Götulistaverk unnin út frá stærðfræðiformúlum Gyða Lóa Ólafsdóttir skrifar 19. júlí 2016 09:00 Hér sést Jóhanna í vinnugallanum við verkið en til stendur að það verði tilbúði næstkomandi fimmtudag. Vísir/Vilhelm Þetta er ferðalag úr tvívídd í þrívídd. Ég byrja með þríhyrning, margfalda hann, sný honum við og bý til tening. Ég er svolítið að vinna með platónsku formin, þessi grunnform í þrívídd. Þetta er allt í námsefninu,“ útskýrir myndlistarkonan Jóhanna Ásgeirsdóttir þegar hún er beðin um að greina frá götulistaverki sem hún vinnur nú hörðum höndum við að leggja lokahönd á. Götulistaverkið er staðsett hjá Kópavogskóla og er hluti af verkefnum Jóhönnu í sumar hjá Skapandi sumarstörfum í Kópavogi þar sem hún hefur starfað í sumar undir listamannsnafninu Fruma. Á veturnar stundar hún svo nám í myndlist við New York University. Verkefnið vinnur hún í samstarfi við grunnskólann og er það unnið út frá stærðfræðifomúlum með það að markmiði að auka aðgengi barna að fræðigreininni. „Þetta er bæði götulistaverk sem skreytir skólalóðina og svo erum við líka að stefna að því að búa til námsefni í kringum þetta. Sem myndi þá taka á stærðfræði, rúmfræði og myndlist,“ segir Jóhanna en hugmyndin er sem sagt sú að börnin læri í gegnum listaverkið. „Svo verð ég líka með kynningu á æðri víddum á tungumáli sem hentar grunnskólabörnum. Það verður um fjórðu víddina og ofar, þetta verður teikning eða skema af fjórðuvíddar tening.“ Jóhanna segist hafa blandað stærðfræði, raunvísundum og myndlist töluvert saman í myndlistarnámi sínu en segir að það sé fyrst núna á eldri árum þegar skyldunámi í stærðfræði er lokið sem hún sé að átta sig á því hversu margar skemmtilegar hliðar eru á stærðfræðinni, því þó hún hafa alltaf haft gaman af henni þá hafi hún líka stundum átt erfitt með hana. „Það er búið að vera dálítið löng þróun hjá mér að vera að blanda saman stærðfræði og myndlist en það hefur alltaf verið tilhneiging hjá mér. Ég hef alltaf haft áhuga á raunvísindum, það er bara það sem kveikir í mér. Svo hef ég alltaf haft gaman af því að mála, teikna og hanna,“ segir hún og því liggur kannski beint við að blanda þessum stærstu hugðarefnum saman. „Ég heyri stundum myndlistarmenn segja að þeir hafi ofnæmi fyrir stærðfræði. Mér finnst það auðvitað skiljanlegt. Ég veit ekki af hverju þetta hentar mér svona vel. Ég hef svolítið greint það þannig að ég hef áhuga á heiminum og það er í raun það sem raunvísindi eru, að finnast allskonar fyrirbæri í náttúrunni og manngerðir hlutir áhugaverðir. Vilja taka þá í sundur, skilja þá, kryfja þá og vilja skrifa það niður á reglulegan hátt. Þetta er einhver óslokknandi þorsti fyrir vitneskju og mér finnst hann eiga vel saman við listræna ástríðu fyrir því að skapa,“ veltir Jóhanna fyrir sér. Til stendur að götulistaverk Jóhönnu verði tilbúið næstkomandi fimmtudag en þá fer fram lokahátíð Skapandi sumarstarfa í Kópavogi. 27 listamenn sýna afrakstur sumarsins og fer dagskráin fram víðsvegar um Kópavogsbæ en hefst klukkan 18.00 í Molanum. Þeir sem eru forvitnir geta kynnt sér verkefnið betur á Instagram-síðu verkefnisins. Fréttin birtist fyrst í Fréttablaðinu þann 19. júlí. Menning Mest lesið Stjörnulífið: „Virkilega slæm vika fyrir all my haters“ Lífið Kenningar á kreik eftir ásakanir um kynferðisbrot Al-Fayed Lífið Inga Lind gengin út Lífið Halda styrktartónleika fyrir fjölskyldu Kolfinnu Eldeyjar Lífið Stórborgar fílingur í sögufrægu húsi Jóns Davíðs og Birgittu Lífið Fór of nálægt arineldi og kveikti í andlitinu sínu Lífið Lára flakkar heimshorna á milli í einkaflugvél með lyfjaprinsinum Lífið Mamma byrjuð að undirbúa stúdentsveislu þegar fregn barst af falli Lífið Á að pína sig í að stunda kynlíf til að minnka líkur á framhjáhaldi? Lífið Út um allar koppagrundir Alþingis: „Froðan flæðir endalaust, það er bara froða froða“ Menning Fleiri fréttir Á að pína sig í að stunda kynlíf til að minnka líkur á framhjáhaldi? Fór of nálægt arineldi og kveikti í andlitinu sínu Hlýlegt einbýli úr smiðju Rutar Kára Lára flakkar heimshorna á milli í einkaflugvél með lyfjaprinsinum Þraukuðu saman í tvo mánuði Nýr erfingi á leiðinni í Bretlandi „Herra kerran er til sölu“ Jákvæðni í algleymingi á Bylgjunni þessa vikuna Laufey og Júnía í fremstu röð í París Áttu að nefna kvenmannsnöfn sem byrja á D og F Flogið þangað sem enginn kemst nema í draumi „Stolt af mínum konum sem geisluðu af gleði“ Fóru líka upp á eiginkonuna fyrir besta útsýni landsins Draumkennt brúðkaup á Sardiníu Stórborgar fílingur í sögufrægu húsi Jóns Davíðs og Birgittu Ekki lengur undir sérstöku eftirliti Draumadrengur Söndru og Hilmars kominn í heiminn Halda styrktartónleika fyrir fjölskyldu Kolfinnu Eldeyjar Kenningar á kreik eftir ásakanir um kynferðisbrot Al-Fayed Persónulegt áfall varð kveikjan að laginu Útilokar ekki að bjóða sig aftur fram Lætur nettröllin ekki hafa áhrif á sjálfsmyndina Stjörnulífið: „Virkilega slæm vika fyrir all my haters“ Inga Lind gengin út Tekst á við lífið sem einhverf mamma með langveikt barn Lítil tengsl við okkar innri kynveru koma niður á kynlífinu Kántrígoðsögnin Kris Kristoffersson látin 105 ára og syngur í kór - Sérrí og Baileys eftir æfingu Beverly Hills Cop-stjarnan John Ashton er látin Elti drauminn og flutti um borð í húsbíl Sjá meira
Þetta er ferðalag úr tvívídd í þrívídd. Ég byrja með þríhyrning, margfalda hann, sný honum við og bý til tening. Ég er svolítið að vinna með platónsku formin, þessi grunnform í þrívídd. Þetta er allt í námsefninu,“ útskýrir myndlistarkonan Jóhanna Ásgeirsdóttir þegar hún er beðin um að greina frá götulistaverki sem hún vinnur nú hörðum höndum við að leggja lokahönd á. Götulistaverkið er staðsett hjá Kópavogskóla og er hluti af verkefnum Jóhönnu í sumar hjá Skapandi sumarstörfum í Kópavogi þar sem hún hefur starfað í sumar undir listamannsnafninu Fruma. Á veturnar stundar hún svo nám í myndlist við New York University. Verkefnið vinnur hún í samstarfi við grunnskólann og er það unnið út frá stærðfræðifomúlum með það að markmiði að auka aðgengi barna að fræðigreininni. „Þetta er bæði götulistaverk sem skreytir skólalóðina og svo erum við líka að stefna að því að búa til námsefni í kringum þetta. Sem myndi þá taka á stærðfræði, rúmfræði og myndlist,“ segir Jóhanna en hugmyndin er sem sagt sú að börnin læri í gegnum listaverkið. „Svo verð ég líka með kynningu á æðri víddum á tungumáli sem hentar grunnskólabörnum. Það verður um fjórðu víddina og ofar, þetta verður teikning eða skema af fjórðuvíddar tening.