Fleiri staðir á teikniborðinu

Bæjarins beztu pylsur hafa samið við Vífilfell til ársins 2020 um sölu drykkjarfanga frá fyrirtækinu.

Í tilkynningu frá fyrirtækinu vegna þessa segir að Bæjarins beztu séu nú á fimm stöðum en á teikniborðinu sé að opna fleiri staði.

Bæjarins beztu pylsur er eitt elsta fyrirtækið í miðborg Reykjavíkur og fagnar 78 ára afmæli í ár.

Fyrirtækið er sannkallað fjölskyldufyrirtæki því það hefur frá upphafi verið í eigu sömu fjölskyldunnar og hafa fjórir ættliðir pylsusala starfað þar.