Mennirnir sem réðust á Malölu í lífstíðarfangelsi Stefán Rafn Sigurbjörnsson skrifar 1. maí 2015 12:00 Malala hefur barist fyrir menntun kvenna í Pakistan. Vísir/AFP Hryðjuverkadómstóll í Swat-héraðinu í Pakistan hefur dæmt tíu menn í lífstíðarfangelsi sem eru grunaðir um að eiga aðild að árásinni á Malölu Yousafzai. Árið 2012 varð Malala fyrir fólskulegri árás af hálfu talibana. Hún var fimmtán ára þegar nokkrir liðsmenn hreyfingarinnar réðust inn í skólarútu hennar í Swat-héraðinu og skutu hana í höfuðið. Tveir skólafélagar hennar særðust einnig í árásinni. Hún lifði árásina af eftir að hafa fengið aðhlynningu á sjúkrahúsi í Birmingham í Bretlandi. Meintur höfuðpaur árásarinnar, Ataullah Khan, sem lögreglumenn náðu að bera kennsl á þegar á árásinni stóð, var ekki á meðal mannanna tíu sem voru dæmdir. Þá herma heimildir Reuters að þeir sem hleyptu af byssunum hafi heldur ekki verið á meðal dæmdra. Dómshaldið fór fram fyrir luktum dyrum og smáatriði á bak við kærurnar liggja ekki fyrir. Malala og fjölskylda hennar hafa þótt þyrnir í augum talibanahreyfingarinnar eftir að hún kom fram í sjónvarpsviðtölum sem nafnlaus pistlahöfundur á vefsíðu BBC. Í pistlum sínum hafði hún skrifað um hvernig lífið væri undir ógnarstjórn talibana í Swat-dalnum. Hún gerðist ötul baráttukona fyrir menntun kvenna en fjölskylda hennar rak keðju af skólum í dalnum. Talibanahreyfingin réð lögum og lofum í dalnum frá 2007 til 2009 þar til pakistanski stjórnarherinn kom þeim frá völdum. Eftir að talibanar misstu tökin hófu þeir árásir á stúlknaskóla og stúlkur sem sóttu menntun.Malala við afhendingu Shakarov-verðlaunanna á Evrópuþinginu.Vísir/AFPYfirvöld í Pakistan telja að á þeim tíma hafi Mullah Fazlullah, leiðtogi talibana, fyrirskipað árás á Malölu þar sem hún var orðin helsta talskona menntunar kvenna í Pakistan. Malala býr nú með fjölskyldu sinni í Birmingham, en þau geta ekki snúið aftur til Pakistan vegna morðhótana talibana. Hún hefur unnið að því að breiða út sama boðskap og hún hóf fyrir árásina, um aðgang allra að menntun. Á sextánda afmælisdaginn sinn, 12. júlí 2013, ávarpaði hún allsherjarþing Sameinuðu þjóðanna. Dagurinn var tileinkaður henni og kallaður Malala-dagurinn. „Malala-dagurinn er ekki minn dagur,“ sagði hún í ávarpinu. „Dagurinn í dag er dagur allra kvenna, drengja og stúlkna sem hafa staðið upp fyrir réttindum sínum,“ sagði hún. „Hryðjuverkamennirnir héldu að þeir væru að stöðva markmið mín og metnað,“ sagði hún enn fremur. „Ekkert breyttist í lífi mínu nema að veikleiki, ótti og vonleysi dó. Styrkur, orka og hugrekki fæddist.“ Ósk hennar er að börn þeirra sem réðust á hana muni einn daginn hljóta tækifæri til að mennta sig. Ári síðar var hún yngsta manneskjan til að hljóta friðarverðlaun Nóbels. Hún hlaut verðlaunin ásamt Kailash Satyarthi, indverskum baráttumanni fyrir réttindum barna. Í apríl á þessu ári ákvað geimferðastofnun Bandaríkjanna, NASA, að nefna nýuppgötvað smástirni eftir henni. Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Sendi Dönum tóninn Erlent Mátti binda barn á höndum og fótum og kitla það Innlent Prestur sakar oddvita um ólýðræðislega hallarbyltingu í veiðifélagi Innlent Hætta við uppbygginguna vegna „neikvæðrar umræðu“ Innlent Stoppaður af vegfaranda sem spurði: „Hvað er þetta?“ Innlent „Þetta er risastór áfangi og gleðitíðindi fyrir Kópavogsbæ“ Innlent Rannsaka dráp á sjúkraliðum en neita að þeir hafi verið teknir af lífi Erlent SFS hafi skrópað á fund ráðuneytisins Innlent Fleiri fréttir Russell Brand ákærður fyrir nauðganir og kynferðisbrot Sendi Dönum tóninn Saka Pútín um að draga lappirnar Rannsaka dráp á sjúkraliðum en neita að þeir hafi verið teknir af lífi Forseti Suður-Kóreu leystur frá embætti Rannsaka góðgerðarsamtök sem Harrý stofnaði Grunaður um að verða mæðgum að bana Tóku mið af viðskiptahalla en ekki tollum „Kokkurinn“ í Bandidos látinn Draga sig úr Alþjóðasakamáladómstólnum fyrir heimsókn Netanjahú Kvarta sáran yfir vopnakaupum Evrópu Flugmaðurinn sem týndi herþotu tjáir sig Fjölga flugmóðurskipum og herþotum í Mið-Austurlöndum Skoða kostnaðinn við yfirtöku Grænlands Loka síðasta kolaorkuveri Finnlands Demókratar unnu dýrustu dómarakosningar Bandaríkjanna Tuttugu og þrjár konur stíga fram og fórnarlömb raðnauðgara talin á sjöunda tug Talaði í 25 tíma og sló Bandaríkjamet Lýsa yfir vikulangri þjóðarsorg Regnbogafánar bannaðir í skólum og ríkisstofnunum Færri ánægðir með Trump og efnahagsmálin Sakar Rússa um tugi þúsunda stríðsglæpa „Ekki að grínast“ um þriðja kjörtímabilið Einn sagður hafa drepið hina tvo Hafa enn ekki náð utan um skaðann í Mjanmar ESB sagt íhuga að útvatna loftslagsmarkmið sín Morð í Svíþjóð ekki eins fá í áratug Le Pen sakfelld fyrir fjársvik og bannað að bjóða sig fram til forseta Fordæma árás á sjúkraliða Þrír fundust látnir í Noregi Sjá meira
Hryðjuverkadómstóll í Swat-héraðinu í Pakistan hefur dæmt tíu menn í lífstíðarfangelsi sem eru grunaðir um að eiga aðild að árásinni á Malölu Yousafzai. Árið 2012 varð Malala fyrir fólskulegri árás af hálfu talibana. Hún var fimmtán ára þegar nokkrir liðsmenn hreyfingarinnar réðust inn í skólarútu hennar í Swat-héraðinu og skutu hana í höfuðið. Tveir skólafélagar hennar særðust einnig í árásinni. Hún lifði árásina af eftir að hafa fengið aðhlynningu á sjúkrahúsi í Birmingham í Bretlandi. Meintur höfuðpaur árásarinnar, Ataullah Khan, sem lögreglumenn náðu að bera kennsl á þegar á árásinni stóð, var ekki á meðal mannanna tíu sem voru dæmdir. Þá herma heimildir Reuters að þeir sem hleyptu af byssunum hafi heldur ekki verið á meðal dæmdra. Dómshaldið fór fram fyrir luktum dyrum og smáatriði á bak við kærurnar liggja ekki fyrir. Malala og fjölskylda hennar hafa þótt þyrnir í augum talibanahreyfingarinnar eftir að hún kom fram í sjónvarpsviðtölum sem nafnlaus pistlahöfundur á vefsíðu BBC. Í pistlum sínum hafði hún skrifað um hvernig lífið væri undir ógnarstjórn talibana í Swat-dalnum. Hún gerðist ötul baráttukona fyrir menntun kvenna en fjölskylda hennar rak keðju af skólum í dalnum. Talibanahreyfingin réð lögum og lofum í dalnum frá 2007 til 2009 þar til pakistanski stjórnarherinn kom þeim frá völdum. Eftir að talibanar misstu tökin hófu þeir árásir á stúlknaskóla og stúlkur sem sóttu menntun.Malala við afhendingu Shakarov-verðlaunanna á Evrópuþinginu.Vísir/AFPYfirvöld í Pakistan telja að á þeim tíma hafi Mullah Fazlullah, leiðtogi talibana, fyrirskipað árás á Malölu þar sem hún var orðin helsta talskona menntunar kvenna í Pakistan. Malala býr nú með fjölskyldu sinni í Birmingham, en þau geta ekki snúið aftur til Pakistan vegna morðhótana talibana. Hún hefur unnið að því að breiða út sama boðskap og hún hóf fyrir árásina, um aðgang allra að menntun. Á sextánda afmælisdaginn sinn, 12. júlí 2013, ávarpaði hún allsherjarþing Sameinuðu þjóðanna. Dagurinn var tileinkaður henni og kallaður Malala-dagurinn. „Malala-dagurinn er ekki minn dagur,“ sagði hún í ávarpinu. „Dagurinn í dag er dagur allra kvenna, drengja og stúlkna sem hafa staðið upp fyrir réttindum sínum,“ sagði hún. „Hryðjuverkamennirnir héldu að þeir væru að stöðva markmið mín og metnað,“ sagði hún enn fremur. „Ekkert breyttist í lífi mínu nema að veikleiki, ótti og vonleysi dó. Styrkur, orka og hugrekki fæddist.“ Ósk hennar er að börn þeirra sem réðust á hana muni einn daginn hljóta tækifæri til að mennta sig. Ári síðar var hún yngsta manneskjan til að hljóta friðarverðlaun Nóbels. Hún hlaut verðlaunin ásamt Kailash Satyarthi, indverskum baráttumanni fyrir réttindum barna. Í apríl á þessu ári ákvað geimferðastofnun Bandaríkjanna, NASA, að nefna nýuppgötvað smástirni eftir henni.
Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Sendi Dönum tóninn Erlent Mátti binda barn á höndum og fótum og kitla það Innlent Prestur sakar oddvita um ólýðræðislega hallarbyltingu í veiðifélagi Innlent Hætta við uppbygginguna vegna „neikvæðrar umræðu“ Innlent Stoppaður af vegfaranda sem spurði: „Hvað er þetta?“ Innlent „Þetta er risastór áfangi og gleðitíðindi fyrir Kópavogsbæ“ Innlent Rannsaka dráp á sjúkraliðum en neita að þeir hafi verið teknir af lífi Erlent SFS hafi skrópað á fund ráðuneytisins Innlent Fleiri fréttir Russell Brand ákærður fyrir nauðganir og kynferðisbrot Sendi Dönum tóninn Saka Pútín um að draga lappirnar Rannsaka dráp á sjúkraliðum en neita að þeir hafi verið teknir af lífi Forseti Suður-Kóreu leystur frá embætti Rannsaka góðgerðarsamtök sem Harrý stofnaði Grunaður um að verða mæðgum að bana Tóku mið af viðskiptahalla en ekki tollum „Kokkurinn“ í Bandidos látinn Draga sig úr Alþjóðasakamáladómstólnum fyrir heimsókn Netanjahú Kvarta sáran yfir vopnakaupum Evrópu Flugmaðurinn sem týndi herþotu tjáir sig Fjölga flugmóðurskipum og herþotum í Mið-Austurlöndum Skoða kostnaðinn við yfirtöku Grænlands Loka síðasta kolaorkuveri Finnlands Demókratar unnu dýrustu dómarakosningar Bandaríkjanna Tuttugu og þrjár konur stíga fram og fórnarlömb raðnauðgara talin á sjöunda tug Talaði í 25 tíma og sló Bandaríkjamet Lýsa yfir vikulangri þjóðarsorg Regnbogafánar bannaðir í skólum og ríkisstofnunum Færri ánægðir með Trump og efnahagsmálin Sakar Rússa um tugi þúsunda stríðsglæpa „Ekki að grínast“ um þriðja kjörtímabilið Einn sagður hafa drepið hina tvo Hafa enn ekki náð utan um skaðann í Mjanmar ESB sagt íhuga að útvatna loftslagsmarkmið sín Morð í Svíþjóð ekki eins fá í áratug Le Pen sakfelld fyrir fjársvik og bannað að bjóða sig fram til forseta Fordæma árás á sjúkraliða Þrír fundust látnir í Noregi Sjá meira