Keltneskt þema og sérsamið jólalag Magnús Guðmundsson skrifar 3. desember 2016 11:30 Hilmar Örn Agnarsson, kórstjóri Söngfjelagsins, ásamt erlendu listamönnunum sem taka þátt í aðventutónleikunum á sunnudaginn. Visir/Anton Brink Aðventutónleikar Söngfjelagsins hafa notið mikilla vinsælda á síðustu árum enda einstaklega létt og skemmtileg jólastemning á tónleikunum. Það er kannski ekki að undra að það sé gaman hjá tónleikagestum enda er eflaust ákaflega gaman að syngja undir stjórn kórstjórans Hilmars Arnar Agnarssonar sem virðist strax við fyrstu kynni vera ákaflega léttur og skemmtilegur maður. Hilmar Örn segir að Söngfjelagið sé merkilegur hópur sem var stofnaður fyrir fimm árum. „Uppistaðan í Söngfjelaginu er úr gamla Dómkórnum, fólk sem var svona aðeins í lausu lofti og á milli kóra á sínum tíma, og í framhaldinu varð þessi kór til. Við köllum hann Söngfjelagið með joði til þess að höfða til gamla tímans því við viljum vera bæði módern og gamaldags í senn. Og við viljum líka vera frjáls og óháð. Það fannst okkur ægilega flott, að vera ekki kirkjukór,“ segir Hilmar Örn og hlær glaðlega. „En við erum frjáls í verkefnavali og getum tekist á við áskoranir sem við sækjumst eftir hverju sinni. Við höfum til að mynda verið að syngja klezmer-tónlist og þá hef ég getað nýtt mín sambönd, ég þekki ansi marga erlendis og gott listamannateymi sem hefur verið tilbúið til þess að koma til Íslands og vinna með okkur. Vinna með kórnum og kenna honum.“Hilmar Örn Agnarsson, kórstjóri Söngfjelagsins, var farinn að hlakka til aðventutónleikanna á sunnudaginn. Visir/Anton BrinkÞað er engin undantekning á þessu í ár en hingað til lands eru komnir ákaflega flottir listamenn á vegum kórsins sem Hilmar Örn segist vera alveg sérstaklega kátur með. „Við erum með alveg rosalega flott lið í ár. Fyrst skal telja sönghóp frá Írlandi sem heitir Anúna sem er alveg æðislegur acapella hópur og ég kynntist stjórnenda þeirra og hann sendi okkur hingað norður sína flottustu sópran-skvísu sem heitir Bláth Conroy Murphy. Og við ætlum að vera soldið í þeirra anda með henni. En svo göngum við enn lengra því það er önnur vinkona okkar frá Glastonbury, Heloise Pilkington, en hún er með þessa dásamlegu gömlu keltnesku tónlist. Til þess að líma þetta saman þá fengum við hingað mikinn snilling sem heitir Gerry Diver. Hann er sérfræðingur í írskri og keltneskri tónlist og getur hreinlega spilað á hvaða hljóðfæri sem er.“ Keltneska þemað leynir sér ekki og Hilmar Örn segir að það sé alltaf ákaflega skemmtilegt en svo séu nú líka fleiri hefðir hjá Söngfjelaginu. „Við höfum nefnilega alltaf látið semja fyrir okkur. Á síðasta ári var það hann Hjörleifur Hjartarson úr tvíeykinu Hundur í óskilum sem átti jólalagið. Í ár er það Olga Guðrún Árnadóttir sem á lagið og hún semur það í ákaflega fallegum ballöðustíl.