Ég hef heyrt heilu salina skella upp úr Gunnþóra Gunnarsdóttir skrifar 28. september 2016 10:15 "Við höfum ákveðið að vera ekki bara með tónskáld af norrænu þjóðerni heldur líka fólk sem hefur tengsl við norðrið, opnum þannig landamærin,“ segir Guðný Þóra. Vísir/Stefán „Þetta er okkar tækifæri til að leyfa fólki á Íslandi að fylgjast með hvað er að gerast í samtímamúsík á Norðurlöndunum og líka kynna íslenska tónlist fyrir þeim alþjóðlega hópi sem kemur að utan,“ segir Guðný Þóra Guðmundsdóttir. Hún er listrænn stjórnandi Norrænna músíkdaga sem hefjast á morgun í Hörpu og standa fram á laugardag. Norrænir músíkdagar voru stofnaðir 1888 og eru ein elsta tónlistarhátíð heims. Hátíðin er haldin á Íslandi á fimm ára fresti, var hér síðast 2011. Guðný Þóra kemur að skipulagningu hennar nú í fyrsta sinn, hún býr að öllu jöfnu í Berlín en kveðst vera með gott samstarfsfólk á Íslandi og fljúga á milli eftir því sem þörfin krefur. Fjöldi verka verður frumfluttur á hátíðinni og flytjendur eru hinar ýmsu sveitir og einleikarar. Guðný Þóra segir tónskáld í auknum mæli farin að flytja verkin sín sjálf. Ein af skærari stjörnum nútímatónlistar í dag, Daninn Simon Steen Andersen, er eitt þeirra, hann flytur verk sem hann stjórnar með tveimur tölvuleikjafjarstýringum. „Það er eitthvað sem margir gætu haft gaman af,“ bendir Guðný Þóra á og segir aðalatriði að nýir áheyrendur komi að samtímatónlist með opnum huga, þá verði upplifunin skemmtileg. „Það er svo margt skondið sem ber fyrir eyru. Ég hef heyrt heilu salina skella upp úr,“ lýsir hún. Hátíðin verður líka vettvangur tilrauna, rannsókna og umræðna, að sögn Guðnýjar Þóru. Eitt umfjöllunarefna er hvernig á að varðveita nútímatónlist sem er ekki bara nótnaskrift heldur framkölluð með hinum ýmsu leiðum. „S.L.Á.T.U.R. verður til dæmis með tónleika nú þar sem notaður er uppblásinn hoppkastali til að framkalla hljóð, hvernig á að skrá slíkt verk niður?“ nefnir Guðný Þóra sem dæmi. Hún segir konur einungis 14 til 20% félaga í norrænum tónskáldafélögum en á hátíðinni í ár verði í fyrsta skipti jafnt hlutfall karl- og kventónskálda. „Það hefur tekið 128 ár að ná því,“ bendir hún á. Sjálf var Guðný Þóra á síðustu Norrænu músíkdögum í Kaupmannahöfn í fyrra sem voru fjölmennir. Hún á von á að fólk sæki hátíðina í Hörpu sér til ánægju, enda er ókeypis inn á alla viðburði hennar að undanskildum tónleikum Sinfóníuhljómsveitar Íslands. Dagskráin er á nordicmusicdays.org. Greinin birtist fyrst í Fréttablaðinu 28. september 2016. Menning Mest lesið Eva flutt inn í verðlaunahús Kára Lífið „Þegar menn vaða svona í fjölskylduna mína þá tek ég boxhanskana af“ Lífið Maggie Smith er látin Lífið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Heldur ekki vatni yfir konunni sinni Lífið Kallaður hinn íslenski Forrest Gump af stóra bróður Lífið Í hnapphelduna með krókódílamanninum Lífið Gaf eiginmanninum nektarmynd á stórafmælinu Lífið Fleiri fréttir Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Þetta er okkar tækifæri til að leyfa fólki á Íslandi að fylgjast með hvað er að gerast í samtímamúsík á Norðurlöndunum og líka kynna íslenska tónlist fyrir þeim alþjóðlega hópi sem kemur að utan,“ segir Guðný Þóra Guðmundsdóttir. Hún er listrænn stjórnandi Norrænna músíkdaga sem hefjast á morgun í Hörpu og standa fram á laugardag. Norrænir músíkdagar voru stofnaðir 1888 og eru ein elsta tónlistarhátíð heims. Hátíðin er haldin á Íslandi á fimm ára fresti, var hér síðast 2011. Guðný Þóra kemur að skipulagningu hennar nú í fyrsta sinn, hún býr að öllu jöfnu í Berlín en kveðst vera með gott samstarfsfólk á Íslandi og fljúga á milli eftir því sem þörfin krefur. Fjöldi verka verður frumfluttur á hátíðinni og flytjendur eru hinar ýmsu sveitir og einleikarar. Guðný Þóra segir tónskáld í auknum mæli farin að flytja verkin sín sjálf. Ein af skærari stjörnum nútímatónlistar í dag, Daninn Simon Steen Andersen, er eitt þeirra, hann flytur verk sem hann stjórnar með tveimur tölvuleikjafjarstýringum. „Það er eitthvað sem margir gætu haft gaman af,“ bendir Guðný Þóra á og segir aðalatriði að nýir áheyrendur komi að samtímatónlist með opnum huga, þá verði upplifunin skemmtileg. „Það er svo margt skondið sem ber fyrir eyru. Ég hef heyrt heilu salina skella upp úr,“ lýsir hún. Hátíðin verður líka vettvangur tilrauna, rannsókna og umræðna, að sögn Guðnýjar Þóru. Eitt umfjöllunarefna er hvernig á að varðveita nútímatónlist sem er ekki bara nótnaskrift heldur framkölluð með hinum ýmsu leiðum. „S.L.Á.T.U.R. verður til dæmis með tónleika nú þar sem notaður er uppblásinn hoppkastali til að framkalla hljóð, hvernig á að skrá slíkt verk niður?“ nefnir Guðný Þóra sem dæmi. Hún segir konur einungis 14 til 20% félaga í norrænum tónskáldafélögum en á hátíðinni í ár verði í fyrsta skipti jafnt hlutfall karl- og kventónskálda. „Það hefur tekið 128 ár að ná því,“ bendir hún á. Sjálf var Guðný Þóra á síðustu Norrænu músíkdögum í Kaupmannahöfn í fyrra sem voru fjölmennir. Hún á von á að fólk sæki hátíðina í Hörpu sér til ánægju, enda er ókeypis inn á alla viðburði hennar að undanskildum tónleikum Sinfóníuhljómsveitar Íslands. Dagskráin er á nordicmusicdays.org. Greinin birtist fyrst í Fréttablaðinu 28. september 2016.
Menning Mest lesið Eva flutt inn í verðlaunahús Kára Lífið „Þegar menn vaða svona í fjölskylduna mína þá tek ég boxhanskana af“ Lífið Maggie Smith er látin Lífið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Heldur ekki vatni yfir konunni sinni Lífið Kallaður hinn íslenski Forrest Gump af stóra bróður Lífið Í hnapphelduna með krókódílamanninum Lífið Gaf eiginmanninum nektarmynd á stórafmælinu Lífið Fleiri fréttir Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira