Segir litaða vera óvininn Samúel Karl Ólason skrifar 27. ágúst 2016 18:56 Paul LePage, ríkisstjóri Maine. Vísir/Getty Paul LePage, ríkisstjóri Maine í Bandaríkjunum, hefur verið hvattur til að segja af sér eftir að hann sagði þeldökka menn vera óvini. Hann gaf einnig í skyn að réttast væri að skjóta þá og vísaði hann bæði til svartra og spænsk-ættaðra manna. LePage hélt blaðamannafund í gær til þess að ræða um ummæli sín fyrr í vikunni sem hafa verið túlkuð sem rasismi. Á fundinum virðist ríkisstjórinn hafa grafið holu sína dýpri fyrir vikið. Hægt er að sjá myndband af blaðamannafundi LePage á vef Portland Press Herald. Síðastliðin janúar var LePage spurður út í heróínvanda Maine og kenndi hann þá mönnum sem bera nöfn eins og „D-Money, Smoothie og Shifty og koma frá Connecticut og New York. Hann sagði þessa menn koma til Maine til þess að selja heróín og oftar en ekki „gerðu þeir unga hvíta stúlku ólétta“.Slæmur miðvikudagur Nú á miðvikudaginn var hann spurður út í þessi ummæli og þvertók hann fyrir að vera rasisti. Hann sagðist hafa safnað saman upplýsingum um handtökur vegna fíkniefna í ríkinu frá því í janúar og að rúmlega 90 prósent þeirra sem hefðu verið handteknir væru þeldökkir eða spænskættaðir. Hann sagði svarta menn koma til Maine og drepa íbúa ríkisins. Seinna strunsaði hann af blaðamannafundinum. þegar hann var beðinn um að sýna blaðamönnum áðurnefndar upplýsingar. Portland Press Herald birti hins vegar í gær tölfræði frá FBI, alríkislögreglu Bandaríkjanna, um að af þeim 1.211 sem voru handteknir fyrir sölu eða framleiðslu fíkniefna í Maine árið 2014, voru 170 eða 14,1 prósent svartir. Lang flestir voru hvítir.Verri fimmtudagur LePage heyrði af því á fimmtudaginn að Drew Gattine, þingmaður Demókrataflokksins, hefði ýjað að því að LePage væri rasisti. Ríkisstjórinn brást reiður við og hringdi í Gattine. Gattine svaraði ekki og því skyldi LePage eftir skilaboð í talhólfi hans. Í skilaboðunum, sem hefur verið birt af Portland Press Herald, hreytir LePage fúkyrðum í þingmanninn, kallar hann öllum illum nöfnum og biður hann um að sanna að hann sé rasisti. Í skilaboðunum bað LePage þingmanninn um að birta skilaboðin opinberlega. Seinna á fimmtudeginum ræddi LePage skilaboðin við blaðamenn og þá sagðist hann óska þess að nú væri árið 1825 og að hann gæti skorað á Gattine í einvígi og skotið hann á milli augnanna. Þar að auki hélt LePage áfram að kalla þingmanninn öllum illum nöfnum.Kallað eftir afsögnLePage hélt enn einn blaðamannafund á föstudeginum. Þar sagði hann að Gattine hefði ekki átt að birta skilaboðin úr talhólfi sínu. Hann stóð við ummæli sín um að þeldökkir menn væru ástæða heróínvanda Maine, þrátt fyrir að það sé ekki rétt, og ýjaði að því að réttast væri að skjóta þá. „Ef þú ert í stríði og þú þekkir óvininn og hann klæðist rauðu og þú bláu, þá skýtur þú á rautt. Þú reynir þú að bera kennsl á óvininn og óvinurinn núna, stór meirihluti þeirra sem hafa verið handteknir, eru þeldökkir og spænskættaðir.“ Þungviktarmenn innan Demókrataflokksins hafa nú kallað eftir afsögn LePage eða að hann leiti sér hjálpar. Hann sé ekki hæfur til að sinna starfa ríkisstjóra. Mest lesið Fjöldi skotflauga lenti í Ísrael Erlent Umdeild sameining sánuklefa: „Mér finnst allir vera óánægðir með þetta“ Innlent Ungur ökumaður ekki grunaður um akstur undir áhrifum Innlent Telur lykilspurningum um banaslysið enn ósvarað Innlent Trump lét sér ekki segjast og endurtók lygina Erlent Gestur greiðir ekki krónu þó að pallaolía hafi hellst í bílinn Innlent Fimmti hver ökumaður með óeðlileg afskipti við slysstað Innlent Blöskrar „tvískinnungur“ hjá borgarfulltrúa eftir banaslys Innlent Hreinsaður af ásökunum eiginkonu sveitarstjórans Innlent Dæmi um að leikarar fái 1300 á tímann Innlent Fleiri fréttir Minnst sex látnir í skotárás í Tel Avív Fjöldi skotflauga lenti í Ísrael Segja eldflaugaárás frá Íran væntanlega Enn ein reikistjarnan í „bakgarði“ sólkerfisins Hækka fjárútlát til varnarmála um þriðjung Reyna að tengja Pelicot við fleiri nauðganir og morð Síðasta kolaorkuveri Bretlands lokað Ungt fólk býr lengst heima í Króatíu en styst í Finnlandi Hundrað ára eftir tæp tvö ár á banalegunni Trump lét sér ekki segjast og endurtók lygina Árásir Ísraelsmanna í Líbanon héldu áfram í nótt Rutte tekur við af Stoltenberg Ísraelsher ræðst inn í Líbanon Saka rússneskan flugmann um „ófagmannlega“ hegðun „Fordæmalausar“ hörmungar eftir Helenu Sérsveitarmenn gera áhlaup á Líbanon í undirbúningi innrásar Fyrsti sigur hægriöfgaflokks frá seinna stríði Mun boða til kosninga um leið og hann tekur við Rangt af Netflix að halda því fram að Baby Reindeer væri „sönn saga“ Þrjátíu fórust í einni sýslu í Norður-Karólínu Ísraelar herja á miðborg Beirút Frelsisflokkurinn stærstur í Austurríki Ísrael gerir loftárásir á Jemen Hera Björk segir frá raunum sínum í Georgíu Fólk stekkur á milli húsþaka til að komast lífs af Átta ára drengur skotinn í höfuð og andlit Fimmtán látnir í nýjustu árásum Ísraelshers Segir Harris veika á geði Segir Ísrael í fullum rétti á að verja sig frá Hezbollah Minnst 66 látnir eftir flóð í Nepal Sjá meira
Paul LePage, ríkisstjóri Maine í Bandaríkjunum, hefur verið hvattur til að segja af sér eftir að hann sagði þeldökka menn vera óvini. Hann gaf einnig í skyn að réttast væri að skjóta þá og vísaði hann bæði til svartra og spænsk-ættaðra manna. LePage hélt blaðamannafund í gær til þess að ræða um ummæli sín fyrr í vikunni sem hafa verið túlkuð sem rasismi. Á fundinum virðist ríkisstjórinn hafa grafið holu sína dýpri fyrir vikið. Hægt er að sjá myndband af blaðamannafundi LePage á vef Portland Press Herald. Síðastliðin janúar var LePage spurður út í heróínvanda Maine og kenndi hann þá mönnum sem bera nöfn eins og „D-Money, Smoothie og Shifty og koma frá Connecticut og New York. Hann sagði þessa menn koma til Maine til þess að selja heróín og oftar en ekki „gerðu þeir unga hvíta stúlku ólétta“.Slæmur miðvikudagur Nú á miðvikudaginn var hann spurður út í þessi ummæli og þvertók hann fyrir að vera rasisti. Hann sagðist hafa safnað saman upplýsingum um handtökur vegna fíkniefna í ríkinu frá því í janúar og að rúmlega 90 prósent þeirra sem hefðu verið handteknir væru þeldökkir eða spænskættaðir. Hann sagði svarta menn koma til Maine og drepa íbúa ríkisins. Seinna strunsaði hann af blaðamannafundinum. þegar hann var beðinn um að sýna blaðamönnum áðurnefndar upplýsingar. Portland Press Herald birti hins vegar í gær tölfræði frá FBI, alríkislögreglu Bandaríkjanna, um að af þeim 1.211 sem voru handteknir fyrir sölu eða framleiðslu fíkniefna í Maine árið 2014, voru 170 eða 14,1 prósent svartir. Lang flestir voru hvítir.Verri fimmtudagur LePage heyrði af því á fimmtudaginn að Drew Gattine, þingmaður Demókrataflokksins, hefði ýjað að því að LePage væri rasisti. Ríkisstjórinn brást reiður við og hringdi í Gattine. Gattine svaraði ekki og því skyldi LePage eftir skilaboð í talhólfi hans. Í skilaboðunum, sem hefur verið birt af Portland Press Herald, hreytir LePage fúkyrðum í þingmanninn, kallar hann öllum illum nöfnum og biður hann um að sanna að hann sé rasisti. Í skilaboðunum bað LePage þingmanninn um að birta skilaboðin opinberlega. Seinna á fimmtudeginum ræddi LePage skilaboðin við blaðamenn og þá sagðist hann óska þess að nú væri árið 1825 og að hann gæti skorað á Gattine í einvígi og skotið hann á milli augnanna. Þar að auki hélt LePage áfram að kalla þingmanninn öllum illum nöfnum.Kallað eftir afsögnLePage hélt enn einn blaðamannafund á föstudeginum. Þar sagði hann að Gattine hefði ekki átt að birta skilaboðin úr talhólfi sínu. Hann stóð við ummæli sín um að þeldökkir menn væru ástæða heróínvanda Maine, þrátt fyrir að það sé ekki rétt, og ýjaði að því að réttast væri að skjóta þá. „Ef þú ert í stríði og þú þekkir óvininn og hann klæðist rauðu og þú bláu, þá skýtur þú á rautt. Þú reynir þú að bera kennsl á óvininn og óvinurinn núna, stór meirihluti þeirra sem hafa verið handteknir, eru þeldökkir og spænskættaðir.“ Þungviktarmenn innan Demókrataflokksins hafa nú kallað eftir afsögn LePage eða að hann leiti sér hjálpar. Hann sé ekki hæfur til að sinna starfa ríkisstjóra.
Mest lesið Fjöldi skotflauga lenti í Ísrael Erlent Umdeild sameining sánuklefa: „Mér finnst allir vera óánægðir með þetta“ Innlent Ungur ökumaður ekki grunaður um akstur undir áhrifum Innlent Telur lykilspurningum um banaslysið enn ósvarað Innlent Trump lét sér ekki segjast og endurtók lygina Erlent Gestur greiðir ekki krónu þó að pallaolía hafi hellst í bílinn Innlent Fimmti hver ökumaður með óeðlileg afskipti við slysstað Innlent Blöskrar „tvískinnungur“ hjá borgarfulltrúa eftir banaslys Innlent Hreinsaður af ásökunum eiginkonu sveitarstjórans Innlent Dæmi um að leikarar fái 1300 á tímann Innlent Fleiri fréttir Minnst sex látnir í skotárás í Tel Avív Fjöldi skotflauga lenti í Ísrael Segja eldflaugaárás frá Íran væntanlega Enn ein reikistjarnan í „bakgarði“ sólkerfisins Hækka fjárútlát til varnarmála um þriðjung Reyna að tengja Pelicot við fleiri nauðganir og morð Síðasta kolaorkuveri Bretlands lokað Ungt fólk býr lengst heima í Króatíu en styst í Finnlandi Hundrað ára eftir tæp tvö ár á banalegunni Trump lét sér ekki segjast og endurtók lygina Árásir Ísraelsmanna í Líbanon héldu áfram í nótt Rutte tekur við af Stoltenberg Ísraelsher ræðst inn í Líbanon Saka rússneskan flugmann um „ófagmannlega“ hegðun „Fordæmalausar“ hörmungar eftir Helenu Sérsveitarmenn gera áhlaup á Líbanon í undirbúningi innrásar Fyrsti sigur hægriöfgaflokks frá seinna stríði Mun boða til kosninga um leið og hann tekur við Rangt af Netflix að halda því fram að Baby Reindeer væri „sönn saga“ Þrjátíu fórust í einni sýslu í Norður-Karólínu Ísraelar herja á miðborg Beirút Frelsisflokkurinn stærstur í Austurríki Ísrael gerir loftárásir á Jemen Hera Björk segir frá raunum sínum í Georgíu Fólk stekkur á milli húsþaka til að komast lífs af Átta ára drengur skotinn í höfuð og andlit Fimmtán látnir í nýjustu árásum Ísraelshers Segir Harris veika á geði Segir Ísrael í fullum rétti á að verja sig frá Hezbollah Minnst 66 látnir eftir flóð í Nepal Sjá meira