Slagar hátt upp í íbúafjölda Svavar Hávarðsson skrifar 14. október 2016 07:00 Framkvæmdir við flugvöllinn hafa verið nær samfelldar síðustu árin. vísir/Anton Brink „Þetta er fyrst og síðast áskorun fyrir öll sveitarfélögin á Suðurnesjum að búa sig undir þetta tímabil sem fram undan er. Við verðum að bregðast hratt við,“ segir Kjartan Már Kjartansson, bæjarstjóri í Reykjanesbæ, spurður um framtíðarsýnina sem birtist í skýrslu ráðgjafarfyrirtækisins Aton á miðvikudag. Spáð er að 11.000 ný bein störf verði til á Keflavíkurflugvelli fram til ársins 2040, en það jafngildir því að manna þurfi eitt álver á hverju ári á rúmlega tveggja áratuga tímabili. Má í því samhengi nefna að sérstök vöktun á samfélagsáhrifum álvers- og virkjunarframkvæmda á Austurlandi var talin nauðsynleg. Þá hefur ekki verið tekið tillit til afleiddra starfa sem jafnframt munu skipta þúsundum og starfsmönnum annarra fyrirtækja sem talið er líklegt að vilji byggja upp starfsemi í nálægð flugvallarins, hvað þá fjölskyldum þeirra sem kjósa að starfa á atvinnusvæðinu í kringum flugvöllinn. Til að setja þessar tölur í samhengi þá bjuggu þann 1. janúar 2014 tæplega 22.000 manns á Suðurnesjum í sveitarfélögunum fimm. Íbúum hafði þá fjölgað um 5.537 á sextán ára tímabili frá 1998, eða um 36,3%.Kjartan Már KjartanssonKjartan Már bendir á að vöxtur í kjölfar ferðamannastraums á Keflavíkurflugvelli á næstu árum er af þeirri stærðargráðu að það er ekki aðeins sveitarfélaganna á Suðurnesjum að takast á við áskoranir honum tengdar heldur varði hann samfélagið allt. Þá verða niðurstöður skýrslunnar teknar sérstaklega upp á aðalfundi Sambands sveitarfélaga á Suðurnesjum nú um helgina, og dagskrá breytt þess vegna. „Það verður nauðsynlegt að flytja inn vinnuafl erlendis frá. Annað hvort flytur það til okkar og lifir og starfar innan sveitarfélaganna á Suðurnesjum eða völlurinn dregur til sín Íslendinga eða útlendinga annars staðar frá og þá þarf vinnuafl þangað. Svo þetta varðar okkur öll sem þjóð,“ segir Kjartan Már. Reykjanesbær glímir við alvarlegan fjárhagsvanda sem tíma tekur að leysa. Spurður um samhengi þess við uppbygginguna á Keflavíkurflugvelli segir Kjartan Már að á því séu tvær hliðar. „Góðu fréttirnar er fólksfjölgun með hærri tekjum sveitarfélagsins en við vitum líka að fólksfjölgun fylgja fjárfestingar í innviðum – skólum og leikskólum sem dæmi. Þetta er bara eitthvað sem við verðum að finna út úr, og það hlýtur að teljast ánægjulegt verkefni ef hinn valkosturinn er skoðaður – að fólk væri að flytja í burtu og við sætum uppi með ónýttar fjárfestingar,“ segir Kjartan Már en það er vel þekkt að atvinnuleysi í Reykjanesbæ fór í 17 prósent fyrir stuttu, en er aðeins þrjú prósent í dag. „Þetta er ekki eitthvað sem bæjarfélagið leysir eða sveitarfélögin ein, heldur krefst þetta samstarfs við Isavia og fyrirtæki á svæðinu á næstu misserum,“ segir Kjartan Már. Sameining sveitarfélaga á Suðurnesjum hefur lengi verið til umræðu – og Garður og Sandgerði eru þessa dagana að hefja formlegar viðræður um sameiningu. Kjartan Már segir of snemmt að segja til um hvort nýjar upplýsingar setji frekari þrýsting á sameiningu allra sveitarfélaganna á svæðinu, en það sé hans skoðun að sameining allra sveitarfélaganna fimm sé eðlileg og í raun aðeins tímaspursmál. „Ef þú keyrir tvo kílómetra frá Leifsstöð þá ertu búinn að vera í Sandgerði, Garði og Reykjanesbæ þegar þú kemur út úr fyrsta hringtorginu,“ segir Kjartan Már til áherslu. Fréttin birtist fyrst í Fréttablaðinu Birtist í Fréttablaðinu Mest lesið Svona voru fundahöld forseta með formönnum flokka Innlent Jón Gnarr kennir í brjósti um Einar arftaka sinn Innlent Íslendingur bannaður á djamminu í Danmörku Innlent Segja ásakanir „uppspuna frá rótum“ og „efni í hryllingsmynd“ Innlent „Þetta verður alger Kleppur“ Innlent „Þriðja banatilræðinu“ gegn Trump afstýrt Erlent Þykir leitt hvernig kennarar túlkuðu orð sín Innlent Segir Svandísi aðeins eiga einn kost eftir „svipugöng niðurlægingar“ Innlent Annar fyrrverandi Miðflokksmaður til liðs við Arnar Þór Innlent Pallborðið: Hvað segir stjórnarandstaðan um útspil Bjarna? Innlent Fleiri fréttir Starfsstjórn með nýjum forsætisráðherra „bara einhver furðukenning“ Ekki einhugur meðal formanna flokkanna um framhaldið Þykir leitt hvernig kennarar túlkuðu orð sín Sér Sigurð Inga alveg fyrir sér sem forsætisráðherra Dagbjört stendur við færsluna sem hún eyddi Viðbrögð stjórnarandstöðunnar, rödd almennings og landsleikur Afar spenntur fyrir minnihlutastjórn Íslendingur bannaður á djamminu í Danmörku „Ekkert eðlilega leiðinleg, þessi ríkisstjórn“ Allar líkur á samþykki forseta og að stjórnin sitji til kosninga Blönduð leið líkleg hjá Viðreisn og barátta um oddvitasætin „Við erum ekkert ofboðslega hrifin af þessari dramatík“ Staðan óljós eftir atburðarás gærdagsins Jón Gnarr kennir í brjósti um Einar arftaka sinn Hnífstunguárás í gistiskýlinu „Við þurfum að flýta okkur hægt í þessari stöðu“ Það henti VG að vera í „svolitlum slag“ við Sjálfstæðisflokkinn Skondið að sjá ágreininginn koma upp á yfirborðið Stuttur tími til að „komast í kjólinn fyrir jólin“ Pallborðið: Hvað segir stjórnarandstaðan um útspil Bjarna? Óvissa í efnahagslífinu og erfitt að sjá að verðbólga hjaðni nú Annar fyrrverandi Miðflokksmaður til liðs við Arnar Þór Forseti fundar með formönnum Uppstilling á framboðslista „ekki A-kostur“ „Svívirðileg móðgun við kennara“ „Mér gæti ekki verið meira sama um alla spekingana“ Frank Walter Sands er fallinn frá „Þetta verður alger Kleppur“ Gerir grein fyrir ákvörðun sinni síðar í vikunni Segja ásakanir „uppspuna frá rótum“ og „efni í hryllingsmynd“ Sjá meira
„Þetta er fyrst og síðast áskorun fyrir öll sveitarfélögin á Suðurnesjum að búa sig undir þetta tímabil sem fram undan er. Við verðum að bregðast hratt við,“ segir Kjartan Már Kjartansson, bæjarstjóri í Reykjanesbæ, spurður um framtíðarsýnina sem birtist í skýrslu ráðgjafarfyrirtækisins Aton á miðvikudag. Spáð er að 11.000 ný bein störf verði til á Keflavíkurflugvelli fram til ársins 2040, en það jafngildir því að manna þurfi eitt álver á hverju ári á rúmlega tveggja áratuga tímabili. Má í því samhengi nefna að sérstök vöktun á samfélagsáhrifum álvers- og virkjunarframkvæmda á Austurlandi var talin nauðsynleg. Þá hefur ekki verið tekið tillit til afleiddra starfa sem jafnframt munu skipta þúsundum og starfsmönnum annarra fyrirtækja sem talið er líklegt að vilji byggja upp starfsemi í nálægð flugvallarins, hvað þá fjölskyldum þeirra sem kjósa að starfa á atvinnusvæðinu í kringum flugvöllinn. Til að setja þessar tölur í samhengi þá bjuggu þann 1. janúar 2014 tæplega 22.000 manns á Suðurnesjum í sveitarfélögunum fimm. Íbúum hafði þá fjölgað um 5.537 á sextán ára tímabili frá 1998, eða um 36,3%.Kjartan Már KjartanssonKjartan Már bendir á að vöxtur í kjölfar ferðamannastraums á Keflavíkurflugvelli á næstu árum er af þeirri stærðargráðu að það er ekki aðeins sveitarfélaganna á Suðurnesjum að takast á við áskoranir honum tengdar heldur varði hann samfélagið allt. Þá verða niðurstöður skýrslunnar teknar sérstaklega upp á aðalfundi Sambands sveitarfélaga á Suðurnesjum nú um helgina, og dagskrá breytt þess vegna. „Það verður nauðsynlegt að flytja inn vinnuafl erlendis frá. Annað hvort flytur það til okkar og lifir og starfar innan sveitarfélaganna á Suðurnesjum eða völlurinn dregur til sín Íslendinga eða útlendinga annars staðar frá og þá þarf vinnuafl þangað. Svo þetta varðar okkur öll sem þjóð,“ segir Kjartan Már. Reykjanesbær glímir við alvarlegan fjárhagsvanda sem tíma tekur að leysa. Spurður um samhengi þess við uppbygginguna á Keflavíkurflugvelli segir Kjartan Már að á því séu tvær hliðar. „Góðu fréttirnar er fólksfjölgun með hærri tekjum sveitarfélagsins en við vitum líka að fólksfjölgun fylgja fjárfestingar í innviðum – skólum og leikskólum sem dæmi. Þetta er bara eitthvað sem við verðum að finna út úr, og það hlýtur að teljast ánægjulegt verkefni ef hinn valkosturinn er skoðaður – að fólk væri að flytja í burtu og við sætum uppi með ónýttar fjárfestingar,“ segir Kjartan Már en það er vel þekkt að atvinnuleysi í Reykjanesbæ fór í 17 prósent fyrir stuttu, en er aðeins þrjú prósent í dag. „Þetta er ekki eitthvað sem bæjarfélagið leysir eða sveitarfélögin ein, heldur krefst þetta samstarfs við Isavia og fyrirtæki á svæðinu á næstu misserum,“ segir Kjartan Már. Sameining sveitarfélaga á Suðurnesjum hefur lengi verið til umræðu – og Garður og Sandgerði eru þessa dagana að hefja formlegar viðræður um sameiningu. Kjartan Már segir of snemmt að segja til um hvort nýjar upplýsingar setji frekari þrýsting á sameiningu allra sveitarfélaganna á svæðinu, en það sé hans skoðun að sameining allra sveitarfélaganna fimm sé eðlileg og í raun aðeins tímaspursmál. „Ef þú keyrir tvo kílómetra frá Leifsstöð þá ertu búinn að vera í Sandgerði, Garði og Reykjanesbæ þegar þú kemur út úr fyrsta hringtorginu,“ segir Kjartan Már til áherslu. Fréttin birtist fyrst í Fréttablaðinu
Birtist í Fréttablaðinu Mest lesið Svona voru fundahöld forseta með formönnum flokka Innlent Jón Gnarr kennir í brjósti um Einar arftaka sinn Innlent Íslendingur bannaður á djamminu í Danmörku Innlent Segja ásakanir „uppspuna frá rótum“ og „efni í hryllingsmynd“ Innlent „Þetta verður alger Kleppur“ Innlent „Þriðja banatilræðinu“ gegn Trump afstýrt Erlent Þykir leitt hvernig kennarar túlkuðu orð sín Innlent Segir Svandísi aðeins eiga einn kost eftir „svipugöng niðurlægingar“ Innlent Annar fyrrverandi Miðflokksmaður til liðs við Arnar Þór Innlent Pallborðið: Hvað segir stjórnarandstaðan um útspil Bjarna? Innlent Fleiri fréttir Starfsstjórn með nýjum forsætisráðherra „bara einhver furðukenning“ Ekki einhugur meðal formanna flokkanna um framhaldið Þykir leitt hvernig kennarar túlkuðu orð sín Sér Sigurð Inga alveg fyrir sér sem forsætisráðherra Dagbjört stendur við færsluna sem hún eyddi Viðbrögð stjórnarandstöðunnar, rödd almennings og landsleikur Afar spenntur fyrir minnihlutastjórn Íslendingur bannaður á djamminu í Danmörku „Ekkert eðlilega leiðinleg, þessi ríkisstjórn“ Allar líkur á samþykki forseta og að stjórnin sitji til kosninga Blönduð leið líkleg hjá Viðreisn og barátta um oddvitasætin „Við erum ekkert ofboðslega hrifin af þessari dramatík“ Staðan óljós eftir atburðarás gærdagsins Jón Gnarr kennir í brjósti um Einar arftaka sinn Hnífstunguárás í gistiskýlinu „Við þurfum að flýta okkur hægt í þessari stöðu“ Það henti VG að vera í „svolitlum slag“ við Sjálfstæðisflokkinn Skondið að sjá ágreininginn koma upp á yfirborðið Stuttur tími til að „komast í kjólinn fyrir jólin“ Pallborðið: Hvað segir stjórnarandstaðan um útspil Bjarna? Óvissa í efnahagslífinu og erfitt að sjá að verðbólga hjaðni nú Annar fyrrverandi Miðflokksmaður til liðs við Arnar Þór Forseti fundar með formönnum Uppstilling á framboðslista „ekki A-kostur“ „Svívirðileg móðgun við kennara“ „Mér gæti ekki verið meira sama um alla spekingana“ Frank Walter Sands er fallinn frá „Þetta verður alger Kleppur“ Gerir grein fyrir ákvörðun sinni síðar í vikunni Segja ásakanir „uppspuna frá rótum“ og „efni í hryllingsmynd“ Sjá meira