“ Jóhanna segist hafa blandað stærðfræði, raunvísundum og myndlist töluvert saman í myndlistarnámi sínu en segir að það sé fyrst núna á eldri árum þegar skyldunámi í stærðfræði er lokið sem hún sé að átta sig á því hversu margar skemmtilegar hliðar eru á stærðfræðinni, því þó hún hafa alltaf haft gaman af henni þá hafi hún líka stundum átt erfitt með hana. „Það er búið að vera dálítið löng þróun hjá mér að vera að blanda saman stærðfræði og myndlist en það hefur alltaf verið tilhneiging hjá mér. Ég hef alltaf haft áhuga á raunvísindum, það er bara það sem kveikir í mér. Svo hef ég alltaf haft gaman af því að mála, teikna og hanna,“ segir hún og því liggur kannski beint við að blanda þessum stærstu hugðarefnum saman. „Ég heyri stundum myndlistarmenn segja að þeir hafi ofnæmi fyrir stærðfræði. Mér finnst það auðvitað skiljanlegt. Ég veit ekki af hverju þetta hentar mér svona vel. Ég hef svolítið greint það þannig að ég hef áhuga á heiminum og það er í raun það sem raunvísindi eru, að finnast allskonar fyrirbæri í náttúrunni og manngerðir hlutir áhugaverðir. Vilja taka þá í sundur, skilja þá, kryfja þá og vilja skrifa það niður á reglulegan hátt. Þetta er einhver óslokknandi þorsti fyrir vitneskju og mér finnst hann eiga vel saman við listræna ástríðu fyrir því að skapa,“ veltir Jóhanna fyrir sér. Til stendur að götulistaverk Jóhönnu verði tilbúið næstkomandi fimmtudag en þá fer fram lokahátíð Skapandi sumarstarfa í Kópavogi. 27 listamenn sýna afrakstur sumarsins og fer dagskráin fram víðsvegar um Kópavogsbæ en hefst klukkan 18.00 í Molanum. Þeir sem eru forvitnir geta kynnt sér verkefnið betur á Instagram-síðu verkefnisins. Fréttin birtist fyrst í Fréttablaðinu þann 19. júlí.
Menning Mest lesið Stjörnulífið: „Virkilega slæm vika fyrir all my haters“ Lífið Kenningar á kreik eftir ásakanir um kynferðisbrot Al-Fayed Lífið Inga Lind gengin út Lífið Halda styrktartónleika fyrir fjölskyldu Kolfinnu Eldeyjar Lífið Stórborgar fílingur í sögufrægu húsi Jóns Davíðs og Birgittu Lífið Fór of nálægt arineldi og kveikti í andlitinu sínu Lífið Lára flakkar heimshorna á milli í einkaflugvél með lyfjaprinsinum Lífið Mamma byrjuð að undirbúa stúdentsveislu þegar fregn barst af falli Lífið Á að pína sig í að stunda kynlíf til að minnka líkur á framhjáhaldi? Lífið Út um allar koppagrundir Alþingis: „Froðan flæðir endalaust, það er bara froða froða“ Menning Fleiri fréttir Á að pína sig í að stunda kynlíf til að minnka líkur á framhjáhaldi? Fór of nálægt arineldi og kveikti í andlitinu sínu Hlýlegt einbýli úr smiðju Rutar Kára Lára flakkar heimshorna á milli í einkaflugvél með lyfjaprinsinum Þraukuðu saman í tvo mánuði Nýr erfingi á leiðinni í Bretlandi „Herra kerran er til sölu“ Jákvæðni í algleymingi á Bylgjunni þessa vikuna Laufey og Júnía í fremstu röð í París Áttu að nefna kvenmannsnöfn sem byrja á D og F Flogið þangað sem enginn kemst nema í draumi „Stolt af mínum konum sem geisluðu af gleði“ Fóru líka upp á eiginkonuna fyrir besta útsýni landsins Draumkennt brúðkaup á Sardiníu Stórborgar fílingur í sögufrægu húsi Jóns Davíðs og Birgittu Ekki lengur undir sérstöku eftirliti Draumadrengur Söndru og Hilmars kominn í heiminn Halda styrktartónleika fyrir fjölskyldu Kolfinnu Eldeyjar Kenningar á kreik eftir ásakanir um kynferðisbrot Al-Fayed Persónulegt áfall varð kveikjan að laginu Útilokar ekki að bjóða sig aftur fram Lætur nettröllin ekki hafa áhrif á sjálfsmyndina Stjörnulífið: „Virkilega slæm vika fyrir all my haters“ Inga Lind gengin út Tekst á við lífið sem einhverf mamma með langveikt barn Lítil tengsl við okkar innri kynveru koma niður á kynlífinu Kántrígoðsögnin Kris Kristoffersson látin 105 ára og syngur í kór - Sérrí og Baileys eftir æfingu Beverly Hills Cop-stjarnan John Ashton er látin Elti drauminn og flutti um borð í húsbíl Sjá meira