Jermain Defoe skoraði þrennu fyrir Sunderland í leiknum í kvöld en Sunderland liðið er nú aðeins einu stigi á eftir Swansea sem situr í síðasta örugga sætinu.
Swansea-liðið spilaði manni færra í meira en fimmtíu mínútur eða síðan að Kyle Naughton fékk rautt spjald á 37. mínútu leiksins.
Swansea komst reyndar yfir í 2-1 en Sunderland-liðið skoraði þrjú mörk manni fleiri og tryggði sér sigurinn.
Gylfi Þór Sigurðsson jafnaði metin í 1-1 á 21. mínútu úr vítaspyrnu sem André Ayew fékk. André Ayew kom Swansea síðan í 2-1 á 40. mínútu.
Jermain Defoe skoraði fyrsta mark leiksins á 3. mínútu og gerði síðan tvö síðustu mörkin í seinni hálfleiknum.
Patrick van Aanholt hafði jafnað metin í 2-2 eftir aðeins 49 mínútna leik í seinni hálfleiknum.
Síðustu tvö mörk Jermain Defoe komu á 61. og 85. mínútu leiksins. Þetta er gríðarlega mikilvægur leikur fyrir Sunderland sem vann síðast útileik í deildinni á móti Crystal Palace 23. nóvember.
Gylfi Þór Sigurðsson spilaði allan leikinn fyrir Swansea.
