþróttamaður hún er. Hún kemur inn í mann af fullu afli strax frá fyrstu sekúndu. Ef maður er ekki viðbúinn þá bregður manni svolítið. Þetta er stíll sem fólk þekkir ef það hefur horft á hana í MMA. Hún byrjaði snemma með þennan agressíva stíl,“ segir Anna Soffía en í seinni bardaganum í Svíþjóð gekk betur. „Þá tapaði ég fyrir henni í gólfinu þegar það var svona mínúta eftir.“Ronda Rousey.Vísir/GettyRonda er lokuð týpa Eftir mótið í Svíþjóð fóru margar af júdóstelpunum saman í æfingabúðir í viku. Þar á meðal voru Anna Soffía og Ronda. Þar náði Anna að fylgjast betur með henni. „Ég náði nú ekkert að kynnast henni persónulega. Hún var frekar lokuð týpa og það virtist vera erfitt að kynnast henni. Þegar hún var bæði að æfa og keppa þá var hún svolítið ein úti í horni að hugsa um sitt,“ segir Íslandsmeistarinn og bætir við að það hafi stundum verið kostulegt að fylgjast með líklega þekktustu og vinsælustu íþróttakonu heims í dag. „Hún var ekki alltaf sú vinalegasta við stelpurnar sem hún var að glíma við. Ef henni gekk ekki vel þá fór hún stundum að láta illa. Ég man sérstaklega eftir einu atviki þar sem hún var að glíma við góða, þýska stelpu. Það gekk ekki vel og þá fór Ronda að sparka í hana. Þjálfarinn þurfti að stoppa hana og þá rauk hún út. Hún var með stórt skap greinilega og tók ekki alltaf í höndina á andstæðingnum sem er ekki vel séð.“Holly Holm.Vísir/GettyBer meiri virðingu fyrir henni Anna Soffía hefur fylgst vel með uppgangi Rondu í UFC á síðustu árum og er ánægð með það sem Ronda er að gera og ekki síst með það sem hún hefur fram að færa. „Ég fór að bera meiri virðingu fyrir henni er hún fór að tjá sig almennilega. Ég er einmitt að lesa ævisögu hennar líka núna. Mér finnst frábært að hún sé að nýta nafn sitt og frægð til þess að tala fyrir og gegn ákveðnum málefnum. Það var flott er hún lét til að mynda Floyd Mayweather heyra það. Hún hefur líka talað opinskátt um líkamsímyndina sem er gott. Hún sagði að allir vöðvarnir hefðu sinn tilgang er hún var gagnrýnd fyrir að vera of mössuð. Svo er hún auðvitað rosalegur íþróttamaður og einn sá besti sem ég hef séð.“Vísir/GettyAnna Soffía er líka hæstánægð með hvað Ronda hefur gert fyrir kvennaíþróttir. „Hún er að sýna að við getum gert þetta jafn vel og karlarnir og jafnvel betur,“ segir Anna Soffía en hún bíður spennt eftir bardagakvöldinu um helgina sem verður í beinni á Stöð 2 Sport. „Ég er búin að vera að telja niður í keppnina. Báðar stelpurnar eru rosalega flottar og góðir íþróttamenn. Ég held að Ronda vinni og Holly sé ekki tilbúin en ég vona að bardaginn standi í meira en lotu,“ segir Anna og hlær.
MMA Mest lesið Búast við gullregni með sölu á Stefáni til Englands Fótbolti „Líður eins og ég hafi svikið þjóð mína“ Fótbolti Sjáðu fernu og dans Viktors, Valsara í stuði og tæpt jöfnunarmark KR Íslenski boltinn Vistaskipti Kilman gætu breytt framtíð E-deildarliðs Maidenhead Enski boltinn Dagskráin í dag: Barist í Bestu deildunum og í tímatöku á Silverstone Sport „Ég hef aldrei skammast mín jafn mikið“ Íslenski boltinn Hollendingar lentu undir en mæta Englandi Fótbolti Sky biður Nottingham Forest afsökunar Enski boltinn Þessi ömurlega sápuópera haldi áfram þar til Ronaldo segi stopp Fótbolti Fyrsta mark Bryndísar skipti sköpum Fótbolti Fleiri fréttir Vistaskipti Kilman gætu breytt framtíð E-deildarliðs Maidenhead Búast við gullregni með sölu á Stefáni til Englands Sjáðu fernu og dans Viktors, Valsara í stuði og tæpt jöfnunarmark KR „Líður eins og ég hafi svikið þjóð mína“ Fyrsta mark Bryndísar skipti sköpum FHL jók forskotið og dýrmætur sigur Þróttar Hollendingar lentu undir en mæta Englandi Töpuðu rétt eftir risasigurinn „Ég hef aldrei skammast mín jafn mikið“ Íslendingar byrja vel á heimsmeistaramóti öldunga í skák Viktor með fernu: „Eitthvað sem ég vissi alltaf að byggi í mér“ Fyrsta mark Eggerts eftir mínútu á vellinum Pálmi Rafn: Á von á því að Ægir Jarl sé á förum Uppgjör og viðtöl: Valur-Fylkir 4-0 | Valsmenn ekki í vandræðum með botnliðið Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni? Uppgjörið og viðtöl: KR-Stjarnan 1-1 | Axel Óskar tryggði heimamönnum stig Uppgjörið: ÍA-HK 8-0 | HK-ingar hnepptir í þrældóm á Írskum dögum Uppgjörið: Tindastóll-Stjarnan 0-0 | Víti í súginn og markalaust í Skagafirði Öll vítin inn og England í undanúrslit Íslenskur markvörður orðaður við Frey og félaga Jóhann Berg áfram hjá Burnley Fyrirliðinn Morata ekki í banni í undanúrslitunum Tennisfélag Kópavogs og Víkingur Íslandsmeistarar í tennis Lehmann elti kærastann til Ítalíu: „Draumur að geta verið hjá sama félagi“ Sex Ólympíufarar koma frá Palestínu Sky biður Nottingham Forest afsökunar Saka og Trippier vængbakverðir gegn Sviss Frakkar í undanúrslit án þess að skora mark í opnum leik Kanada óvænt í undanúrslitin Fyrst kvenna og vill rjúfa múr í París: „Segja öll að þetta sé allt annað fyrirbæri“ Sjá meira
Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni?