Óborganlegt myndband: Hvolpur og refur mestu mátar og veltast um í gannislag allan daginn Nanna Elísa Jakobsdóttir skrifar 22. júlí 2015 20:46 Stella og Níels hanga saman allan daginn og leika sér þess á milli í gannislag. Mynd/Kristinn Þór Jónasson „Um leið og Stella fer út á morgnana þá fer hún beinustu leið að kíkja eftir rebba. Ekkert að hafa fyrir því að pissa fyrst, vill bara finna vin sinn,“ segir Berglind Ingvarsdóttir, eigandi Ferðaþjónustunnar Mjóeyri á Eskifirði en á Mjóeyri hefur myndast ólíkleg en sterk vinátta milli hvolps og yrðlings. Berglind rekur ferðaþjónustuna ásamt manni sínum Sævari Guðjónssyni sem hefur birt óborganlegt myndband af yrðlingnum og hvolpnum í gannislag. Eins og sjá má eru vinirnir mikið fyrir að veltast um í grasinu.Mynd/Kristinn Þór Jónasson„Þetta er yrðlingur sem var á greni sem var unnið,“ útskýrir Berglind, en það merkir að tófa sem hefur gotið er skotin og yrðlingunum er náð út. „Grenaskyttan kom með yrðlinginn til okkar og hann hefur verið hjá okkur síðan í júní.“ Yrðlingurinn var í upphafi nefnd Lóa tófa en síðar kom í ljós að tófan er í raun refur og þá var nafninu breytt í Níels. „Þetta var smá misskilingur,“ segir Berglind og hlær. „Hann var svo lítill að það var erfitt að sjá hvort hann væri.“ Skemmtilegt er að segja frá því að á bænum búa einnig tveir yrðlingar sem ganga undir nöfnunum Anna og Tommi, það vantar því aðeins eina Línu Langsokk og einn Litlakall til þess að allir vinirnir fimm úr sögum Astridar Lindgren búi á Mjóeyri. Stella og Níels eru mestu mátar í dag en það var þó ekki alltaf þannig. Í fyrstu greindi Berglind afbrýðisemi hjá Stellu sem er tveggja ára. „Það var alveg þannig til að byrja með þegar hún var að átta sig á þessu litla kvikindi sem var komið til okkar. Svo eru þau bara hinir mestu mátar. Þau eru að veltast um allan daginn.“ Berglind segir það hins vegar skýrt að Stella ráði en ekki litli refurinn. „Ef rebbi er farinn að verða of grófur í sínum leik þá sýnir Stella alveg hver ræður. Svo er það bara búið og þau halda áfram að leika.“ Berglind er enginn nýgræðingur í að hugsa um yrðlinga en þetta er í fjórða skiptið sem hún og maður hennar taka að sér yrðling. „Mynstrið er þannig að þetta eru náttúrulega grenadýr og þau eiga það til að hausti þegar þau fara að verða kynþroska og sjálfbjarga að fara úr greninu og finna sér nýja staði. Í september fara þeir að fara einn dag í einu og athuga umhverfið og svo einn daginn hverfa þeir alveg.“ Níels lifir frjáls á landareign Mjóeyrar og hefur búið sér til greni undir sumarbústöðum sem ferðaþjónustan á og leigir út. „Svo gefum við honum alltaf tvisvar til þrisvar á dag.“ Níels fékk í fyrstu rjóma en í dag borðar hann allskyns fæði – sér í lagi vítamínbættan hundamat. Hér að neðan má sjá myndband af Stellu og Níels í leik.Allir úti að leika í góða veðrinu. Lóa tofa og StellaPosted by Sævar Guðjónsson on Tuesday, June 23, 2015 Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Þreyttur á stefnumótaöppum: „Hvernig fer ég að því að kynnast fólki?“ Gullmoli í Giljalandi Hafi enn verið hreinn sveinn Logi Geirs og Ólafur Ragnar léttir í London Ragnhildur og Hanna Katrín kveðja Búseta Tíu ár af ást: „Sennilega ekki auðvelt með mér“ Harry og Meghan séu ekki að skilja Galið að fræðsla um snípinn sé af skornum skammti Móðir Whitney Houston látin Stofnar eigin útgáfu og byrjar í ruslinu Skilnaður handan við hornið hjá Kanye og Biöncu Vann til verðlauna fyrir götubitann Bergrún Íris og Kolbrún keyptu í Hafnarfirði Fylgst með tímaskeiði í lífi konu sem greinist með krabbamein Gátu ekki talað saman fyrir syngjandi þjónum „Fólk í kringum þessa einstaklinga er á nálum“ Fanney Dóra og Aron gáfu syninum nafn Náði að sættast við bróður sinn fyrir andlátið Stjörnulífið: Skvísustælar við bakkann og áminning um óöryggi Eins og þruma úr heiðskíru lofti Sláturgerð, Sherry og súkkulaði á Hellu Myndaveisla: Eliza Reid og Ásdís Spanó létu sig ekki vanta í Núllið Covidsmitaður Al Pacino var nær dauða en lífi Dolly gefur 135 milljónir vegna Helenu Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Sjá meira
„Um leið og Stella fer út á morgnana þá fer hún beinustu leið að kíkja eftir rebba. Ekkert að hafa fyrir því að pissa fyrst, vill bara finna vin sinn,“ segir Berglind Ingvarsdóttir, eigandi Ferðaþjónustunnar Mjóeyri á Eskifirði en á Mjóeyri hefur myndast ólíkleg en sterk vinátta milli hvolps og yrðlings. Berglind rekur ferðaþjónustuna ásamt manni sínum Sævari Guðjónssyni sem hefur birt óborganlegt myndband af yrðlingnum og hvolpnum í gannislag. Eins og sjá má eru vinirnir mikið fyrir að veltast um í grasinu.Mynd/Kristinn Þór Jónasson„Þetta er yrðlingur sem var á greni sem var unnið,“ útskýrir Berglind, en það merkir að tófa sem hefur gotið er skotin og yrðlingunum er náð út. „Grenaskyttan kom með yrðlinginn til okkar og hann hefur verið hjá okkur síðan í júní.“ Yrðlingurinn var í upphafi nefnd Lóa tófa en síðar kom í ljós að tófan er í raun refur og þá var nafninu breytt í Níels. „Þetta var smá misskilingur,“ segir Berglind og hlær. „Hann var svo lítill að það var erfitt að sjá hvort hann væri.“ Skemmtilegt er að segja frá því að á bænum búa einnig tveir yrðlingar sem ganga undir nöfnunum Anna og Tommi, það vantar því aðeins eina Línu Langsokk og einn Litlakall til þess að allir vinirnir fimm úr sögum Astridar Lindgren búi á Mjóeyri. Stella og Níels eru mestu mátar í dag en það var þó ekki alltaf þannig. Í fyrstu greindi Berglind afbrýðisemi hjá Stellu sem er tveggja ára. „Það var alveg þannig til að byrja með þegar hún var að átta sig á þessu litla kvikindi sem var komið til okkar. Svo eru þau bara hinir mestu mátar. Þau eru að veltast um allan daginn.“ Berglind segir það hins vegar skýrt að Stella ráði en ekki litli refurinn. „Ef rebbi er farinn að verða of grófur í sínum leik þá sýnir Stella alveg hver ræður. Svo er það bara búið og þau halda áfram að leika.“ Berglind er enginn nýgræðingur í að hugsa um yrðlinga en þetta er í fjórða skiptið sem hún og maður hennar taka að sér yrðling. „Mynstrið er þannig að þetta eru náttúrulega grenadýr og þau eiga það til að hausti þegar þau fara að verða kynþroska og sjálfbjarga að fara úr greninu og finna sér nýja staði. Í september fara þeir að fara einn dag í einu og athuga umhverfið og svo einn daginn hverfa þeir alveg.“ Níels lifir frjáls á landareign Mjóeyrar og hefur búið sér til greni undir sumarbústöðum sem ferðaþjónustan á og leigir út. „Svo gefum við honum alltaf tvisvar til þrisvar á dag.“ Níels fékk í fyrstu rjóma en í dag borðar hann allskyns fæði – sér í lagi vítamínbættan hundamat. Hér að neðan má sjá myndband af Stellu og Níels í leik.Allir úti að leika í góða veðrinu. Lóa tofa og StellaPosted by Sævar Guðjónsson on Tuesday, June 23, 2015
Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Þreyttur á stefnumótaöppum: „Hvernig fer ég að því að kynnast fólki?“ Gullmoli í Giljalandi Hafi enn verið hreinn sveinn Logi Geirs og Ólafur Ragnar léttir í London Ragnhildur og Hanna Katrín kveðja Búseta Tíu ár af ást: „Sennilega ekki auðvelt með mér“ Harry og Meghan séu ekki að skilja Galið að fræðsla um snípinn sé af skornum skammti Móðir Whitney Houston látin Stofnar eigin útgáfu og byrjar í ruslinu Skilnaður handan við hornið hjá Kanye og Biöncu Vann til verðlauna fyrir götubitann Bergrún Íris og Kolbrún keyptu í Hafnarfirði Fylgst með tímaskeiði í lífi konu sem greinist með krabbamein Gátu ekki talað saman fyrir syngjandi þjónum „Fólk í kringum þessa einstaklinga er á nálum“ Fanney Dóra og Aron gáfu syninum nafn Náði að sættast við bróður sinn fyrir andlátið Stjörnulífið: Skvísustælar við bakkann og áminning um óöryggi Eins og þruma úr heiðskíru lofti Sláturgerð, Sherry og súkkulaði á Hellu Myndaveisla: Eliza Reid og Ásdís Spanó létu sig ekki vanta í Núllið Covidsmitaður Al Pacino var nær dauða en lífi Dolly gefur 135 milljónir vegna Helenu Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Sjá meira