“ Þess má einnig geta að lag Olgu Guðrúnar er tileinkað minningu Ingibjargar Haraldsdóttur, ljóðskálds og þýðanda sem lést fyrir skömmu, en Hilmar Örn segir líka að kórinn hiki ekki við að lofa fallegri stemningu í kirkjunni. Tónleikarnir verða í Langholtskirkju á sunnudag kl. 16 og svo aftur kl. 20.Greinin birtist fyrst í Fréttablaðinu 3. desember. Menning Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Fleiri fréttir Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Aðventutónleikar Söngfjelagsins hafa notið mikilla vinsælda á síðustu árum enda einstaklega létt og skemmtileg jólastemning á tónleikunum. Það er kannski ekki að undra að það sé gaman hjá tónleikagestum enda er eflaust ákaflega gaman að syngja undir stjórn kórstjórans Hilmars Arnar Agnarssonar sem virðist strax við fyrstu kynni vera ákaflega léttur og skemmtilegur maður. Hilmar Örn segir að Söngfjelagið sé merkilegur hópur sem var stofnaður fyrir fimm árum. „Uppistaðan í Söngfjelaginu er úr gamla Dómkórnum, fólk sem var svona aðeins í lausu lofti og á milli kóra á sínum tíma, og í framhaldinu varð þessi kór til. Við köllum hann Söngfjelagið með joði til þess að höfða til gamla tímans því við viljum vera bæði módern og gamaldags í senn. Og við viljum líka vera frjáls og óháð. Það fannst okkur ægilega flott, að vera ekki kirkjukór,“ segir Hilmar Örn og hlær glaðlega. „En við erum frjáls í verkefnavali og getum tekist á við áskoranir sem við sækjumst eftir hverju sinni. Við höfum til að mynda verið að syngja klezmer-tónlist og þá hef ég getað nýtt mín sambönd, ég þekki ansi marga erlendis og gott listamannateymi sem hefur verið tilbúið til þess að koma til Íslands og vinna með okkur. Vinna með kórnum og kenna honum.“Hilmar Örn Agnarsson, kórstjóri Söngfjelagsins, var farinn að hlakka til aðventutónleikanna á sunnudaginn. Visir/Anton BrinkÞað er engin undantekning á þessu í ár en hingað til lands eru komnir ákaflega flottir listamenn á vegum kórsins sem Hilmar Örn segist vera alveg sérstaklega kátur með. „Við erum með alveg rosalega flott lið í ár. Fyrst skal telja sönghóp frá Írlandi sem heitir Anúna sem er alveg æðislegur acapella hópur og ég kynntist stjórnenda þeirra og hann sendi okkur hingað norður sína flottustu sópran-skvísu sem heitir Bláth Conroy Murphy. Og við ætlum að vera soldið í þeirra anda með henni. En svo göngum við enn lengra því það er önnur vinkona okkar frá Glastonbury, Heloise Pilkington, en hún er með þessa dásamlegu gömlu keltnesku tónlist. Til þess að líma þetta saman þá fengum við hingað mikinn snilling sem heitir Gerry Diver. Hann er sérfræðingur í írskri og keltneskri tónlist og getur hreinlega spilað á hvaða hljóðfæri sem er.“ Keltneska þemað leynir sér ekki og Hilmar Örn segir að það sé alltaf ákaflega skemmtilegt en svo séu nú líka fleiri hefðir hjá Söngfjelaginu. „Við höfum nefnilega alltaf látið semja fyrir okkur. Á síðasta ári var það hann Hjörleifur Hjartarson úr tvíeykinu Hundur í óskilum sem átti jólalagið. Í ár er það Olga Guðrún Árnadóttir sem á lagið og hún semur það í ákaflega fallegum ballöðustíl.“ Þess má einnig geta að lag Olgu Guðrúnar er tileinkað minningu Ingibjargar Haraldsdóttur, ljóðskálds og þýðanda sem lést fyrir skömmu, en Hilmar Örn segir líka að kórinn hiki ekki við að lofa fallegri stemningu í kirkjunni. Tónleikarnir verða í Langholtskirkju á sunnudag kl. 16 og svo aftur kl. 20.Greinin birtist fyrst í Fréttablaðinu 3. desember.
Menning Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Fleiri fréttir Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira