Klassískur og litríkur stíll Starri Freyr Jónsson skrifar 25. ágúst 2016 15:00 Hettupeysan er samstarfsverkefni merkjanna Champion og Wood Wood, buxurnar eru frá Han Kjobenhavn og skórnir eru Adidas Stan Smith CF. MYNDIR/ERNIR Áhugi Sindra Þórhallssonar á tísku kviknaði ekki fyrir alvöru fyrr en árið 2014, um það leyti sem hann útskrifaðist úr menntaskóla. Áhuginn jókst svo enn frekar þegar hann hóf störf í Húrra Reykjavík síðasta sumar en í dag gegnir hann stöðu verslunarstjóra þar. „Þar kynntist ég bæði fólki með mikla reynslu og þekkingu á tískubransanum og fór að fylgjast enn betur með, þá helst gegnum samfélagsmiðlana. Þar ber helst að nefna Instagram þar sem ég skoða bæði aðgang hjá tískumerkjum og einstaklingum sem ég hef áhuga á. Einnig kíki ég reglulega á vefsíður á borð við Hypebeast og Highsnobiety.“Hér klæðist Sindri jakka og buxum frá Han Kjobenhavn, peysu frá Kenzo og skórnir eru Adidas Stan Smith Primeknit. Sólgleraugun eru í miklu uppáhaldi en þau eru frá Han Kjobenhavn.Fatastíll Sindra er að eigin sögn afar fjölbreyttur. „Ég klæðist mikið klassískum flíkum en hef einnig gaman af því að brjóta upp normið og fara í litríkari og meira áberandi föt. Þá á ég það til að blanda þessu tvennu saman. Týpískur hversdagsklæðnaður hjá mér er gallabuxur, einlit hettupeysa, bomber-jakki og hvítir strigaskór en þetta getur auðvitað verið mjög breytilegt eftir dögum.“Sólgleraugu frá Han Kjobenhavn og ýmsir aðrir aukahlutir.Geymd leyndarmál Honum finnst karlatískan í dag vera mjög skemmtileg og fjölbreytt. „Persónulega finnst mér tilkoma Húrra Reykjavíkur hafa sett mark sitt á tísku á Íslandi og menn eru byrjaðir í meira magni að velja sér vandaðri flíkur. Einnig hef ég tekið eftir að áhugi á strigaskóm hefur stóraukist síðastliðin ár á Íslandi.“ Þegar Sindri kaupir föt erlendis er það helst í Kaupmannahöfn og þar eru búðirnar sem eru í hliðargötum frá Strikinu best geymdu leyndarmálin að hans mati. „Uppáhaldsverslanir mínar þar eru m.a. Han Kjobenhavn, Streetmachine, Storm, Norse Projects og síðast en ekki síst Wood Wood.“ Uppáhaldsflíkin hans þessa dagana var þó keypt í París í sumar en um er að ræða gallajakka frá Kenzo. Bestu kaupin eru hins vegar buxur frá danska merkinu Han Kjobenhavn sem nefnast Tights. „Ég hef notað þær mikið undanfarna mánuði enda passa þær næstum við allt og eru í þokkabót einstaklega þægilegar. Í mínum huga er mikilvægast að velja flíkur sem eru vel sniðnar og vandaðar, þá er ólíklegt að þú munir sjá eftir kaupunum.“Skemmtilega innréttaður fataskápur undir súð.Líst vel á veturinn Helstu fylgihlutir sem Sindri hefur notað undanfarið eru sólgleraugu, enda veðrið verið gott á suðvesturhorninu. „Ég hef verið að vinna með sólgleraugu frá uppáhaldsmerkinu mínu, Han Kjobenhavn. Gleraugun eru framúrstefnuleg og öðruvísi í hönnun en að sama skapi stílhrein. Þegar vel liggur á mér á ég það til að nota hatta og hefur bucket-hatturinn komið sterkur inn þetta sumarið. Einnig geng ég oftast með úr á mér dagsdaglega, það setur punktinn yfir i-ið.“ Honum líst vel á tískuna í haust og vetur enda lítur hann á þetta tímabil sem skemmtilegan tíma í tískubransanum. „Þær flíkur sem koma inn á þessum tíma henta okkur Íslendingum að mörgu leyti mjög vel. Það er mikið um fallega jarðliti og efnisval er oft á tíðum mjög vandað. Þykkari flíkur líta einnig dagsins ljós sem koma sér vel þegar kalt er í veðri.“Hettupeysa er frá Carhartt WIP, jakkinn frá Kenzo og buxurnar frá Han Kjobenhavn. Skórnir eru Nike Air Presto Flyknit. Tíska og hönnun Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Hvað gerði Diddy? Mansal, ofbeldi og samsæriskenningar um Justin Bieber Lífið Kolbrún ber laxerolíu á andlitið Lífið Umdeilt uppáhald arkitekts við Austurvöll Lífið „Siðlausi siðfræðingurinn“ hreyfir ekki við Stefáni Einari Lífið Lakkrískóngurinn Bülow selur sveitasetrið Lífið Fleiri fréttir Ógleymanlegt fermingarpils enn í uppáhaldi Kátir tískukarlar hjá Kölska Best klæddu stjörnurnar á Emmy verðlaununum Hægt og rólega að finna stílinn sinn aftur eftir barneignir Mætti á nærfötunum einum klæða Tár, gleði, hátíska og ást hjá Línu og Gumma í New York Tískan við þingsetningu: Hverjir voru í hverju? Halla valdi drapplitað fyrir þingsetninguna Laufey prýðir forsíðu Vogue Óþægilegir skór undantekningalaust slæm hugmynd Rakel María afhjúpar skotheldar leynileiðir í förðun Helen Óttars í herferð Juicy Couture „Banna mér alfarið að hugsa um föt sem karla- og kvennaföt“ Kemur með íslenskan innblástur til hátískuheimsins í París Ríflega þúsund manns skemmtu sér í bílakjallara Elskar að ögra og klæða sig þveröfugt við tilefnið „Klæddu þig eftir veðri, ekki verði“ Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Sjá meira
Áhugi Sindra Þórhallssonar á tísku kviknaði ekki fyrir alvöru fyrr en árið 2014, um það leyti sem hann útskrifaðist úr menntaskóla. Áhuginn jókst svo enn frekar þegar hann hóf störf í Húrra Reykjavík síðasta sumar en í dag gegnir hann stöðu verslunarstjóra þar. „Þar kynntist ég bæði fólki með mikla reynslu og þekkingu á tískubransanum og fór að fylgjast enn betur með, þá helst gegnum samfélagsmiðlana. Þar ber helst að nefna Instagram þar sem ég skoða bæði aðgang hjá tískumerkjum og einstaklingum sem ég hef áhuga á. Einnig kíki ég reglulega á vefsíður á borð við Hypebeast og Highsnobiety.“Hér klæðist Sindri jakka og buxum frá Han Kjobenhavn, peysu frá Kenzo og skórnir eru Adidas Stan Smith Primeknit. Sólgleraugun eru í miklu uppáhaldi en þau eru frá Han Kjobenhavn.Fatastíll Sindra er að eigin sögn afar fjölbreyttur. „Ég klæðist mikið klassískum flíkum en hef einnig gaman af því að brjóta upp normið og fara í litríkari og meira áberandi föt. Þá á ég það til að blanda þessu tvennu saman. Týpískur hversdagsklæðnaður hjá mér er gallabuxur, einlit hettupeysa, bomber-jakki og hvítir strigaskór en þetta getur auðvitað verið mjög breytilegt eftir dögum.“Sólgleraugu frá Han Kjobenhavn og ýmsir aðrir aukahlutir.Geymd leyndarmál Honum finnst karlatískan í dag vera mjög skemmtileg og fjölbreytt. „Persónulega finnst mér tilkoma Húrra Reykjavíkur hafa sett mark sitt á tísku á Íslandi og menn eru byrjaðir í meira magni að velja sér vandaðri flíkur. Einnig hef ég tekið eftir að áhugi á strigaskóm hefur stóraukist síðastliðin ár á Íslandi.“ Þegar Sindri kaupir föt erlendis er það helst í Kaupmannahöfn og þar eru búðirnar sem eru í hliðargötum frá Strikinu best geymdu leyndarmálin að hans mati. „Uppáhaldsverslanir mínar þar eru m.a. Han Kjobenhavn, Streetmachine, Storm, Norse Projects og síðast en ekki síst Wood Wood.“ Uppáhaldsflíkin hans þessa dagana var þó keypt í París í sumar en um er að ræða gallajakka frá Kenzo. Bestu kaupin eru hins vegar buxur frá danska merkinu Han Kjobenhavn sem nefnast Tights. „Ég hef notað þær mikið undanfarna mánuði enda passa þær næstum við allt og eru í þokkabót einstaklega þægilegar. Í mínum huga er mikilvægast að velja flíkur sem eru vel sniðnar og vandaðar, þá er ólíklegt að þú munir sjá eftir kaupunum.“Skemmtilega innréttaður fataskápur undir súð.Líst vel á veturinn Helstu fylgihlutir sem Sindri hefur notað undanfarið eru sólgleraugu, enda veðrið verið gott á suðvesturhorninu. „Ég hef verið að vinna með sólgleraugu frá uppáhaldsmerkinu mínu, Han Kjobenhavn. Gleraugun eru framúrstefnuleg og öðruvísi í hönnun en að sama skapi stílhrein. Þegar vel liggur á mér á ég það til að nota hatta og hefur bucket-hatturinn komið sterkur inn þetta sumarið. Einnig geng ég oftast með úr á mér dagsdaglega, það setur punktinn yfir i-ið.“ Honum líst vel á tískuna í haust og vetur enda lítur hann á þetta tímabil sem skemmtilegan tíma í tískubransanum. „Þær flíkur sem koma inn á þessum tíma henta okkur Íslendingum að mörgu leyti mjög vel. Það er mikið um fallega jarðliti og efnisval er oft á tíðum mjög vandað. Þykkari flíkur líta einnig dagsins ljós sem koma sér vel þegar kalt er í veðri.“Hettupeysa er frá Carhartt WIP, jakkinn frá Kenzo og buxurnar frá Han Kjobenhavn. Skórnir eru Nike Air Presto Flyknit.
Tíska og hönnun Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Hvað gerði Diddy? Mansal, ofbeldi og samsæriskenningar um Justin Bieber Lífið Kolbrún ber laxerolíu á andlitið Lífið Umdeilt uppáhald arkitekts við Austurvöll Lífið „Siðlausi siðfræðingurinn“ hreyfir ekki við Stefáni Einari Lífið Lakkrískóngurinn Bülow selur sveitasetrið Lífið Fleiri fréttir Ógleymanlegt fermingarpils enn í uppáhaldi Kátir tískukarlar hjá Kölska Best klæddu stjörnurnar á Emmy verðlaununum Hægt og rólega að finna stílinn sinn aftur eftir barneignir Mætti á nærfötunum einum klæða Tár, gleði, hátíska og ást hjá Línu og Gumma í New York Tískan við þingsetningu: Hverjir voru í hverju? Halla valdi drapplitað fyrir þingsetninguna Laufey prýðir forsíðu Vogue Óþægilegir skór undantekningalaust slæm hugmynd Rakel María afhjúpar skotheldar leynileiðir í förðun Helen Óttars í herferð Juicy Couture „Banna mér alfarið að hugsa um föt sem karla- og kvennaföt“ Kemur með íslenskan innblástur til hátískuheimsins í París Ríflega þúsund manns skemmtu sér í bílakjallara Elskar að ögra og klæða sig þveröfugt við tilefnið „Klæddu þig eftir veðri, ekki verði“ Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Sjá meira