Nýliðinn Felipe Nasr á Sauber varð fljótastur á þriðja degi æfinga. Mercedes bilaði og McLaren gat keyrt 32 hringi.
Kimi Raikkonen á Ferrari varð annar, tveimur tíundu úr sekúndu á eftir Nasr, sem ók 108 hringi en Raikkonen ók 92.
Nico Rosberg á Mercedes varð þriðji en áherslan hjá honum var að aka sem lengst en ekki sem hraðast. Hann komst 151 hring, þrátt fyrir bilun sem olli því að flytja þurfti bíl Þjóðverjans á þjónustusvæðið með flutningabíl.
McLaren bíllinn komst vel af stað í morgun en svo féll vatnsþrýstingur og þá var dagurinn búinn hjá Fernando Alonso. Hann komst 32 hringi og setti tíma sem var rúmum 14 sekúndum lakari en tími Nasr.
Pastor Maldonado ók vel á Lotus bíl sínum, hann var rétt tæpri sekúndu á eftir Nasr og fór 96 hringi sem er gríðarleg bæting fyrir Lotus liðið ef horft er til æfinganna fyrir tímabilið í fyrra.
Síðasti dagurinn fyrstu æfingalotunnar er á morgun. Líklega munum liðin halda áfram að finna út úr smáatriðum sem ekki virka og kannski fara í nánari loftflæðimælingar eins og nokkur lið gerðu í dag.
Felipe Nasr fljótastur, McLaren komst á skrið
Tengdar fréttir
Neale: Fyrri hluti tímabilsins verður erfiður
McLaren hefur sagt að mikil vinna sé fyrir hödum til að komast aftur í toppbaráttuna í Formúlu 1. Helsta forgangsatriðið núna sé að koma nýju Honda vélinni í keppnisform.
Ferrari fljótastir á fyrsta degi æfinga
Sebastian Vettel á Ferrari var fljótasti maður dagsins á fyrsta æfingadegi fyrir komandi keppnistímabil.
McLaren endurnýjar kynnin við Honda
Voru síðast með Honda vél fyrir 23 árum og verður nú eitt liða með Honda vél.
Bílkskúrinn: Stútfullur af nýjum bílum
Nýju bílarnir eru til skoðunar hér í Bílskúrnum, léttu hliðinni á Formúlu 1 hér á Vísi.
Svona líta nýju formúlu eitt bílarnir út | Myndir
Eftir langan vetur er loksins komið að því, nýjir Formúlu bílar hafa litið dagsins ljós. Það er alltaf forvitnilegt að sjá hvað hönnuðum liðanna dettur í hug og hver þróunin verður í framhaldinu.
Vatnsleki hjá Mercedes og Vettel aftur fljótastur
Sebastian Vettel á Ferrari var aftur fljótastur í Jerez á æfingum fyrir komandi tímabil í Formúlu 1. Vatnsleki stöðvaði Mercedes og McLaren átti annan erfiðan dag.
