Met verður slegið á næsta tímabili í Formúlu 1. 21 kappakstur verður ef áætlanir FIA, alþjóða akstursíþróttasambandsins ganga eftir.
Einungis tvær æfingalotur verða fyrir næsta tímabil í Formúlu 1. Báðar verða í Barselóna og engar yfir tímabilið líkt og nú tíðkast.
Talsverðar tilfærslur verða á keppnum á næsta ári. Þó hefst tímabilið að vanda í Ástralíu, sú keppni verður 3. apríl. Tímabilinu lýkur í Abú Dabí þann 27. nóvember.
Sjö pör af keppnum verða með einungis viku millibili, það eru: Ástralía og Kína, Barein og Rússland, Bretland og Austurríki, Þýskaland og Ungverjaland, Belgía og Ítalía, Singapúr og Malasía og að lokum Bandaríkin og Mexíkó.
Engin nánari staðsetning er komin á þýska kappaksturinn sem féll einmitt niður í ár.
Ný keppni er á keppnisdagatalinu, Bakú í Aserbaídsjan. Hún mun fara fram 17. júlí.
Keppnisdagatal 2016:
3. apríl - Ástralía
10. apríl - Kína
24. apríl - Barein
1. maí - Rússland
15. maí - Spánn
29. maí - Mónakó
12. júní - Kanada
26. júní - Bretland
3. júlí - Austurríki
17. júlí - Evrópa (Asebaídsjan)
31. júlí - Þýskaland
7. ágúst - Ungverjaland
28. ágúst - Belgía
4. september - Ítalía
18. september - Singapúr
25. september - Malasía
9. október - Japan
23. október - Bandaríkin
30. október - Mexíkó
13. nóvember - Brasilía
27. nóvember - Abú Dabí
21 kappakstur á næsta ári
Tengdar fréttir
Gervi þjónustuhlé eru refsiverð
FIA, Alþjóða akstursíþróttasambandið hefur varað Formúlu 1 lið við því að refsingum verði beitt ætli lið að þykjast taka þjónustuhlé.
Formúlu 1 keppnir 2015
Alþjóða akstursíþróttasambandið (FIA), kynnti í dag keppnisdagatal næsta árs. Keppnirnar verða 20 í heildina, keppni í Mexíkó er eina viðbótin.
Montezemolo: Bianchi átti að taka sæti Raikkonen
Jules Bianchi átti framtíð fyrir sér hjá Ferrari þegar samningur Kimi Raikkonen myndi renna sitt skeið á enda samkvæmt fyrrum forseta Ferrari, Luca di Montezemolo.
Vélaþróun leyfileg 2015, fyrir suma
Gloppótt reglugerð gerir það að verkum að breytingabannið sem lék Ferrari og Renault grátt í lok síðasta tímabils verður ekki til staðar í ár.
