Finnst gaman að baka Gunnþóra Gunnarsdóttir skrifar 24. febrúar 2015 09:45 Bogey Rún og Alexander hittast reglulega og byrja jafnan á að fara heim til Bogeyjar, borða Cheerios og spjalla. Vísir/Valli „Þegar ég var barn í Langholtsskóla var ég svolítið feimin. Þess vegna fékk ég mentor. Mentorinn minn var stelpa úr Menntaskólanum við Sund sem ég hitti alltaf einu sinni í viku í heilan vetur. Við fórum í keilu, sund, bíó og gerðum margt fleira skemmtilegt,“ segir Bogey Rún Beck Helgadóttir, nemandi í Kvennaskólanum í Reykjavík. Hún segir þessar stundir með menntaskólastúlkunni hafa gefið sér mikið. „Mér fannst gaman að geta sagt hinum krökkunum frá einhverju sem ég hafði upplifað utan skólans og tel að þetta prógramm hafi hjálpað mér.“ Bogey segir annan nemanda úr sama bekk hafa líka haft mentor þennan vetur. „Við vorum oft saman því mentorarnir okkar voru vinkonur,“ rifjar hún upp. Nú er Bogey í leiðbeinandahlutverkinu. Frá því í október í haust hefur hún verið mentor og hitt Alexander Khandong, nemanda í Álfhólsskóla í Kópavogi, vikulega. Hann er átta ára og á foreldra frá Taílandi. „Það er misjafnt hvernig fólk vill hafa fyrirkomulagið á hittingunum en mér finnst ágætt að hafa mentordag, alltaf sama vikudaginn, og gera þá ráð fyrir þessari samveru. Við höfum þetta þannig að ég sæki Alexander í skólann og skutla honum heim á eftir af því að ég er á bíl. Ég reyni alltaf að vera komin með hugmyndir að einhverju til að gera en spyr hann alltaf líka hvort það sé eitthvað sérstakt sem hann langi að gera. Það er fastur liður hjá okkur að fara beint heim til mín og borða Cheerios. Það er mikilvægur dagskrárliður. Við spjöllum mikið saman, Alexander er rosalegur spjallari. Oft förum við eitthvað út á eftir en höfum líka bakað mikið saman heima hjá mér. Honum finnst rosa gaman að baka. Við höfum líka farið í bíó og á bingó og horft á sjónvarp og vídeó.“ Bogey veit um fleiri nemendur Kvennaskólans sem hafa valið að vera mentorar þetta árið og sinna krökkum á aldrinum sjö til níu ára á svipaðan hátt og hún. En veit hún hvernig valið er í yngri hópinn? „Ég held að krakkar sem eru af erlendum uppruna, eða nýfluttir í hverfið og þekkja ekki marga, hafi forgang,“ svarar hún og vonar að þeir sem taka þátt í mentorverkefninu á þessum vetri eigi eftir að hittast. Markmið og hugmyndafræði Vinátta er samfélagsverkefni þar sem lögð er áhersla á gagnkvæman ávinning með því að börn og ungmenni læri af aðstæðum hvors annars. Það byggir á þeirri hugmyndafræði að samskiptin séu jákvætt innlegg í líf barnsins því mentorinn verður barninu fyrirmynd og bætir möguleika þess við mótun sjálfsmyndar. Börnin eiga að … kynnast nýjum hugmyndum, aðstæðum og öðlast nýja þekkingu og reynslu. styrkja sjálfsmynd sína og auka félagsfærni. kynnast nýjum aðstæðum til skemmtunar. kynnast möguleikum til náms. Mentorarnir eiga að … þroska félagslega færni og samskiptahæfni. eiga uppbyggileg samskipti við börn og forráðamenn þeirra. laga sig að margbreytilegum aðstæðum. vinna að velferð barna og öðlast víðtæka reynslu í samskiptum við börn. heimild: vinatta.is Mest lesið Fékk unnustu í afmælisgjöf Lífið Dásamlegt að koma heim með barnið sem hún þráði svo lengi Lífið Glæsihús umvafið ósnortnu hrauni Lífið Dreymir um að eiga Range Rover Lífið „Verst þegar stelpur sem ég þekki ekkert grípa