Ricky Martin og Simon Cowell stofna strákaband

Latínókóngurinn og söngvarinn Ricky Martin, hefur gengið til liðs við Simon Cowell og í sameiningu ætla þeir félagarnir að finna nýtt latínóstrákaband í hæfileikasjónvarpsþáttunum La Banda.

Martin sagðist í samtali við Access Hollywood vera einstaklega spenntur fyrir þessu verkefni, en reikna má með að ekkert verði til sparað í þáttunum og sigurvegaranum eigi eftir að vegna vel, en síðasta strákaband sem Cowell stofnaði, One Direction, er stærsta og vinsælasta strákaband heims.