Enski boltinn

Chelsea staðfestir endurkomu David Luiz

Ingvi Þór Sæmundsson skrifar
David Luiz er mættur aftur á Stamford Bridge.
David Luiz er mættur aftur á Stamford Bridge. vísir/getty
Chelsea staðfesti í kvöld að brasilíski miðvörðurinn David Luiz væri genginn í raðir félagsins frá Paris Saint-Germain.

Luiz snýr því aftur á Stamford Bridge en hann lék með Chelsea á árunum 2011-14.

Luiz, sem er 29 ára, skrifaði undir þriggja ára samning við Chelsea en talið er að Lundúnaliðið hafi greitt PSG um 33 milljónir punda fyrir hann.

Antonio Conte, knattspyrnustjóra Chelsea, tókst því að bæta tveimur varnarmönnum í hópinn á lokadegi félagaskiptagluggans.

Fyrr í dag var greint frá því að Chelsea hefði fest kaup á spænska bakverðinum Marcus Alonso frá Fiorentina.

Enski boltinn

Tengdar fréttir

Mest lesið


Fleiri fréttir

Sjá meira


×

Mest lesið