Varanlegur sannleikurinn

Raunveruleikastjarnan Kylie Jenner viðurkenndi loks í vikunni að hafa látið setja fyllingu í varirnar á sér, en þær hafa verið þó nokkuð mikið á milli tannanna á fólki að undanförnu.

„Já, ég er með tímabundna fyllingu í vörunum. Mig langaði að segja frá þessu fyrir löngu síðan, en fólk er svo rosalega fljótt að dæma mig þannig að ég fór alltaf í kringum sannleikann, en ég laug aldrei að neinum,“ sagði hún í þættinum Keeping up with The Kardashians.

Varirnar á Kylie hafa ekki bara verið umtalaðar, heldur hafa þær startað tískubylgju.