Auglýsing Clinton heitir Tomorrow og er Clinton sjálf að tala til bandarískra kjósenda í auglýsingunni. Hún segir kosninguna ekki eingöngu vera um hver eigi að vera forseti Bandaríkjanna. Kosningin sé um hvers konar land íbúar vilji byggja fyrir börn sín og barnabörn.
Auglýsing Donald Trump heitir Donald Trump's Argument for America er byggð á ræðu sem hann flutti þann 13. október og er hún um það hvernig Trump muni stöðva „gerspillta stjórnmálaelítu“ Bandaríkjanna og gera Bandaríkin mikilfengleg á ný.
