Með master í harmonikuleik, fyrst íslenskra kvenna Sólveig Gísladóttir skrifar 6. júlí 2016 16:00 Helga Kristbjörg situr hér með félögum sínum Jóni Þorsteini og Jónasi Ásgeiri en saman mynda þau íTríó og halda tónleika í Hörpu á sunnudaginn. Mynd/Kim S. Brockie Helga Kristbjörg Guðmundsdóttir útskrifaðist með mastersgráðu í harmonikuleik frá Konunglega danska tónlistarháskólanum í sumar. Hún heldur tónleika í Norðurljósasal Hörpu sunnudaginn 10. júlí ásamt samnemendum sínum, þeim Jóni Þorsteini Reynissyni og Jónasi Ásgeiri Ásgeirssyni, en saman mynda þau harmonikutríóið íTríó. Þau Helga Kristbjörg, Jón Þorsteinn og Jónas Ásgeir eru öll nemendur prófessors Geirs Draugsvoll í Konunglega danska listaháskólanum. „Við vorum þrír Íslendingar í 14 manna harmonikudeild sem er afar óvenjulegt enda langt síðan Íslendingur útskrifaðist úr harmonikuleik síðast,“ segir Helga sem útskrifaðist nú fyrir skömmu með master í harmonikuleik fyrst íslenskra kvenna.íTríóMynd/Kim S. BrockieHeilluð frá fyrstu kynnum Helga hefur lært á harmoniku frá átta ára aldri. „Ég fór á hljóðfærakynningu í tónlistarskólanum á Ísafirði og heillaðist af harmonikunni. Það var reyndar heilmikil harmonikumenning í bænum og bara í mínum bekk voru þrír að læra,“ segir Helga sem byrjaði námið hjá Messíönu Marsellíusdóttur og síðar Vadim Fjodorov. Eftir menntaskóla fékk Helga hvatningu til að sækja um í Listaháskólanum. Hún komst inn, flutti til Reykjavíkur og gerðist fyrsti nemandinn í harmonikuleik í Listaháskólanum. „Þá var Vadim fluttur suður og ég lærði því hjá honum áfram,“ segir Helga sem útskrifaðist með bachelor fyrir sex árum. „Ég tók mér hálfgerða pásu frá harmonikuleik í eitt ár, fór svo að kenna í nokkrum tónlistarskólum næstu tvö árin.“ Síðan vaknaði áhuginn á ný á áframhaldandi námi. „Ég fór til Danmerkur og var í einkatímum í eitt ár til að koma mér aftur í form. Síðan sótti ég um mastersnám í Konunglega tónlistarháskólanum,“ segir Helga glöð í bragði og hlakkar nú til að starfa með tríóinu sínu íTríó.Setja harmonikuna á stall Nafnið íTríó þróaðist út frá góðlátlegu gríni samnemenda Íslendinganna. „Við héldum mikið saman og spiluðum líka mikið saman. Við notuðum alltaf iPad í staðinn fyrir nótur og þá fór fólk að kalla okkur iTríó í gríni. Okkur fannst það ekki alveg nógu kúl og breyttum því í íTríó sem vísun í Ísland,“ útskýrir Helga glettin. Markmið tríósins eru göfug. „Við viljum koma harmonikunni á framfæri á Íslandi og opna augu fólks fyrir möguleikum hljóðfærisins. Við viljum útvíkka og þróa ímynd harmonikunnar á Íslandi sem nánast hefur einskorðast við gömlu dansana, og setja harmonikuna á sama stall og önnur klassísk hljóðfæri,“ segir Helga. Fyrsta skrefið að þessu markmiði er að kynna harmonikuna á tónleikum og það mun íTríó gera á næstu dögum. „Við byrjum fyrir norðan og höldum tónleika á föstudaginn í Miklabæjarkirkju. Á sunnudaginn 10. júlí höldum við tónleika í Norðurljósasal Hörpu.“ Efnisskráin er fjölbreytt en íTríó mun flytja verk frá ólíkum tímabilum og úr mismunandi stefnum. Þar má nefna samtímatónlist, barokktónlist, þjóðlög, tangó og rytmísk/mínímalísk verk. „Tónleikagestir munu upplifa tilfinningakalt finnskt rifrildi, sjóðheitan sígaunagleðskap, blóðheitan argentínskan tangó, draumkennda geimferð meðal stjarnanna og ef til vill franska tóna og dúndrandi klúbbamúsík,“ segir Helga og býður alla velkomna. Tónleikar íTríó verða haldnir í Norðurljósasal Hörpu sunnudaginn 10. júlí klukkan 14. Miða má nálgast á harpa.is. Mest lesið Á að pína sig í að stunda kynlíf til að minnka líkur á framhjáhaldi? Lífið Ævintýralegt líf í Stanford en saknar Vesturbæjarlaugar Lífið Lára flakkar heimshorna á milli í einkaflugvél með lyfjaprinsinum Lífið Fór of nálægt arineldi og kveikti í andlitinu sínu Lífið Stjörnulífið: „Virkilega slæm vika fyrir all my haters“ Lífið Hlýlegt einbýli úr smiðju Rutar Kára Lífið Nýr erfingi á leiðinni í Bretlandi Lífið Út um allar koppagrundir Alþingis: „Froðan flæðir endalaust, það er bara froða froða“ Menning Þraukuðu saman í tvo mánuði Lífið „Herra kerran er til sölu“ Lífið Fleiri fréttir Leikarinn John Amos látinn Ævintýralegt líf í Stanford en saknar Vesturbæjarlaugar Á að pína sig í að stunda kynlíf til að minnka líkur á framhjáhaldi? Fór of nálægt arineldi og kveikti í andlitinu sínu Hlýlegt einbýli úr smiðju Rutar Kára Lára flakkar heimshorna á milli í einkaflugvél með lyfjaprinsinum Þraukuðu saman í tvo mánuði Nýr erfingi á leiðinni í Bretlandi „Herra kerran er til sölu“ Jákvæðni í algleymingi á Bylgjunni þessa vikuna Laufey og Júnía í fremstu röð í París Áttu að nefna kvenmannsnöfn sem byrja á D og F Flogið þangað sem enginn kemst nema í draumi „Stolt af mínum konum sem geisluðu af gleði“ Fóru líka upp á eiginkonuna fyrir besta útsýni landsins Draumkennt brúðkaup á Sardiníu Stórborgar fílingur í sögufrægu húsi Jóns Davíðs og Birgittu Ekki lengur undir sérstöku eftirliti Draumadrengur Söndru og Hilmars kominn í heiminn Halda styrktartónleika fyrir fjölskyldu Kolfinnu Eldeyjar Kenningar á kreik eftir ásakanir um kynferðisbrot Al-Fayed Persónulegt áfall varð kveikjan að laginu Útilokar ekki að bjóða sig aftur fram Lætur nettröllin ekki hafa áhrif á sjálfsmyndina Stjörnulífið: „Virkilega slæm vika fyrir all my haters“ Inga Lind gengin út Tekst á við lífið sem einhverf mamma með langveikt barn Lítil tengsl við okkar innri kynveru koma niður á kynlífinu Kántrígoðsögnin Kris Kristoffersson látin 105 ára og syngur í kór - Sérrí og Baileys eftir æfingu Sjá meira
Helga Kristbjörg Guðmundsdóttir útskrifaðist með mastersgráðu í harmonikuleik frá Konunglega danska tónlistarháskólanum í sumar. Hún heldur tónleika í Norðurljósasal Hörpu sunnudaginn 10. júlí ásamt samnemendum sínum, þeim Jóni Þorsteini Reynissyni og Jónasi Ásgeiri Ásgeirssyni, en saman mynda þau harmonikutríóið íTríó. Þau Helga Kristbjörg, Jón Þorsteinn og Jónas Ásgeir eru öll nemendur prófessors Geirs Draugsvoll í Konunglega danska listaháskólanum. „Við vorum þrír Íslendingar í 14 manna harmonikudeild sem er afar óvenjulegt enda langt síðan Íslendingur útskrifaðist úr harmonikuleik síðast,“ segir Helga sem útskrifaðist nú fyrir skömmu með master í harmonikuleik fyrst íslenskra kvenna.íTríóMynd/Kim S. BrockieHeilluð frá fyrstu kynnum Helga hefur lært á harmoniku frá átta ára aldri. „Ég fór á hljóðfærakynningu í tónlistarskólanum á Ísafirði og heillaðist af harmonikunni. Það var reyndar heilmikil harmonikumenning í bænum og bara í mínum bekk voru þrír að læra,“ segir Helga sem byrjaði námið hjá Messíönu Marsellíusdóttur og síðar Vadim Fjodorov. Eftir menntaskóla fékk Helga hvatningu til að sækja um í Listaháskólanum. Hún komst inn, flutti til Reykjavíkur og gerðist fyrsti nemandinn í harmonikuleik í Listaháskólanum. „Þá var Vadim fluttur suður og ég lærði því hjá honum áfram,“ segir Helga sem útskrifaðist með bachelor fyrir sex árum. „Ég tók mér hálfgerða pásu frá harmonikuleik í eitt ár, fór svo að kenna í nokkrum tónlistarskólum næstu tvö árin.“ Síðan vaknaði áhuginn á ný á áframhaldandi námi. „Ég fór til Danmerkur og var í einkatímum í eitt ár til að koma mér aftur í form. Síðan sótti ég um mastersnám í Konunglega tónlistarháskólanum,“ segir Helga glöð í bragði og hlakkar nú til að starfa með tríóinu sínu íTríó.Setja harmonikuna á stall Nafnið íTríó þróaðist út frá góðlátlegu gríni samnemenda Íslendinganna. „Við héldum mikið saman og spiluðum líka mikið saman. Við notuðum alltaf iPad í staðinn fyrir nótur og þá fór fólk að kalla okkur iTríó í gríni. Okkur fannst það ekki alveg nógu kúl og breyttum því í íTríó sem vísun í Ísland,“ útskýrir Helga glettin. Markmið tríósins eru göfug. „Við viljum koma harmonikunni á framfæri á Íslandi og opna augu fólks fyrir möguleikum hljóðfærisins. Við viljum útvíkka og þróa ímynd harmonikunnar á Íslandi sem nánast hefur einskorðast við gömlu dansana, og setja harmonikuna á sama stall og önnur klassísk hljóðfæri,“ segir Helga. Fyrsta skrefið að þessu markmiði er að kynna harmonikuna á tónleikum og það mun íTríó gera á næstu dögum. „Við byrjum fyrir norðan og höldum tónleika á föstudaginn í Miklabæjarkirkju. Á sunnudaginn 10. júlí höldum við tónleika í Norðurljósasal Hörpu.“ Efnisskráin er fjölbreytt en íTríó mun flytja verk frá ólíkum tímabilum og úr mismunandi stefnum. Þar má nefna samtímatónlist, barokktónlist, þjóðlög, tangó og rytmísk/mínímalísk verk. „Tónleikagestir munu upplifa tilfinningakalt finnskt rifrildi, sjóðheitan sígaunagleðskap, blóðheitan argentínskan tangó, draumkennda geimferð meðal stjarnanna og ef til vill franska tóna og dúndrandi klúbbamúsík,“ segir Helga og býður alla velkomna. Tónleikar íTríó verða haldnir í Norðurljósasal Hörpu sunnudaginn 10. júlí klukkan 14. Miða má nálgast á harpa.is.
Mest lesið Á að pína sig í að stunda kynlíf til að minnka líkur á framhjáhaldi? Lífið Ævintýralegt líf í Stanford en saknar Vesturbæjarlaugar Lífið Lára flakkar heimshorna á milli í einkaflugvél með lyfjaprinsinum Lífið Fór of nálægt arineldi og kveikti í andlitinu sínu Lífið Stjörnulífið: „Virkilega slæm vika fyrir all my haters“ Lífið Hlýlegt einbýli úr smiðju Rutar Kára Lífið Nýr erfingi á leiðinni í Bretlandi Lífið Út um allar koppagrundir Alþingis: „Froðan flæðir endalaust, það er bara froða froða“ Menning Þraukuðu saman í tvo mánuði Lífið „Herra kerran er til sölu“ Lífið Fleiri fréttir Leikarinn John Amos látinn Ævintýralegt líf í Stanford en saknar Vesturbæjarlaugar Á að pína sig í að stunda kynlíf til að minnka líkur á framhjáhaldi? Fór of nálægt arineldi og kveikti í andlitinu sínu Hlýlegt einbýli úr smiðju Rutar Kára Lára flakkar heimshorna á milli í einkaflugvél með lyfjaprinsinum Þraukuðu saman í tvo mánuði Nýr erfingi á leiðinni í Bretlandi „Herra kerran er til sölu“ Jákvæðni í algleymingi á Bylgjunni þessa vikuna Laufey og Júnía í fremstu röð í París Áttu að nefna kvenmannsnöfn sem byrja á D og F Flogið þangað sem enginn kemst nema í draumi „Stolt af mínum konum sem geisluðu af gleði“ Fóru líka upp á eiginkonuna fyrir besta útsýni landsins Draumkennt brúðkaup á Sardiníu Stórborgar fílingur í sögufrægu húsi Jóns Davíðs og Birgittu Ekki lengur undir sérstöku eftirliti Draumadrengur Söndru og Hilmars kominn í heiminn Halda styrktartónleika fyrir fjölskyldu Kolfinnu Eldeyjar Kenningar á kreik eftir ásakanir um kynferðisbrot Al-Fayed Persónulegt áfall varð kveikjan að laginu Útilokar ekki að bjóða sig aftur fram Lætur nettröllin ekki hafa áhrif á sjálfsmyndina Stjörnulífið: „Virkilega slæm vika fyrir all my haters“ Inga Lind gengin út Tekst á við lífið sem einhverf mamma með langveikt barn Lítil tengsl við okkar innri kynveru koma niður á kynlífinu Kántrígoðsögnin Kris Kristoffersson látin 105 ára og syngur í kór - Sérrí og Baileys eftir æfingu Sjá meira