Umfangsmikið hjálparstarf í Aleppo þrátt fyrir erfiðar aðstæður Hulda Hólmkelsdóttir skrifar 19. ágúst 2016 13:05 UNICEF dreifir 16 tonnum af hjálpargögnum í bænum Moadamiyeh, sem haldið hefur verið í herkví. Mynd/Unicef UNICEF, Barnahjálp Sameinuðu þjóðanna, heldur úti umfangsmiklu hjálparstarfi í Aleppo þrátt fyrir erfiðar aðstæður. Í tilkynningu frá UNICEF segir að 30 þúsund manns hafi flúið borgina vegna nýlegra bardaga og hefur UNICEF unnið hörðum höndum að því að veita þeim hjálp. Samtökin sjá fyrir hreinu vatni í Aleppo á hverjum einasta degi, fyrir 300.000 manns. „Margir halda kannski að það sé varla hægt að veita hjálp í Aleppo, staðan sé svo erfið. Staðreyndin er sú að UNICEF er bæði með starfsfólk og skrifstofu í borginni. Við erum til dæmis líka einn stærsti veitandi sjúkragagna og annarra nauðsynja fyrir sjúkrahús í Aleppo,” segir Sigríður Víðis Jónsdóttir, upplýsingafulltrúi UNICEF á Íslandi. UNICEF hefur ásamt samstarfsaðilum sínum fylgst grannt með vannæringu barna í borginni og hefur frá því í janúar kannað ástand 14.000 barna og veitt þeim börnum meðferð sem hafa þurft á henni að halda. Það sama hefur verið gert við 7.000 óléttar konur og konur sem nýverið hafa átt börn.Mynd/UnicefStærstu aðgerðir UNICEF frá upphafi Neyðaraðgerðir UNICEF í Sýrlandi og nágrannaríkjunum eru þær stærstu sem samtökin hafa nokkru sinni haldið úti. „Yfirmaður UNICEF í Sýrlandi sagði mér í vor að hún óttaðist stöðugt um starfsfólkið sitt í Aleppo. En hún sagði að í Sýrlandi ætlaði hún ekki að gefast upp því hún sæi árangur af baráttu UNICEF á hverjum einasta degi,” segir Sigríður Víðis. „Það sem er erfitt í Aleppo er að austurhluti borgarinnar hefur verið lokaður af síðan í byrjun júlí þegar aðalveginum þangað inn var lokað. Það er skelfilegt. Fréttir af því að hjálp berist ekki til Aleppo eiga því um það svæði en alls ekki alla borgina. Sem betur fer var UNICEF búið að koma miklu magni af hjálpargögnum yfir í austurhlutann áður en hann lokaðist, sem samstarfsaðilar okkar hafa dreift síðan þá. Þetta eru til dæmis ýmis hjálpargögn til að veita neyðarhjálp á heilsugæslustöðvum, meðhöndla niðurgangspestir og nota við fæðingar.” Meðal þess sem UNICEF hefur gert á þessu ári er að hjálpa 12 milljónum manna að fá hreint vatn, bólusetja meira en tvær milljónir barna gegn mænusótt til að koma í veg fyrir að faraldur brjótist út. Ásamt því hefur meira en 200 þúsund börnum verið veittur sálrænn stuðningur og mörg hundruð þúsund börnum verið hjálpað að halda áfram menntun sinni.Fjöldi fólks hleypur til styrktar UNICEF Barnahjálp Sameinuðu þjóðanna er afar þakklát fyrir þann víðtæka stuðning sem hún hefur fengið við að veita börnum og fjölskyldum í Sýrlandi lífsnauðsynlega hjálp. „Ekkert af þessu hefði verið hægt nema af því að með okkur í liði er fólk um allan heim sem vill vernda réttindi barna og standa fast með þeim á erfiðum tímum. Þar á meðal eru þúsundir manna hér á landi, bæði heimsforeldrar og fólk um allt land sem stutt hefur neyðarsöfnunina okkar,” segir Bergsteinn Jónsson, framkvæmdastjóri UNICEF á Íslandi. Fjöldi fólks mun hlaupa til styrktar neyðaraðgerðum UNICEF í Sýrlandi í Reykjavíkurmaraþoninu á morgun. Mest lesið Starfsfólk farið að þjást af „laxaastma“ Erlent Tekur einarða afstöðu með þungunarrofi og sjálfræði kvenna Erlent Afar ólíklegt að byrlunar- og símastuldarmálinu sé lokið Innlent Bíll fullur af börnum, líkamsárás og umferðaróhöpp Innlent Höfum ekki efni á svona stórkarlalegri Ölfusárbrú Innlent Samið í nótt: Stjórnvöld heita lausnum á mönnunarvandanum Innlent Læknir játar sök í tengslum við dauða Matthew Perry Erlent Nú beinast öll spjót að bönkunum Innlent Bifreið í ljósum logum við Stuðlaháls Innlent Mikil umferð vegna áreksturs í Kópavogi Innlent Fleiri fréttir Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Watson skal áfram sæta gæsluvarðhaldi Bann gegn betli á teikniborði Svía Bera hefndaraðgerðir undir Bandaríkin Sprengingar við ísraelska sendiráðið í Kaupmannahöfn Tuttugu skólabörn létust í eldsvoða í rútu í Taílandi Vance með yfirhöndina í kurteisum kappræðum Engar fregnir af mannfalli í Ísrael Netanyahu heitir hefndum Bein útsending: Walz og Vance hittast í fyrsta sinn Minnst sex látnir í skotárás í Tel Avív Fjöldi skotflauga lenti í Ísrael Segja eldflaugaárás frá Íran væntanlega Enn ein reikistjarnan í „bakgarði“ sólkerfisins Hækka fjárútlát til varnarmála um þriðjung Reyna að tengja Pelicot við fleiri nauðganir og morð Síðasta kolaorkuveri Bretlands lokað Ungt fólk býr lengst heima í Króatíu en styst í Finnlandi Hundrað ára eftir tæp tvö ár á banalegunni Trump lét sér ekki segjast og endurtók lygina Árásir Ísraelsmanna í Líbanon héldu áfram í nótt Rutte tekur við af Stoltenberg Ísraelsher ræðst inn í Líbanon Saka rússneskan flugmann um „ófagmannlega“ hegðun Sjá meira
UNICEF, Barnahjálp Sameinuðu þjóðanna, heldur úti umfangsmiklu hjálparstarfi í Aleppo þrátt fyrir erfiðar aðstæður. Í tilkynningu frá UNICEF segir að 30 þúsund manns hafi flúið borgina vegna nýlegra bardaga og hefur UNICEF unnið hörðum höndum að því að veita þeim hjálp. Samtökin sjá fyrir hreinu vatni í Aleppo á hverjum einasta degi, fyrir 300.000 manns. „Margir halda kannski að það sé varla hægt að veita hjálp í Aleppo, staðan sé svo erfið. Staðreyndin er sú að UNICEF er bæði með starfsfólk og skrifstofu í borginni. Við erum til dæmis líka einn stærsti veitandi sjúkragagna og annarra nauðsynja fyrir sjúkrahús í Aleppo,” segir Sigríður Víðis Jónsdóttir, upplýsingafulltrúi UNICEF á Íslandi. UNICEF hefur ásamt samstarfsaðilum sínum fylgst grannt með vannæringu barna í borginni og hefur frá því í janúar kannað ástand 14.000 barna og veitt þeim börnum meðferð sem hafa þurft á henni að halda. Það sama hefur verið gert við 7.000 óléttar konur og konur sem nýverið hafa átt börn.Mynd/UnicefStærstu aðgerðir UNICEF frá upphafi Neyðaraðgerðir UNICEF í Sýrlandi og nágrannaríkjunum eru þær stærstu sem samtökin hafa nokkru sinni haldið úti. „Yfirmaður UNICEF í Sýrlandi sagði mér í vor að hún óttaðist stöðugt um starfsfólkið sitt í Aleppo. En hún sagði að í Sýrlandi ætlaði hún ekki að gefast upp því hún sæi árangur af baráttu UNICEF á hverjum einasta degi,” segir Sigríður Víðis. „Það sem er erfitt í Aleppo er að austurhluti borgarinnar hefur verið lokaður af síðan í byrjun júlí þegar aðalveginum þangað inn var lokað. Það er skelfilegt. Fréttir af því að hjálp berist ekki til Aleppo eiga því um það svæði en alls ekki alla borgina. Sem betur fer var UNICEF búið að koma miklu magni af hjálpargögnum yfir í austurhlutann áður en hann lokaðist, sem samstarfsaðilar okkar hafa dreift síðan þá. Þetta eru til dæmis ýmis hjálpargögn til að veita neyðarhjálp á heilsugæslustöðvum, meðhöndla niðurgangspestir og nota við fæðingar.” Meðal þess sem UNICEF hefur gert á þessu ári er að hjálpa 12 milljónum manna að fá hreint vatn, bólusetja meira en tvær milljónir barna gegn mænusótt til að koma í veg fyrir að faraldur brjótist út. Ásamt því hefur meira en 200 þúsund börnum verið veittur sálrænn stuðningur og mörg hundruð þúsund börnum verið hjálpað að halda áfram menntun sinni.Fjöldi fólks hleypur til styrktar UNICEF Barnahjálp Sameinuðu þjóðanna er afar þakklát fyrir þann víðtæka stuðning sem hún hefur fengið við að veita börnum og fjölskyldum í Sýrlandi lífsnauðsynlega hjálp. „Ekkert af þessu hefði verið hægt nema af því að með okkur í liði er fólk um allan heim sem vill vernda réttindi barna og standa fast með þeim á erfiðum tímum. Þar á meðal eru þúsundir manna hér á landi, bæði heimsforeldrar og fólk um allt land sem stutt hefur neyðarsöfnunina okkar,” segir Bergsteinn Jónsson, framkvæmdastjóri UNICEF á Íslandi. Fjöldi fólks mun hlaupa til styrktar neyðaraðgerðum UNICEF í Sýrlandi í Reykjavíkurmaraþoninu á morgun.
Mest lesið Starfsfólk farið að þjást af „laxaastma“ Erlent Tekur einarða afstöðu með þungunarrofi og sjálfræði kvenna Erlent Afar ólíklegt að byrlunar- og símastuldarmálinu sé lokið Innlent Bíll fullur af börnum, líkamsárás og umferðaróhöpp Innlent Höfum ekki efni á svona stórkarlalegri Ölfusárbrú Innlent Samið í nótt: Stjórnvöld heita lausnum á mönnunarvandanum Innlent Læknir játar sök í tengslum við dauða Matthew Perry Erlent Nú beinast öll spjót að bönkunum Innlent Bifreið í ljósum logum við Stuðlaháls Innlent Mikil umferð vegna áreksturs í Kópavogi Innlent Fleiri fréttir Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Watson skal áfram sæta gæsluvarðhaldi Bann gegn betli á teikniborði Svía Bera hefndaraðgerðir undir Bandaríkin Sprengingar við ísraelska sendiráðið í Kaupmannahöfn Tuttugu skólabörn létust í eldsvoða í rútu í Taílandi Vance með yfirhöndina í kurteisum kappræðum Engar fregnir af mannfalli í Ísrael Netanyahu heitir hefndum Bein útsending: Walz og Vance hittast í fyrsta sinn Minnst sex látnir í skotárás í Tel Avív Fjöldi skotflauga lenti í Ísrael Segja eldflaugaárás frá Íran væntanlega Enn ein reikistjarnan í „bakgarði“ sólkerfisins Hækka fjárútlát til varnarmála um þriðjung Reyna að tengja Pelicot við fleiri nauðganir og morð Síðasta kolaorkuveri Bretlands lokað Ungt fólk býr lengst heima í Króatíu en styst í Finnlandi Hundrað ára eftir tæp tvö ár á banalegunni Trump lét sér ekki segjast og endurtók lygina Árásir Ísraelsmanna í Líbanon héldu áfram í nótt Rutte tekur við af Stoltenberg Ísraelsher ræðst inn í Líbanon Saka rússneskan flugmann um „ófagmannlega“ hegðun Sjá meira