Enginn tilbúinn að kveðja EM í dag Tómas Þór Þórðarson skrifar 22. júní 2016 06:00 Eiður Smári Guðjohnsen og Gylfi Þór Sigurðsson á æfingu í París í gær. Vísir/Vilhelm Íslenska landsliðið mætir Austurríki á Stade de France í lokaleik liðsins í París í dag. Nái strákarnir okkar ekki góðum úrslitum kveðja þeir Frakkland og það sem meira er, þetta yrði síðasti leikur Lars Lagerbäck. Í dag er stóra stundin fyrir strákana okkar í Frakklandi. Síðasti leikur liðsins í riðlakeppninni gegn Austurríki fer fram á sjálfum Stade de France, þjóðarleikvangi Frakka, í Saint-Denis klukkan 16.00 í dag. Ljóst er að tapi íslenska liðið leiknum er það úr leik en leikmenn og þjálfarar virðast staðráðnir í að svo fari ekki. Frumraun Íslands á stórmóti hefur verið góð og slæm. Allir, þar með taldir leikmenn og þjálfarar, eru mjög ósáttir við sóknarleikinn sem hefur nánast ekki verið til staðar. Samt sem áður fékk liðið nóg af færum til að afgreiða Ungverjana og þá er liðið með tvö stig og taplaust eftir tvo leiki á sínu fyrsta stórmóti. En nú þurfa strákarnir okkar úrslit. Þessi leikur, eins og nánast hver einasti undanfarin misseri, er sá stærsti í sögunni. „Ég man ekki hvenær ég spilaði síðast leik sem var ekki sá stærsti á ferlinum. Hver einasti leikur hefur verið þannig upp á síðkastið. Hvað sem gerist efast ég ekki um að við göngum stoltir af velli og vonandi enn stoltari eftir sigur,“ sagði landsliðsfyrirliðinn Aron Einar Gunnarsson á blaðamannafundi á Stade de France í gær.Heimir Hallgrímsson og Lars Lagerbäck stýra íslenska landsliðinu vonandi ekki saman í síðasta skiptið i dag.Vísir/VilhelmHvort liðið nær góða leiknum? Líkt og Ísland hefur Austurríki ekki átt heilsteyptan góðan leik á mótinu. Strákarnir okkar hafa varist frábærlega og náð í tvö góð stig en Austurríki hefur valdið vonbrigðum og á enn eftir að skora mark á þessu móti. Spurningin er hvort liðið mætir betur gírað í leikinn á morgun og hvort vill meira komast í 16 liða úrslitin. „Við eigum enn eftir að sýna okkar besta leik. Hvort hann kemur svo á morgun eða í leiknum eftir, það veit ég ekki. Ég er samt viss um að Austurríkismenn eru sömu skoðunar. Þeim finnst þeir eiga eftir að spila góðan leik á mótinu. Vonandi heldur það bara áfram hjá þeim en við hlökkum til leiksins,“ sagði Heimir Hallgrímsson landsliðsþjálfari en félagi hans, Lars Lagerbäck, er mátulega bjartsýnn eins og alltaf. „Möguleikar okkar eru nokkuð góðir. Við höfum sýnt hvað við getum í verki og oft sýnt að liðsframmistaðan er það sem skiptir máli. Við erum ekki að fara að breyta miklu fyrir þennan leik. Við þurfum að spila betri sóknarleik en möguleikinn er klárlega til staðar að komast áfram,“ sagði Lagerbäck.Strákarnir spila á Stade de France í kvöld.Vísir/VilhelmEnginn vill heim Tapist leikurinn gegn Austurríki í dag verður það tvöföld kveðjustund. Strákarnir okkar fara heim eftir frumraun sína á stórmóti og þá verður þetta síðasti leikur Lars Lagerbäck sem þjálfari liðsins en Heimir tekur einn við eftir Evrópumótið. Hann var spurður á blaðamannafundinum í gær hver væri hans besta minning frá ferlinum. „Ég veit ekki hvort ég hætti alveg í fótbolta en ég er því miður að hætta með Ísland. Það er erfitt að svara þessari