Það eru engar flóttaleiðir færar Gunnþóra Gunnarsdóttir skrifar 31. mars 2016 10:30 "Nú er ég að færa mig nær klassíkinni aftur og leita í módelteikningu eftir lifandi fyrirmynd,“ segir listakonan Kristín. Vísir/Stefán „Það kveður við nýjan tón hjá mér á þessari sýningu. Undanfarin ár hef ég gefið frjálsri teikningu lausan tauminn og verið þekkt fyrir verk sem ganga nálægt kynvitund kvenna á bersöglan hátt. Nú er ég að færa mig nær klassíkinni aftur og leita í hefðbundna módelteikningu eftir lifandi fyrirmynd. Með því að teikna mannslíkamann segir maður frá innri líðan, hvað það þýðir að vera manneskja,“ segir Kristín Gunnlaugsdóttir myndlistarmaður sem opnar sýningu í dag á Skólavörðustíg 21. „Konurnar tíu sem reka Skúmaskot eru listamenn og hönnuðir. Þær buðu mér að vera með fyrstu sýninguna þar og mér þykir mjög vænt um það,“ segir Kristín kampakát. Tekur fram að til að skoða list hennar sé gengið í gegnum verslunina inn í ágætan sýningarsal með tveimur stórum gluggum sem snúi að Njálsgötu. Myndirnar í nýja salnum í Skúmaskoti eru allar unnar sem stúdíur af líkömum bæði karla og kvenna að sögn Kristínar. Hún kveðst hafa verið að teikna módel síðustu ár, bæði í Myndlistarskóla Reykjavíkur með öðrum listamönnum og kennurum og líka heima í vinnustofunni sinni. Hún segir það mikla ögrun fyrir listamann að sýna teikningar og vatnslitamyndir því þar geti hann ekki falið neitt. „Það eru engar flóttaleiðir færar því maður getur engu breytt í verkinu,“ útskýrir hún.Ein af þeim bláu.Kristín segir vægi módelteikninga hafa minnkað í námi myndlistarmanna hér á landi í seinni tíð. Til dæmis sé ekki lögð áhersla á módelteikningu í Listaháskóla Íslands. Því séu nokkrar kynslóðir listamanna að koma upp sem hafi lítil kynni af þeirri grein og henni finnst synd að þeir fari á mis við hana. „Ég get ekki ímyndað mér sjálf hvar ég stæði ef ég gæti ekki leitað í þann grunn sem módelteikningin er,“ segir hún. „Mannslíkaminn er svo mikið viðmið – og hann segir allt.“ Sýningin er opin á opnunartíma verslunarinnar frá klukkan 11 til 18 á virkum dögum og 12 til 17 á laugardögum og stendur til 17. apríl. Greinin birtist fyrst í Fréttablaðinu 31. mars. Menning Mest lesið Hart barist á hundruð milljóna jólamarkaði Lífið Gáfu tóndæmi af Barfly í beinni Tónlist Sergio Mendes höfundur Mas Que Nada látinn Tónlist „Vináttan sem þú hélst að væri harðari en grjót reyndist byggð á sandi“ Lífið Hvetja fleiri til að láta mála vegglistaverk Lífið Fékk typpamyndir og áreiti þegar þeir héldu að hann væri stelpa Lífið Fréttatía vikunnar: Pólitík, glæpir og barnalán Lífið Tólf fermetra smáhúsið innréttað og tilbúið Lífið „Fullkomið frá upphafi til enda, svo ekki sé minna sagt“ Lífið Fresta ákvörðun um þátttöku í Eurovision Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Það kveður við nýjan tón hjá mér á þessari sýningu. Undanfarin ár hef ég gefið frjálsri teikningu lausan tauminn og verið þekkt fyrir verk sem ganga nálægt kynvitund kvenna á bersöglan hátt. Nú er ég að færa mig nær klassíkinni aftur og leita í hefðbundna módelteikningu eftir lifandi fyrirmynd. Með því að teikna mannslíkamann segir maður frá innri líðan, hvað það þýðir að vera manneskja,“ segir Kristín Gunnlaugsdóttir myndlistarmaður sem opnar sýningu í dag á Skólavörðustíg 21. „Konurnar tíu sem reka Skúmaskot eru listamenn og hönnuðir. Þær buðu mér að vera með fyrstu sýninguna þar og mér þykir mjög vænt um það,“ segir Kristín kampakát. Tekur fram að til að skoða list hennar sé gengið í gegnum verslunina inn í ágætan sýningarsal með tveimur stórum gluggum sem snúi að Njálsgötu. Myndirnar í nýja salnum í Skúmaskoti eru allar unnar sem stúdíur af líkömum bæði karla og kvenna að sögn Kristínar. Hún kveðst hafa verið að teikna módel síðustu ár, bæði í Myndlistarskóla Reykjavíkur með öðrum listamönnum og kennurum og líka heima í vinnustofunni sinni. Hún segir það mikla ögrun fyrir listamann að sýna teikningar og vatnslitamyndir því þar geti hann ekki falið neitt. „Það eru engar flóttaleiðir færar því maður getur engu breytt í verkinu,“ útskýrir hún.Ein af þeim bláu.Kristín segir vægi módelteikninga hafa minnkað í námi myndlistarmanna hér á landi í seinni tíð. Til dæmis sé ekki lögð áhersla á módelteikningu í Listaháskóla Íslands. Því séu nokkrar kynslóðir listamanna að koma upp sem hafi lítil kynni af þeirri grein og henni finnst synd að þeir fari á mis við hana. „Ég get ekki ímyndað mér sjálf hvar ég stæði ef ég gæti ekki leitað í þann grunn sem módelteikningin er,“ segir hún. „Mannslíkaminn er svo mikið viðmið – og hann segir allt.“ Sýningin er opin á opnunartíma verslunarinnar frá klukkan 11 til 18 á virkum dögum og 12 til 17 á laugardögum og stendur til 17. apríl. Greinin birtist fyrst í Fréttablaðinu 31. mars.
Menning Mest lesið Hart barist á hundruð milljóna jólamarkaði Lífið Gáfu tóndæmi af Barfly í beinni Tónlist Sergio Mendes höfundur Mas Que Nada látinn Tónlist „Vináttan sem þú hélst að væri harðari en grjót reyndist byggð á sandi“ Lífið Hvetja fleiri til að láta mála vegglistaverk Lífið Fékk typpamyndir og áreiti þegar þeir héldu að hann væri stelpa Lífið Fréttatía vikunnar: Pólitík, glæpir og barnalán Lífið Tólf fermetra smáhúsið innréttað og tilbúið Lífið „Fullkomið frá upphafi til enda, svo ekki sé minna sagt“ Lífið Fresta ákvörðun um þátttöku í Eurovision Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira