Spretthlauparinn Hrafnhild Eir R. Hermóðsdóttir og langstökkvarinn Þorsteinn Ingvarsson fögnuðu bæði sigri í sínum greinum á Stórmóti ÍR um síðustu helgi og tryggðu sér einnig bæði þátttökurétt á Nordic Challenge sem fer fram í Bærum í Noregi 14. febrúar næstkomandi.
Þau toppuðu bæði á sama tíma því Hrafnhild var aðeins tveimur sekúndubrotum frá Íslandsmetinu í 60 metra hlaupi í sínu besta hlaupi á ferlinum og Þorsteinn bætti sinn besta árangur í langstökki á árinu með því að stökkva 7,33 metra.
Hrafnhild og Þorsteinn eru kærustupar og það var því örugglega mjög góð stemning á heimilinu eftir árangurinn um síðustu helgi.
„Það er gaman að geta verið í þessu saman en við náum yfirleitt ekki að fylgjast með hvort öðru þegar við erum að keppa því þá erum við sjálf að keppa,“ segir Hrafnhild. Þau æfa vanalega á sama tíma eftir að Þorsteinn kom yfir í ÍR fyrir stuttu.
Góð helgi fyrir kærustuparið
Tengdar fréttir
Kolbeinn Höður bætti tæplega sjö ára Íslandsmet
Kolbeinn Höður Gunnarsson úr UFA setti nýtt Íslandsmet í 200 metra hlaupi innanhúss á Stórmóti ÍR í gær.
Kolbeinn Höður með sitt annað Íslandsmet á Stórmóti ÍR
Kolbeinn Höður Gunnarsson úr UFA setti tvö Íslandsmet á Stórmóti ÍR um helgina en hann bætti metið í 400 metra hlaupi í dag eftir að hafa bætt metið í 200 metra hlaupi í gær.
Meðferðin á einstöku nafni Hrafnhild löngu hætt að pirra hana
Hrafnhild Eir R. Hermóðsdóttir hætti í handbolta þegar hún var sautján ára og skellti sér á sína fyrstu frjálsíþróttaæfingu. Um síðustu helgi var hún aðeins tveimur sekúndubrotum frá því að setja nýtt Íslandsmet í 60 metra hlaupi.
Hrafnhild Eir náði öðrum besta tíma íslenskrar konu frá upphafi
Hrafnhild Eir R Hermóðsdóttir, spretthlaupari úr ÍR, hefur byrjað innanhússtímabilið vel og bætti sig verulega í 60 metra hlaupi á Stórmóti ÍR í gær. Þetta kemur fram á heimasíðu FRÍ.
