Verður laugardagurinn til lukku? Tómas Þór Þórðarson skrifar 10. desember 2015 07:00 Gylfi Sigurðsson og Ragnar Sigurðsson í leik á móti Hollandi í undankeppninni. Vísir/Getty Strákarnir okkar í karlalandsliðinu í fótbolta bíða væntanlega spenntari eftir laugardeginum næstkomandi en sjálfum aðfangadegi. Á laugardagseftirmiðdag kemur í ljós hvaða þjóðum Ísland mætir á Evrópumótinu í Frakklandi. Dregið verður í Palais des Congrès í 17. hverfinu í París og hefst drátturinn klukkan 17.00 að íslenskum tíma. Fyrir þá sem ekki vita verður Ísland í neðsta styrkleikaflokki, en takmarkið um að hækka sig upp um einn flokk náðist ekki þegar liðið náði ekki að vinna neinn af síðustu þremur leikjum sínum í riðlakeppninni. Það kom þó ekki að sök þegar kom að stóra markmiðinu sem var að komast í fyrsta sinn á stórmót. Ljóst er að strákanna okkar bíður ærið verkefni, en það er þó alveg hægt að vera heppinn með riðil. Þó að okkar strákar séu í neðsta styrkleikaflokki eru þeir búnir að sýna að íslenska liðið er mjög gott. Sigrar á Tyrkjum, Tékkum og tveir á stjörnum prýddu liði Hollands sönnuðu það í undankeppninni. Riðlarnir geta orðið allavega. Ísland getur lent í algjörum dauðariðli með stórþjóðum á borð við Þýskaland, Ítalíu og Pólland en líka verið í mjög svo árennilegum riðli með þjóðum á borð við Portúgal, Rússland og Ungverjaland. Svo geta riðlarnir orðnir mjög erfiðir en að sama skapi mjög skemmtilegir. Íslenska fótboltaáhugamenn dreymir ekkert heitar en að mæta Englandi í mótsleik. Í hvert skipti sem dregið er í hvaða undankeppni sem er bíðum við eftir að mæta stjörnunum úr ensku úrvalsdeildinni en aldrei koma þær. Við erum nú þegar búin að missa af Steven Gerrard, Frank Lampard, Rio Ferdinand, John Terry, Ashley Cole, Paul Scholes og David Beckham svo örfá en góð dæmi séu tekin. Til að hita aðeins upp fyrir dráttinn á laugardaginn setur Fréttablaðið hér upp fjóra mögulega riðla sem eru miserfiðir og mis „skemmtilegir“ þó auðvitað verði alltaf gaman að fara í fyrsta sinn á stórmót. Við minnum á að allt er þetta til gamans gert.RiðlarnirErfiður Í erfiða riðlinum má finna þrjár af bestu þjóðum mótsins og lið sem verður mjög erfitt að eiga við. Í þessari útgáfu mætir Ísland heimsmeisturum, heitasta framherja heims og fornum erkifjendum.Leikmenn Þýskalands fagna marki.Vísir/GettyÞýskaland Heimsmeistararnir þóttu hiksta töluvert í undankeppninni. Það var þó ekki verra en það að Þýskaland vann D-riðilinn með 22 stigum og var þar á undan Pólverjum, Írum og Skotum. Við erum líka að tala um heimsmeistarana! Þýskaland hefur kannski ekki verið líkt sjálfu sér að undanförnu en það er lið sem þú vilt forðast að mæta á EM.Króatía Nú gætu einhverjir orðið reiðir því Króatar koma inn í mótið sem næstslakasta þjóðin í öðrum styrkleikaflokki. Það er samt bara alltaf erfitt að spila við Króatíu í íþróttum eins og strákarnir okkar fengu að kynnast í umspilinu fyrir HM 2014. Þetta er frábært lið sem hafnaði í öðru sæti síns riðils á eftir Ítalíu. Króatar eru með stútfullt lið af hæfileikum og reynslu í góðri blöndu.Pólland Strákarnir sáu með berum augum hversu gott pólska liðið er og er skrítið að hugsa til þess að það sé í þriðja styrkleikaflokki. Pólland hafnaði í öðru sæti á eftir Þýskalandi í undankeppninni en spennan í kringum liðið í heimalandinu er mikil. Það er með mikla hlaupagetu, sterka vörn og mikla sprengju fram á við.Cristiano Ronaldo og félagar verða í Frakklandi næsta sumar.Vísir/EPALéttur Augljóslega er enginn auðveldur riðill á EM og dettur engum í hug að Ísland geti talið nokkurn leik léttan. Sumir mótherjar eru þó auðveldari en aðrir og í þessum riðli gæti Ísland fengið nóg af stigum.Portúgal Portúgal er eins manns lið. Reyndar er þessi eini maður, Cristiano Ronaldo, alveg ævintýrlega góður. Það veit í raun enginn hvar portúgalska liðið stendur þessa dagana. Það vann sinn riðil í undankeppninni mjög auðveldlega en var nú ekki í þeim erfiðasta. Auðvelt er líka að hugsa til HM þar sem liðið hrundi út með stæl. En kannski er upprisan á leiðinni.Rússland Rússar skriðu inn á mótið í öðru sæti G-riðils undankeppninnar, tveimur stigum á undan Svíum sem voru ekki góðir. Rússneska liðið er í smá krísu. Það vantar stjörnur en er vissulega með fína liðsheild. Liðið spilar hægt og er varnarsinnað og er lið sem myndi henta okkar strákum alveg frábærlega.Ungverjaland Þetta er ein af fáum þjóðum á EM sem við megum einfaldlega kalla eftir sigri á. Ungverjar höfnuðu í þriðja sæti F-riðils með aðeins 16 stig og voru þar á undan Finnlandi. Þeir unnu svo Noreg í umspilinu sem telst ekki mikið afrek í fótboltanum í dag. Það verður mikil stemning í kringum ungverska liðið á HM en Ísland er betra fótboltalið. Svo einfalt er það.Gerard Pique er lykilmaður í spænsku vörninni.Vísir/GettyLeiðinlegur Þótt enginn riðill eða dvölin í Frakklandi verði yfir höfuð leiðinleg getur Ísland lent í riðli með þjóðum sem eru afskaplega góðar í fótbolta en bjóða upp á minni stjörnuljóma og færri sögur til að japla á.Spánn Það verður alltaf nóg að frétta af liðunum úr fyrsta styrkleikaflokki og hér erum við að tala um meistara síðustu tveggja Evrópumóta. Aftur á móti er spænska landsliðið þekkt fyrir að gefa lítið af sér og farnar eru úr liðinu stjörnur á borð við Xavi og Fernando Torres. Svo fengi íslenska liðið ekkert að vera með boltann og myndi tapa, 0-1.Austurríki Austurríki er eitt af liðunum sem gætu slegið í gegn í Frakklandi á sama tíma og stjörnuljóminn yfir því er ekki mikill. Austurríska liðið er hægt og sígandi orðið algjörlega frábært og stútaði G-riðli undankeppninnar með níu sigrum í tíu leikjum. Liðið spilar frábæran fótbolta með hraða og beinskeytta leikmenn á borð við Marko ArnautoviĆ hjá Stoke sem skoraði tvö á móti City um síðustu helgi.Tékkland Íslenska liðið mætti Tékklandi tvívegis í undankeppninni og þess vegna væri ekkert gaman að mæta því aftur. Eins og við fengum að kynnast er tékkneska liðið mjög gott enda vann það riðilinn okkar. Það vantar þó stjörnurnar í Tékkland sem er með frábæra liðsheild og frábæran þjálfara sem á eftir að fleyta því langt.Zlatan fagnar seinna marki sínu gegn Dönum í umspilinu.vísir/gettySkemmtilegur Skemmtilegi riðilinn er reyndar mjög erfiður líka en hann er fullur af sögum og fréttum sem myndu svala fótboltaþorsta landsmanna. Þar mætir Lars Lagerbäck samlöndum sínum.England Íslendingar vilja mæta enska liðinu og sjá strákana okkar berjast við stjörnurnar í ensku úrvalsdeildinni. Þetta hefur verið draumur okkar lengi og við eigum skilið að mæta Englandi. Svo gætum við líka alveg unnið.Ítalía Ítalska liðið er á mikilli uppleið eftir að hafa fallið úr leik í riðlakeppni HM 2014. Ítalir unnu sinn riðil í undankeppninni án þess að tapa leik og hafa náð vopnum sínum undir stjórn Antonio Conte. Það yrði frábært að mæta þessum fjórföldu heimsmeisturum og svo er alltaf smá möguleiki á að spila við Mario Balotelli.Svíþjóð Það færi allt á hliðina bæði á Íslandi og í Svíþjóð ef Lars Lagerbäck myndi mæta samlöndum sínum og sínum gömlu lærisveinum. Þvílíkur leikur fyrir báðar þjóðir og svo er auðvitað eins og einn Zlatan Ibrahimovic í liði Svíþjóðar. Maðurinn sem Lars rak heim úr keppnisferð eins og frægt er orðið. Leikirnir yrðu ekkert mikið skemmtilegri en þetta. EM 2016 í Frakklandi Fótbolti Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Ísland aldrei ofar á heimslistanum Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn „Var kominn með hausverk á hliðarlínunni“ Fótbolti Hótuðu sjónvarpskonu og ófæddu barni hennar Sport Finnst mjög óréttlátt að bronsið sé tekið af henni Sport Kaupverðið klárt og Albert á leið í fjólublátt Fótbolti Íslenska fánanum flaggað í Flórens til að fagna komu Alberts Fótbolti Ólétt af Ólympíumeistara þegar hún stóð sjálf á verðlaunapallinum Sport Fleiri fréttir „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni Ótrúleg 34 skota vítakeppni í slag Íslendingaliða „Vorum ekki tilbúnar og það skrifast á þjálfarann“ Kaupverðið klárt og Albert á leið í fjólublátt Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Sjáðu mörkin sem komu Víkingi áfram og hvernig Aron slasaðist Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Sjá meira
Strákarnir okkar í karlalandsliðinu í fótbolta bíða væntanlega spenntari eftir laugardeginum næstkomandi en sjálfum aðfangadegi. Á laugardagseftirmiðdag kemur í ljós hvaða þjóðum Ísland mætir á Evrópumótinu í Frakklandi. Dregið verður í Palais des Congrès í 17. hverfinu í París og hefst drátturinn klukkan 17.00 að íslenskum tíma. Fyrir þá sem ekki vita verður Ísland í neðsta styrkleikaflokki, en takmarkið um að hækka sig upp um einn flokk náðist ekki þegar liðið náði ekki að vinna neinn af síðustu þremur leikjum sínum í riðlakeppninni. Það kom þó ekki að sök þegar kom að stóra markmiðinu sem var að komast í fyrsta sinn á stórmót. Ljóst er að strákanna okkar bíður ærið verkefni, en það er þó alveg hægt að vera heppinn með riðil. Þó að okkar strákar séu í neðsta styrkleikaflokki eru þeir búnir að sýna að íslenska liðið er mjög gott. Sigrar á Tyrkjum, Tékkum og tveir á stjörnum prýddu liði Hollands sönnuðu það í undankeppninni. Riðlarnir geta orðið allavega. Ísland getur lent í algjörum dauðariðli með stórþjóðum á borð við Þýskaland, Ítalíu og Pólland en líka verið í mjög svo árennilegum riðli með þjóðum á borð við Portúgal, Rússland og Ungverjaland. Svo geta riðlarnir orðnir mjög erfiðir en að sama skapi mjög skemmtilegir. Íslenska fótboltaáhugamenn dreymir ekkert heitar en að mæta Englandi í mótsleik. Í hvert skipti sem dregið er í hvaða undankeppni sem er bíðum við eftir að mæta stjörnunum úr ensku úrvalsdeildinni en aldrei koma þær. Við erum nú þegar búin að missa af Steven Gerrard, Frank Lampard, Rio Ferdinand, John Terry, Ashley Cole, Paul Scholes og David Beckham svo örfá en góð dæmi séu tekin. Til að hita aðeins upp fyrir dráttinn á laugardaginn setur Fréttablaðið hér upp fjóra mögulega riðla sem eru miserfiðir og mis „skemmtilegir“ þó auðvitað verði alltaf gaman að fara í fyrsta sinn á stórmót. Við minnum á að allt er þetta til gamans gert.RiðlarnirErfiður Í erfiða riðlinum má finna þrjár af bestu þjóðum mótsins og lið sem verður mjög erfitt að eiga við. Í þessari útgáfu mætir Ísland heimsmeisturum, heitasta framherja heims og fornum erkifjendum.Leikmenn Þýskalands fagna marki.Vísir/GettyÞýskaland Heimsmeistararnir þóttu hiksta töluvert í undankeppninni. Það var þó ekki verra en það að Þýskaland vann D-riðilinn með 22 stigum og var þar á undan Pólverjum, Írum og Skotum. Við erum líka að tala um heimsmeistarana! Þýskaland hefur kannski ekki verið líkt sjálfu sér að undanförnu en það er lið sem þú vilt forðast að mæta á EM.Króatía Nú gætu einhverjir orðið reiðir því Króatar koma inn í mótið sem næstslakasta þjóðin í öðrum styrkleikaflokki. Það er samt bara alltaf erfitt að spila við Króatíu í íþróttum eins og strákarnir okkar fengu að kynnast í umspilinu fyrir HM 2014. Þetta er frábært lið sem hafnaði í öðru sæti síns riðils á eftir Ítalíu. Króatar eru með stútfullt lið af hæfileikum og reynslu í góðri blöndu.Pólland Strákarnir sáu með berum augum hversu gott pólska liðið er og er skrítið að hugsa til þess að það sé í þriðja styrkleikaflokki. Pólland hafnaði í öðru sæti á eftir Þýskalandi í undankeppninni en spennan í kringum liðið í heimalandinu er mikil. Það er með mikla hlaupagetu, sterka vörn og mikla sprengju fram á við.Cristiano Ronaldo og félagar verða í Frakklandi næsta sumar.Vísir/EPALéttur Augljóslega er enginn auðveldur riðill á EM og dettur engum í hug að Ísland geti talið nokkurn leik léttan. Sumir mótherjar eru þó auðveldari en aðrir og í þessum riðli gæti Ísland fengið nóg af stigum.Portúgal Portúgal er eins manns lið. Reyndar er þessi eini maður, Cristiano Ronaldo, alveg ævintýrlega góður. Það veit í raun enginn hvar portúgalska liðið stendur þessa dagana. Það vann sinn riðil í undankeppninni mjög auðveldlega en var nú ekki í þeim erfiðasta. Auðvelt er líka að hugsa til HM þar sem liðið hrundi út með stæl. En kannski er upprisan á leiðinni.Rússland Rússar skriðu inn á mótið í öðru sæti G-riðils undankeppninnar, tveimur stigum á undan Svíum sem voru ekki góðir. Rússneska liðið er í smá krísu. Það vantar stjörnur en er vissulega með fína liðsheild. Liðið spilar hægt og er varnarsinnað og er lið sem myndi henta okkar strákum alveg frábærlega.Ungverjaland Þetta er ein af fáum þjóðum á EM sem við megum einfaldlega kalla eftir sigri á. Ungverjar höfnuðu í þriðja sæti F-riðils með aðeins 16 stig og voru þar á undan Finnlandi. Þeir unnu svo Noreg í umspilinu sem telst ekki mikið afrek í fótboltanum í dag. Það verður mikil stemning í kringum ungverska liðið á HM en Ísland er betra fótboltalið. Svo einfalt er það.Gerard Pique er lykilmaður í spænsku vörninni.Vísir/GettyLeiðinlegur Þótt enginn riðill eða dvölin í Frakklandi verði yfir höfuð leiðinleg getur Ísland lent í riðli með þjóðum sem eru afskaplega góðar í fótbolta en bjóða upp á minni stjörnuljóma og færri sögur til að japla á.Spánn Það verður alltaf nóg að frétta af liðunum úr fyrsta styrkleikaflokki og hér erum við að tala um meistara síðustu tveggja Evrópumóta. Aftur á móti er spænska landsliðið þekkt fyrir að gefa lítið af sér og farnar eru úr liðinu stjörnur á borð við Xavi og Fernando Torres. Svo fengi íslenska liðið ekkert að vera með boltann og myndi tapa, 0-1.Austurríki Austurríki er eitt af liðunum sem gætu slegið í gegn í Frakklandi á sama tíma og stjörnuljóminn yfir því er ekki mikill. Austurríska liðið er hægt og sígandi orðið algjörlega frábært og stútaði G-riðli undankeppninnar með níu sigrum í tíu leikjum. Liðið spilar frábæran fótbolta með hraða og beinskeytta leikmenn á borð við Marko ArnautoviĆ hjá Stoke sem skoraði tvö á móti City um síðustu helgi.Tékkland Íslenska liðið mætti Tékklandi tvívegis í undankeppninni og þess vegna væri ekkert gaman að mæta því aftur. Eins og við fengum að kynnast er tékkneska liðið mjög gott enda vann það riðilinn okkar. Það vantar þó stjörnurnar í Tékkland sem er með frábæra liðsheild og frábæran þjálfara sem á eftir að fleyta því langt.Zlatan fagnar seinna marki sínu gegn Dönum í umspilinu.vísir/gettySkemmtilegur Skemmtilegi riðilinn er reyndar mjög erfiður líka en hann er fullur af sögum og fréttum sem myndu svala fótboltaþorsta landsmanna. Þar mætir Lars Lagerbäck samlöndum sínum.England Íslendingar vilja mæta enska liðinu og sjá strákana okkar berjast við stjörnurnar í ensku úrvalsdeildinni. Þetta hefur verið draumur okkar lengi og við eigum skilið að mæta Englandi. Svo gætum við líka alveg unnið.Ítalía Ítalska liðið er á mikilli uppleið eftir að hafa fallið úr leik í riðlakeppni HM 2014. Ítalir unnu sinn riðil í undankeppninni án þess að tapa leik og hafa náð vopnum sínum undir stjórn Antonio Conte. Það yrði frábært að mæta þessum fjórföldu heimsmeisturum og svo er alltaf smá möguleiki á að spila við Mario Balotelli.Svíþjóð Það færi allt á hliðina bæði á Íslandi og í Svíþjóð ef Lars Lagerbäck myndi mæta samlöndum sínum og sínum gömlu lærisveinum. Þvílíkur leikur fyrir báðar þjóðir og svo er auðvitað eins og einn Zlatan Ibrahimovic í liði Svíþjóðar. Maðurinn sem Lars rak heim úr keppnisferð eins og frægt er orðið. Leikirnir yrðu ekkert mikið skemmtilegri en þetta.
EM 2016 í Frakklandi Fótbolti Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Ísland aldrei ofar á heimslistanum Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn „Var kominn með hausverk á hliðarlínunni“ Fótbolti Hótuðu sjónvarpskonu og ófæddu barni hennar Sport Finnst mjög óréttlátt að bronsið sé tekið af henni Sport Kaupverðið klárt og Albert á leið í fjólublátt Fótbolti Íslenska fánanum flaggað í Flórens til að fagna komu Alberts Fótbolti Ólétt af Ólympíumeistara þegar hún stóð sjálf á verðlaunapallinum Sport Fleiri fréttir „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni Ótrúleg 34 skota vítakeppni í slag Íslendingaliða „Vorum ekki tilbúnar og það skrifast á þjálfarann“ Kaupverðið klárt og Albert á leið í fjólublátt Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Sjáðu mörkin sem komu Víkingi áfram og hvernig Aron slasaðist Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Sjá meira