spurningu. Mér líður samt rosalega vel núna. Það er gaman að vera með þessum strákum og upplifa það sem þeir hafa afrekað með þeim. Þeir hafa staðið sig vel þannig að akkúrat núna er þessi tilfinning sú besta á ferlinum,“ sagði Lars. Íslenska liðið er mjög samheldið og þrátt fyrir að hafa verið lengi saman er stemningin góð í hópnum að sögn fyrirliðans, Arons Einars. Íslenskir stuðningsmenn hafa sett svip sinn á mótið og eru ekkert frekar en strákarnir tilbúnir að fara heim. Nokkra daga í viðbót í Frakklandi, takk. „Eiður Smári tók þetta vel saman þegar við komum upp á hótel eftir leikinn gegn Ungverjaland. Manni líður eins og maður sé kominn heim,“ sagði Aron Einar og Hannes Þór Halldórsson bætti við: „Okkur líður svakalega vel og við viljum ekki að þetta hætti. Við njótum þess að vera að spila fótbolta á stærsta sviðinu og okkur leiðist ekki í eina sekúndu.“ EM 2016 í Frakklandi Fótbolti Íslenski boltinn Mest lesið Jóhann lenti óvænt í flugi með formanninum og fer ekki fet Enski boltinn Íþróttahjón opna apótek saman: „Þetta var búið að blunda í okkur í einhvern tíma“ Sport Búast við gullregni með sölu á Stefáni til Englands Fótbolti Tækling Toni Kroos eyðilagði Evrópumótið fyrir Pedri Fótbolti „Líður eins og ég hafi svikið þjóð mína“ Fótbolti Mótmæli sama brotinu tvisvar og var rekinn af velli Fótbolti „Klikkaðir“ FH-ingar á grasi reyna að þyngja það með lóðum Íslenski boltinn Nýliði Minnesota Vikings lést í bílslysi Sport Sjáðu fernu og dans Viktors, Valsara í stuði og tæpt jöfnunarmark KR Íslenski boltinn Í beinni: Víkingur R. - Valur | Nadía snýr aftur í Fossvoginn Íslenski boltinn Fleiri fréttir Donny van de Beek snýr við blaðinu og fer til Spánar Í beinni: Víkingur R. - Valur | Nadía snýr aftur í Fossvoginn Michael Olise mættur til læknisskoðunar hjá Bayern München Tækling Toni Kroos eyðilagði Evrópumótið fyrir Pedri Mótmæli sama brotinu tvisvar og var rekinn af velli Úrúgvæ sló Brasilíu út í vítaspyrnukeppni „Klikkaðir“ FH-ingar á grasi reyna að þyngja það með lóðum Jóhann lenti óvænt í flugi með formanninum og fer ekki fet Vistaskipti Kilman gætu breytt framtíð E-deildarliðs Maidenhead Búast við gullregni með sölu á Stefáni til Englands Sjáðu fernu og dans Viktors, Valsara í stuði og tæpt jöfnunarmark KR „Líður eins og ég hafi svikið þjóð mína“ Fyrsta mark Bryndísar skipti sköpum FHL jók forskotið og dýrmætur sigur Þróttar Hollendingar lentu undir en mæta Englandi „Ég hef aldrei skammast mín jafn mikið“ Viktor með fernu: „Eitthvað sem ég vissi alltaf að byggi í mér“ Fyrsta mark Eggerts eftir mínútu á vellinum Uppgjör og viðtöl: Valur-Fylkir 4-0 | Valsmenn ekki í vandræðum með botnliðið Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni? Uppgjörið og viðtöl: KR-Stjarnan 1-1 | Axel Óskar tryggði heimamönnum stig Uppgjörið: ÍA-HK 8-0 | HK-ingar hnepptir í þrældóm á Írskum dögum Uppgjörið: Tindastóll-Stjarnan 0-0 | Víti í súginn og markalaust í Skagafirði Öll vítin inn og England í undanúrslit Íslenskur markvörður orðaður við Frey og félaga Jóhann Berg áfram hjá Burnley Fyrirliðinn Morata ekki í banni í undanúrslitunum Lehmann elti kærastann til Ítalíu: „Draumur að geta verið hjá sama félagi“ Sky biður Nottingham Forest afsökunar Saka og Trippier vængbakverðir gegn Sviss Sjá meira
Íslenska landsliðið mætir Austurríki á Stade de France í lokaleik liðsins í París í dag. Nái strákarnir okkar ekki góðum úrslitum kveðja þeir Frakkland og það sem meira er, þetta yrði síðasti leikur Lars Lagerbäck. Í dag er stóra stundin fyrir strákana okkar í Frakklandi. Síðasti leikur liðsins í riðlakeppninni gegn Austurríki fer fram á sjálfum Stade de France, þjóðarleikvangi Frakka, í Saint-Denis klukkan 16.00 í dag. Ljóst er að tapi íslenska liðið leiknum er það úr leik en leikmenn og þjálfarar virðast staðráðnir í að svo fari ekki. Frumraun Íslands á stórmóti hefur verið góð og slæm. Allir, þar með taldir leikmenn og þjálfarar, eru mjög ósáttir við sóknarleikinn sem hefur nánast ekki verið til staðar. Samt sem áður fékk liðið nóg af færum til að afgreiða Ungverjana og þá er liðið með tvö stig og taplaust eftir tvo leiki á sínu fyrsta stórmóti. En nú þurfa strákarnir okkar úrslit. Þessi leikur, eins og nánast hver einasti undanfarin misseri, er sá stærsti í sögunni. „Ég man ekki hvenær ég spilaði síðast leik sem var ekki sá stærsti á ferlinum. Hver einasti leikur hefur verið þannig upp á síðkastið. Hvað sem gerist efast ég ekki um að við göngum stoltir af velli og vonandi enn stoltari eftir sigur,“ sagði landsliðsfyrirliðinn Aron Einar Gunnarsson á blaðamannafundi á Stade de France í gær.Heimir Hallgrímsson og Lars Lagerbäck stýra íslenska landsliðinu vonandi ekki saman í síðasta skiptið i dag.Vísir/VilhelmHvort liðið nær góða leiknum? Líkt og Ísland hefur Austurríki ekki átt heilsteyptan góðan leik á mótinu. Strákarnir okkar hafa varist frábærlega og náð í tvö góð stig en Austurríki hefur valdið vonbrigðum og á enn eftir að skora mark á þessu móti. Spurningin er hvort liðið mætir betur gírað í leikinn á morgun og hvort vill meira komast í 16 liða úrslitin. „Við eigum enn eftir að sýna okkar besta leik. Hvort hann kemur svo á morgun eða í leiknum eftir, það veit ég ekki. Ég er samt viss um að Austurríkismenn eru sömu skoðunar. Þeim finnst þeir eiga eftir að spila góðan leik á mótinu. Vonandi heldur það bara áfram hjá þeim en við hlökkum til leiksins,“ sagði Heimir Hallgrímsson landsliðsþjálfari en félagi hans, Lars Lagerbäck, er mátulega bjartsýnn eins og alltaf. „Möguleikar okkar eru nokkuð góðir. Við höfum sýnt hvað við getum í verki og oft sýnt að liðsframmistaðan er það sem skiptir máli. Við erum ekki að fara að breyta miklu fyrir þennan leik. Við þurfum að spila betri sóknarleik en möguleikinn er klárlega til staðar að komast áfram,“ sagði Lagerbäck.Strákarnir spila á Stade de France í kvöld.Vísir/VilhelmEnginn vill heim Tapist leikurinn gegn Austurríki í dag verður það tvöföld kveðjustund. Strákarnir okkar fara heim eftir frumraun sína á stórmóti og þá verður þetta síðasti leikur Lars Lagerbäck sem þjálfari liðsins en Heimir tekur einn við eftir Evrópumótið. Hann var spurður á blaðamannafundinum í gær hver væri hans besta minning frá ferlinum. „Ég veit ekki hvort ég hætti alveg í fótbolta en ég er því miður að hætta með Ísland. Það er erfitt að svara þessari spurningu. Mér líður samt rosalega vel núna. Það er gaman að vera með þessum strákum og upplifa það sem þeir hafa