Fótbolti

Napoli reynir að fylla skarð Higuain með Milik

Stefán Árni Pálsson skrifar
Arkadiusz Milik í leik með Ajax.
Arkadiusz Milik í leik með Ajax. vísir/getty
Ítalska félagið Napoli hefur fest kaup á pólska sóknarmanninum Arkadiusz Milik frá Ajax en mun kaupverðið vera 35 milljónir evra.

Napoli missti á dögunum Gonzalo Higuain yfir til Juventus og þarf Milik að fylla gríðarlega stórt skarð.

Pólverjinn skoraði 21 mark í hollensku úrvalsdeildinni fyrir Ajax á síðasta tímabili og þykir öflugur frammi. Pressan er heldur betur á þessum 22 ára leikmanni.




Fleiri fréttir

Sjá meira


×