í brjóstin á mér“ Lífið Eins og þruma úr heiðskíru lofti Lífið Andinn á tökustað í Glæstum vonum: „Spurði fyrst hvort ég gæti verið vondur tvífari“ Lífið Ég hætti að lifa bara af - og fór að LIFA, að vera þátttakandi í lífinu Lífið samstarf „Tilveran breyttist að eilífu til hins betra“ Lífið Frumsýning á Vísi: Stikla úr sýningunni Óskaland Lífið Fleiri fréttir Glæsihús umvafið ósnortnu hrauni Frumsýning á Vísi: Stikla úr sýningunni Óskaland Teknó baróninn á Radar á laugardag Fékk unnustu í afmælisgjöf Andinn á tökustað í Glæstum vonum: „Spurði fyrst hvort ég gæti verið vondur tvífari“ Dásamlegt að koma heim með barnið sem hún þráði svo lengi Dreymir um að eiga Range Rover Spilar á flygil innan um risatrukka: „Spurning um líf og dauða fyrir klassíska tónlist“ GameTíví: Óli heimsækir Silent Hill Hlátrarsköll á svartri kómedíu Yung Filly ákærður fyrir nauðgun og líkamsárás Mikil stemning á lokahófi RIFF Patrik í Flórída: „Það er í lagi með mig“ Aldís og Kolbeinn keyptu í Kópavogi Forsetahjónin létu sig ekki vanta og eltu veðrið Fæðing sonar Birgittu Lífar í LXS „Tilveran breyttist að eilífu til hins betra“ „Ákvað því að taka þetta í eigin hendur og grenjaði út tíma og pláss“ Edda Sif og Vilhjálmur eignuðust dreng Patrik sýnir frá lífinu í Flórída á meðan stormurinn gengur yfir „Verst þegar stelpur sem ég þekki ekkert grípa í brjóstin á mér“ Í vandræðum í Bláa lóninu Tólf hundruð fylgdust með tendrun friðarsúlunnar Halla í rándýrum kjól með Maríu og Friðriki Geitin er risin fyrr en nokkru sinni Sturlað augnablik þegar afmælisbarnið endaði uppi á borði Fyrsta sms sögunnar kom keppendum á óvart Geymdi lík sonar síns í tvo mánuði Vörpuðu sprengju á arkitektana á Ítalíu Arnar og Sara Björk eiga von á sínu öðru barni Sjá meira
„Þegar ég var barn í Langholtsskóla var ég svolítið feimin. Þess vegna fékk ég mentor. Mentorinn minn var stelpa úr Menntaskólanum við Sund sem ég hitti alltaf einu sinni í viku í heilan vetur. Við fórum í keilu, sund, bíó og gerðum margt fleira skemmtilegt,“ segir Bogey Rún Beck Helgadóttir, nemandi í Kvennaskólanum í Reykjavík. Hún segir þessar stundir með menntaskólastúlkunni hafa gefið sér mikið. „Mér fannst gaman að geta sagt hinum krökkunum frá einhverju sem ég hafði upplifað utan skólans og tel að þetta prógramm hafi hjálpað mér.“ Bogey segir annan nemanda úr sama bekk hafa líka haft mentor þennan vetur. „Við vorum oft saman því mentorarnir okkar voru vinkonur,“ rifjar hún upp. Nú er Bogey í leiðbeinandahlutverkinu. Frá því í október í haust hefur hún verið mentor og hitt Alexander Khandong, nemanda í Álfhólsskóla í Kópavogi, vikulega. Hann er átta ára og á foreldra frá Taílandi. „Það er misjafnt hvernig fólk vill hafa fyrirkomulagið á hittingunum en mér finnst ágætt að hafa mentordag, alltaf sama vikudaginn, og gera þá ráð fyrir þessari samveru. Við höfum þetta þannig að ég sæki Alexander í skólann og skutla honum heim á eftir af því að ég er á bíl. Ég reyni alltaf að vera komin með hugmyndir að einhverju til að gera en spyr hann alltaf líka hvort það sé eitthvað sérstakt sem hann langi að gera. Það er fastur liður hjá okkur að fara beint heim til mín og borða Cheerios. Það er mikilvægur dagskrárliður. Við spjöllum mikið saman, Alexander er rosalegur spjallari. Oft förum við eitthvað út á eftir en höfum líka bakað mikið saman heima hjá mér. Honum finnst rosa gaman að baka. Við höfum líka farið í bíó og á bingó og horft á sjónvarp og vídeó.“ Bogey veit um fleiri nemendur Kvennaskólans sem hafa valið að vera mentorar þetta árið og sinna krökkum á aldrinum sjö til níu ára á svipaðan hátt og hún. En veit hún hvernig valið er í yngri hópinn? „Ég held að krakkar sem eru af erlendum uppruna, eða nýfluttir í hverfið og þekkja ekki marga, hafi forgang,“ svarar hún og vonar að þeir sem taka þátt í mentorverkefninu á þessum vetri eigi eftir að hittast. Markmið og hugmyndafræði Vinátta er samfélagsverkefni þar sem lögð er áhersla á gagnkvæman ávinning með því að börn og ungmenni læri af aðstæðum hvors annars. Það byggir á þeirri hugmyndafræði að samskiptin séu jákvætt innlegg í líf barnsins því mentorinn verður barninu fyrirmynd og bætir möguleika þess við mótun sjálfsmyndar. Börnin eiga að … kynnast nýjum hugmyndum, aðstæðum og öðlast nýja þekkingu og reynslu. styrkja sjálfsmynd sína og auka félagsfærni. kynnast nýjum aðstæðum til skemmtunar. kynnast möguleikum til náms. Mentorarnir eiga að … þroska félagslega færni og samskiptahæfni. eiga uppbyggileg samskipti við börn og forráðamenn þeirra. laga sig að margbreytilegum aðstæðum. vinna að velferð barna og öðlast víðtæka reynslu í samskiptum við börn. heimild: vinatta.is
Mest lesið Fékk unnustu í afmælisgjöf Lífið Dásamlegt að koma heim með barnið sem hún þráði svo lengi Lífið Glæsihús umvafið ósnortnu hrauni Lífið Dreymir um að eiga Range Rover Lífið „Verst þegar stelpur sem ég þekki ekkert grípa í brjóstin á mér“ Lífið Eins og þruma úr heiðskíru lofti Lífið Andinn á tökustað í Glæstum vonum: „Spurði fyrst hvort ég gæti verið vondur tvífari“ Lífið Ég hætti að lifa bara af - og fór að LIFA, að vera þátttakandi í lífinu Lífið samstarf „Tilveran breyttist að eilífu til hins betra“ Lífið Frumsýning á Vísi: Stikla úr sýningunni Óskaland Lífið Fleiri fréttir Glæsihús umvafið ósnortnu hrauni Frumsýning á Vísi: Stikla úr sýningunni Óskaland Teknó baróninn á Radar á laugardag Fékk unnustu í afmælisgjöf Andinn á tökustað í Glæstum vonum: „Spurði fyrst hvort ég gæti verið vondur tvífari“ Dásamlegt að koma heim með barnið sem hún þráði svo lengi Dreymir um að eiga Range Rover Spilar á flygil innan um risatrukka: „Spurning um líf og dauða fyrir klassíska tónlist“ GameTíví: Óli heimsækir Silent Hill Hlátrarsköll á svartri kómedíu Yung Filly ákærður fyrir nauðgun og líkamsárás Mikil stemning á lokahófi RIFF Patrik í Flórída: „Það er í lagi með mig“ Aldís og Kolbeinn keyptu í Kópavogi Forsetahjónin létu sig ekki vanta og eltu veðrið Fæðing sonar Birgittu Lífar í LXS „Tilveran breyttist að eilífu til hins betra“ „Ákvað því að taka þetta í eigin hendur og grenjaði út tíma og pláss“ Edda Sif og Vilhjálmur eignuðust dreng Patrik sýnir frá lífinu í Flórída á meðan stormurinn gengur yfir „Verst þegar stelpur sem ég þekki ekkert grípa í brjóstin á mér“ Í vandræðum í Bláa lóninu Tólf hundruð fylgdust með tendrun friðarsúlunnar Halla í rándýrum kjól með Maríu og Friðriki Geitin er risin fyrr en nokkru sinni Sturlað augnablik þegar afmælisbarnið endaði uppi á borði Fyrsta sms sögunnar kom keppendum á óvart Geymdi lík sonar síns í tvo mánuði Vörpuðu sprengju á arkitektana á Ítalíu Arnar og Sara Björk eiga von á sínu öðru barni Sjá meira