afrekað með þeim. Þeir hafa staðið sig vel þannig að akkúrat núna er þessi tilfinning sú besta á ferlinum,“ sagði Lars. Íslenska liðið er mjög samheldið og þrátt fyrir að hafa verið lengi saman er stemningin góð í hópnum að sögn fyrirliðans, Arons Einars. Íslenskir stuðningsmenn hafa sett svip sinn á mótið og eru ekkert frekar en strákarnir tilbúnir að fara heim. Nokkra daga í viðbót í Frakklandi, takk. „Eiður Smári tók þetta vel saman þegar við komum upp á hótel eftir leikinn gegn Ungverjaland. Manni líður eins og maður sé kominn heim,“ sagði Aron Einar og Hannes Þór Halldórsson bætti við: „Okkur líður svakalega vel og við viljum ekki að þetta hætti. Við njótum þess að vera að spila fótbolta á stærsta sviðinu og okkur leiðist ekki í eina sekúndu.“
EM 2016 í Frakklandi Fótbolti Íslenski boltinn Mest lesið Jóhann lenti óvænt í flugi með formanninum og fer ekki fet Enski boltinn Íþróttahjón opna apótek saman: „Þetta var búið að blunda í okkur í einhvern tíma“ Sport Búast við gullregni með sölu á Stefáni til Englands Fótbolti Tækling Toni Kroos eyðilagði Evrópumótið fyrir Pedri Fótbolti „Líður eins og ég hafi svikið þjóð mína“ Fótbolti Mótmæli sama brotinu tvisvar og var rekinn af velli Fótbolti „Klikkaðir“ FH-ingar á grasi reyna að þyngja það með lóðum Íslenski boltinn Nýliði Minnesota Vikings lést í bílslysi Sport Sjáðu fernu og dans Viktors, Valsara í stuði og tæpt jöfnunarmark KR Íslenski boltinn Í beinni: Víkingur R. - Valur | Nadía snýr aftur í Fossvoginn Íslenski boltinn Fleiri fréttir Donny van de Beek snýr við blaðinu og fer til Spánar Í beinni: Víkingur R. - Valur | Nadía snýr aftur í Fossvoginn Michael Olise mættur til læknisskoðunar hjá Bayern München Tækling Toni Kroos eyðilagði Evrópumótið fyrir Pedri Mótmæli sama brotinu tvisvar og var rekinn af velli Úrúgvæ sló Brasilíu út í vítaspyrnukeppni „Klikkaðir“ FH-ingar á grasi reyna að þyngja það með lóðum Jóhann lenti óvænt í flugi með formanninum og fer ekki fet Vistaskipti Kilman gætu breytt framtíð E-deildarliðs Maidenhead Búast við gullregni með sölu á Stefáni til Englands Sjáðu fernu og dans Viktors, Valsara í stuði og tæpt jöfnunarmark KR „Líður eins og ég hafi svikið þjóð mína“ Fyrsta mark Bryndísar skipti sköpum FHL jók forskotið og dýrmætur sigur Þróttar Hollendingar lentu undir en mæta Englandi „Ég hef aldrei skammast mín jafn mikið“ Viktor með fernu: „Eitthvað sem ég vissi alltaf að byggi í mér“ Fyrsta mark Eggerts eftir mínútu á vellinum Uppgjör og viðtöl: Valur-Fylkir 4-0 | Valsmenn ekki í vandræðum með botnliðið Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni? Uppgjörið og viðtöl: KR-Stjarnan 1-1 | Axel Óskar tryggði heimamönnum stig Uppgjörið: ÍA-HK 8-0 | HK-ingar hnepptir í þrældóm á Írskum dögum Uppgjörið: Tindastóll-Stjarnan 0-0 | Víti í súginn og markalaust í Skagafirði Öll vítin inn og England í undanúrslit Íslenskur markvörður orðaður við Frey og félaga Jóhann Berg áfram hjá Burnley Fyrirliðinn Morata ekki í banni í undanúrslitunum Lehmann elti kærastann til Ítalíu: „Draumur að geta verið hjá sama félagi“ Sky biður Nottingham Forest afsökunar Saka og Trippier vængbakverðir gegn Sviss Sjá meira
Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni?